每個星期，最大運動量就係星期六&日行街、行街同行街！行到夜，行到攰就自然去食好西，哈哈！可惜旺角太多人太嘈，想搵個地方食飯坐耐啲都難！於是，我同朋友就行遠少少去咗油麻地附近搵野食，經過宜間cafe見佢幾抵食就入左去試下。 set dinner 由前菜食到主菜，再食到去甜品，再飲埋杯飲品麵係$138非常抵食! 前菜係沙律...同朋友各選了是日沙律同田園沙律。 是日沙律有鴨胸，很吸引呢！雖然係前菜但沙律份量都幾大份，食極都仲有咁。 餐湯係忌廉湯，質感很濃，很喜歡！ 龍蝦汁大蝦月幻天使麵睇個名就已經覺得材料好豐富。開邊嘅大蝦很容易剝殼，又煮得更入味，岩唔想剝蝦殼既我。青口唔算大粒，但都幾鮮味。來到最重點就係個天使麵！！個天使麵一啲都唔野少，老闆同我地講真係用咗新鮮龍蝦去製個汁，難怪味道咁鮮咁惹味，真係好味都不得了！ 另一個主食係黑松露意大利飯，黑松露一向都係我同朋友食西餐嘅首選唷！意大利飯很香松露味，飯粒比正宗的煮法較軟身，冇咁頂胃。 甜品係士多啤梨奶凍，粉紅色的，很少女唷！ 奶凍入口即溶，士多啤梨同奶味比例均勻，味道品太甜唷。 同朋友食完飯坐左好耐傾計都冇俾人趕走，傾下傾下又肚餓，點左個朱古力雪花冰開心share！女生既第2個胃絕對不容忽視呀!!! 宜個朱古力朱古力雪花冰真係非常足料!!朱古力粉同朱古力醬多到不得了，再加埋朱古力雪糕，每啖綿綿冰入口都食到很濃既朱古力味唷！ Yummy 地址 :旺角廣華街48號地下 Contact Details: Email: foodiett@gmail.com IG: https://www.instagram.com/foodiett/ OpenRice: https://www.openrice.com/zh/restaurant/userinfo.htm?userid=58704840 TripAdvisor: https://www.tripadvisor.com.hk/members/Foodietiff
