距離放大假去旅行仲有一個月,心情特別開心興奮唷!星期六下午就同honey去左依間茶室食brunch傾行程。 落地玻璃嘅設計令到餐廳採光度非常高,悠閑舒適嘅感覺,同街外行色匆匆的行人成了對比呢! Order了All day breakfast ,有黑松露炒蛋、沙律菜、德國腸、茄汁豆、火腿、煙肉、牛油果蓉及德國麵包。食過唔少all day breakfast 既松露炒蛋,這間茶室既松露炒蛋相當不俗唷!松露份量非常足夠,蛋香嫩滑,配上松露既香味,非常滋味呀! 厚切既蕃茄兩邊煎香過,入口除咗富有口感之外亦都非常美味! 老闆娘更特別為我地介紹這個德國麵包。麵包面層黑色似是芝麻的東西其實係罌粟籽,係德國係一種普遍的烘焙材料唷!麵包口感外脆內軟,配上行罌粟籽很有特色! Honey 就揀左德國雜腸拼薯菜,色彩豐富,賣相相當吸引呢!上菜時老闆娘更為我們介紹這三款德國腸分別是紐倫堡腸、盧根尼卡腸及辣腸。 三款德國腸中,我覺得紐倫堡腸口感實淨,香腸味最重!腸仔點上那伴碟既雜菌忌廉汁,份外惹味,我超愛呀! 這杯伯爵茶未飲就已經feel到係高質之作了。聞到淡淡的茶香,飲落沒有半點茶澀,飲到茶香味既同時又飲到牛奶既味道,同一般港式茶餐廳既奶茶非常不同。最特別既係心型既黃糖,非常可愛,令人少女心爆發呢! 同honey傾行程傾到咁上下覺得有點口渴,又想飲多杯果茶,就叫左個水果沙律一齊分享,重點是可以無限添飲果茶唷!$88@2人份量,又得食又有得飲,超級經濟實惠呀!這個水果碟上檯時,真係令我o哂咀!無諗過普通既水果碟竟然可以咁吸引!岩哂相機食先呃like呀! 水果碟有勁多水果,分別有蜜瓜青提子青瓜配香醋汁、紅石榴蘋果配乳酷、柚子金柚配薄荷葉、雜莓芒果配熱情果醬。勁多抗氧化既水果,食完都覺得自己靚左又健康左呀,哈哈! 蜜核薑水果茶,味道帶點酸,絕對係my cup of tea 唷!加上有薑片,岩哂宜時秋涼既天氣,驅寒一流,我宜個孱孱子好中意呀! 之後我地再添飲了天堂博士茶及冷香甘檸草本茶。 老闆娘說這天堂博士茶係南非常出名,是有助抗敏養胃和安睡,係美顏既首選。這博士茶聞落好香熱情果味,味道唔太重,我非常中意呀! Honey果杯係冷香甘檸草本茶,味道層次豐富,先涼後甜,又帶點酸,很特別!老闆娘對茶的研究真係非常深,她說這杯茶有助潤喉提神,不同果茶有不同功效。看得出她經營這間茶室很有heart 呢! 如果大家都鐘意我既分享就follow 我IG&FB 喇!!! IG: https://www.instagram.com/foodiett/ & FB: https://www.facebook.com/tititiffan/ 地址:Green Impression Tea Bar 大有街3號萬迪廣場地下C舖 Contact Details: Email: foodiett@gmail.com OpenRice: https://www.openrice.com/zh/restaurant/userinfo.htm?userid=58704840 TripAdvisor: https://www.tripadvisor.com.hk/members/Foodietiff