千島湖，唔淨係外國先有，香港一樣有屬於香港人既千島湖，佢就係位於新界既大欖涌水塘！ 落成於１９５７年，大欖涌水塘係香港係二戰後首個興建的水塘，現為香港存水量第四大的水塘。呢個水塘除左存水量大之外，其中一大特色就係有大大小小不同形狀既小島係入面，要一睹全貎就要當然要登高望遠！ 早在數年前已遊覽過大欖涌水塘，但就見唔到所謂既千島湖，因為當時係沿住水塘黎行，無上山就當然見唔到啦！所以今次決定越過高山又越過谷，務求一睹千島湖既真面貎！ 上山路徑係由麥理浩徑Ｍ１８７上山，到Ｍ１８３落山。 首先從屯門出發，搭４３號小巴到掃管芴。 下車後會見到天后古廟旁有一條石屎路，一直往內走，直到見到山徑指示牌。 右邊係前往沿住水塘既路，如果怕辛苦可走此徑，但就唔能夠由山上望到千島湖既景色。 有充份準備接受挑戰既可以由左邊上山睇千島湖！ Ｍ１８７標距柱 走不遠處就會到右彎路，就係一條若隱若現既上山路！沿路有不少沙石，需手腳並用，最好帶備行山杖。 沿途有有色絲帶指路，一直跟住絲帶往上行。 不時回頭看會開始見到屯門一帶既景色。 途中有一大石，可稍作休息。 上到一半，右邊開始見到千島湖！ 一路上就要踩住沙石路上，要有定心理準備！ 行左大半個鐘，終於見到千島湖全貎！唔知係咪攰得滯同太興奮既關係，感覺好似入左仙境咁～ 再往上行，番過呢個山頭，左邊會見到光禿禿既劣地。 再往前走，會見到數座電塔，當見到對面山呢個電塔，右轉往下落山。 遠攝千島湖 沿途有數級木梯。 終於落到山，入返麥理浩徑，可沿水泥路往下走回到起點Ｍ１８７的位置出返掃管芴村搭４３號小巴回屯門市中心。 行山日期：３０／１０／２０１６（日） 難度：＊＊＊＊ 景色：＊＊＊
