筆者舊年已經去過一次Wine & Dine Festival, 老實講係純粹趁熱鬧, 同埋覺得其實西九海濱長廊其實個View好正, 奈何令年係得呢幾日最熱鬧, 其餘時間俾政府拖到依然係一塊好"西"好"九"嘅爛地! 入番正題, 其實我本身對酒嘅認識真係唔多, 紅酒白酒極其量試完可以講得出有咩基本特色, 但對於葡萄種類, 產地, 年份, 氣候等都係一竅不通! 不過可以講嘅係, 除非你買尊尚品酒證入去高級紅酒區, 否則你都唔駛旨意試得到咩靚嘅紅白酒; 就算真係靚嘅, 係咁混亂嘅環境之下你都試唔到佢原本嘅味道! 喂大佬, 支酒開完都唔知擺左幾耐先斟俾你, 有幾好飲心中有數啦! 所以尋晚試左好多紅酒,白酒,Sparkling wine同香檳, 都完全講唔出邊支有咩特別! 反而最尾我去到一間sell日本酒嘅Counter, 佢地賣個幾隻梅酒係非常之好飲! 尤其是個支7%酒精濃度嘅柚子梅酒, 入口似有少少汽嘅汽水, 味道似柚子茶, 7%嘅酒精可以話岩岩好! 100%適合女士, 男士買黎灌醉小妹妹都可以講得係神不知鬼不覺! 不過稍為有人生經驗嘅女士莫講話7%, 70%都頂得住! 不過問一問售貨員, 原來呢隻牌子0係香港未有得賣, 要年底先有, 已經拎左卡片準備掃貨! 另外再試左一隻Sparkling Rose, 開頭覺得佢太甜, 但係搵佢黎配Parma Ham或者西班牙火腿等等咸味比較重嘅食物, 又真係幾match架喎! 咁岩得咁橋尋晚碟Parma Ham冇得配生果, 食完飲啖呢隻加州酒可以話一流, 忍唔住再encore左一杯! Food pairing 認真有意思! 講完Wine就講Dine! 係個場入面食野其實都幾貴, 所以真係要俾心機搵好野食! 原本黎之前準備去食韓國蠔, 安格斯牛同鵝肝多士, 點知去到搵韓國蠔先知原來唔係生蠔, 仲要50蚊一隻細細隻, 梗唔食啦! 後尾佢買一送一就睬佢! 唔食蠔,但係個booth仲有樣正野食...食咩就賣關子, 不過如果你唔去就蝕! 個booth 係0係D區, 佢就用左D宣傳技倆話你知佢0係D區架喇! 隔離舖賣鮑魚, 第一次行過都拍烏蠅, 番轉頭見到D人湧過去, 我就知到佢搞免費試食啦! 執輸就笨喇, 攞左細細舊試下, 係堅鮮甜喎! 可惜佢一試食完畢D人都係鳥獸散! 哈哈! 冇食到帝苑嘅安格斯牛, 不過黎左兩件鵝肝多士就總結, 非常之咁正, 煎得岩岩好, 好香, 不過唔知點解, 點解鵝肝會有筋!!! 其餘食左D羊串, 龍蝦湯, 翡翠螺, 都麻麻地啦! 有個booth賣麻辣螺肉反而值得一試, 螺肉夠入味同埋夠"林'! 今日講到呢度, 下篇將會係柬埔寨越南8天旅遊包膠!
