聖誕佳節成街都係人...真係poeple mountain people sea ar! 係銅鑼灣行完街，求其見到宜間cafe價錢唔貴就入左去試試。諗唔到又幾抵食，味道又唔錯喎！ Main couse 加廿數雞就可以有salad/soup +drink，好吸引！ 跟honey各叫了一個餐湯和沙律...餐湯是松露磨菇湯吧！質感幾濃稠，菇味很重！至於沙律就較為清新開胃，好中意上層類似墨西哥脆片的東西，脆卜卜非常有口感！ 這碟雞肉喇沙意粉上檯時已經香氣撲鼻，喇沙椰香味十分濃郁！想不到新加坡出名既喇沙配上西底既意粉都幾夾，意粉很入味。 另一個order既主業就係牛牛漢堡喇！漢堡將生菜同蕃茄抽出，岩哂唔中意食菜既人士呀！哈哈！牛堡肉味幾濃，而且很juicy，味道不錯！唯一不足既係粗薯皮脆得黎偏硬，否則就perfect喇！ Mocha 比起平日飲既偏澀，朱古力同咖啡既份量配合得不太好！反而這杯brewed caylon tea 幾有特色...味道似飲緊芒果紅茶呀。加上一小片既檸檬，格外清新醒胃！
