本來有幾篇食評好想打, 不過為免travel blog變openrice, 都係打番篇遊記緩衝下先! 就由本年最難忘嘅旅程開始 - 世上最快樂嘅國度之一 -- 不丹! 簡單介紹一下不丹先! 不丹位於中國西藏自治區同印度錫金中間 (唔知可以Check下Google Map). 整個國家處於喜馬拉雅山脈嘅東面, 所以大部分國土都係屬於高海拔嘅地段! 好多人都覺得不丹好神秘 (未去之前我都咁覺得), 除左知道梁朝偉同劉嘉玲0係0個度結婚之外所知不多! 咁等我同大家解開呢個國家嘅神秘面紗啦! 要去不丹旅行最獨特嘅地方, 係佢唔容許自由行, 即係唔係好似去日本台灣東南亞咁BOOK左機票酒店就出發, 其餘嘅0野去到先搞, 唯一可以咁做嘅只印度, 馬爾代夫同尼泊爾藉嘅旅客! 係得佢地入不丹係唔需要visa! 大部分人誤會不丹嘅visa好難攞, 有quota,其實呢一個有D誤導成份! 其實只要你同旅行社confirm左機位,行程同酒店, 再俾40美金, 可以話99.9%可以辦証成功. 咁點解會有之前嘅誤會呢?係因為機位同埋政府認可嘅酒店係非常有限, 所以要confirm哂所有野係幾難!尤其是撞正當地嘅festivals, 可以0係大半年之前乜都bookout 哂! 要飛入不丹, 一定要經國營航空公司 - Druk Air. 而佢只有Bangkok,Delhi,Kolkatta, Singapore,Bombay,Kathmandu,Dhaka呢幾個香港有直航機嘅地方可以飛去, 而且除0左Bangkok係每朝有一班之外其他都唔係每日有機飛到. 仲要中途會停某D印度細城市, 大部分位要分俾中途落機嘅印度客, 所以你諗下幾矜貴! 我就梗係放左工夜機飛去Bangkok啦! 班機仲要Delay,半夜12點幾先出閘!好彩機場Novotel酒店嘅Shuttle Bus係24小時服務, 我去到酒店meet我旅伴嘅時候都差唔多一點喇! 正式0係不丹嘅行程會陸續送上, 請密切留意, 多多支持! "你的留言是我的動力"
