Day 7: 巴塞: 畢卡索美術館>巴塞隆拿主教座堂>米羅美術館>海洋聖母聖殿 之前幾日我地已經睇左鬼才建築師高弟幾個建築作品, 除左高弟, 西班牙出名o既名人當然要數藝術家畢加索同米羅, 由於今日哩2個美術館都可以免費參觀, 所以我地就揀左今日黎, 另外仲去左兩個巴塞比較有名氣o既教堂參觀 因為之前o個日搭左成日通宵巴士, 所以今日o既行程唔算好緊密, 訓到7:30am起身, 之後就黎哩度食早餐 點擊圖片放大 哩度同樣係食西班牙油條o既, 叫左一份朱古力油條, €0.4 普通西班牙油條€3.2, 油條好鬆脆, 朱古力醬夠多 畢卡索美術館 Museu Picasso 預計停留時間: 1hr 開放時間：9:00-20:30 票價：成人€13 食完早餐就即刻黎畢加索美術館, 原本門票要€13/人, 因為今日可以免費參觀, 所以我地9am一開門就黎, 黎到要先放低背囊 o係畢加索未開始畫o個d三尖八角o既立體畫之前, 佢都係畫得好寫實架 點擊圖片放大 +2 除左畫作, 畢加索仲有涉獵陶藝 點擊圖片放大 開始見倒我地比較熟識o既畢加索作品 點擊圖片放大 哩幅圖就解構左畢加索有幾幅作品都係o係左邊哩幅大畫度分拆出黎 點擊圖片放大 +2 哩間連鎖鞋店o係既塞好多地方都會見倒 佢最大賣點係d鞋同手袋都有超多顏色, 真係睇到人眼都花 點擊圖片放大 巴塞隆納主教座堂 Catedral de Barcelona 預計停留時間: 1.5hr 開放時間：星期一至六 8:00-12:45和17:45-19:30, 星期日8:00-13:35和17:15-20:00 免費入場 佢係一座哥德式天主教教堂, 每日上午同黃昏時間都可以免費參觀, 我地就趁中午之前黎到, 睇完先食lunch就o岩o岩好 點擊圖片放大 +6 入口右手邊o既禮拜堂就係做彌撒o既地方 咁o岩撞倒佢彌撒時間, 就快速參加左一場半個鐘o既彌撒 彌撒完結再慢慢參觀教堂 點擊圖片放大 +6 哩個地下室內放左聖女Saint Eulalia o既陵墓 點擊圖片放大 +3 主教座堂出面有好多攤檔 主教橋 點擊圖片放大 +6 黎哩度食個雪糕先 點擊圖片放大 +3 揀左香橙朱古力同薄荷, €3.8 午餐食pizza 點擊圖片放大 +5 €2.9一塊, 都幾好食 有幾款醬汁可以加落去 之後再黎哩間中東包店再食 點擊圖片放大 +3 叫左半個牛肉做餡o既袋包, €3, 再加右邊o個粒朱古力波, €$1.5 食完中東包, 我地黎哩個幾出名o既墨西哥菜小店, 不過由於太多人, 要等位 最好等左半個鐘先有位 點菜紙 Nacho €11.8, 哩度o既Nacho唔係香港常見o既D字頭現成貨, 比較厚同硬 Chilorio €7.2, 上面係加左辣汁o既豬肉, 食之前再加埋青檸汁, 幾開胃好味 米羅美術館 Fundacio Joan Miro 預計停留時間: 30-45mins 開放時間：星期日10:00-18:00, 星期二至六10:00-20:00, 星期一休息 票價：成人€12 食飽步行約25mins就黎到米蘭美術館, 門票€12/人, 但今日免費 同樣要放低背囊先 點擊圖片放大 +3 米羅o既作品俾我感覺係充滿童真 點擊圖片放大 +3 好快睇完米羅美術館, 門口就有55號巴士可以去返市中心 點擊圖片放大 +2 海洋聖母聖殿 Basílica de Santa Maria del Mar 預計停留時間: 0.5hrs 開放時間：星期一至六9:00-13:00和17:00-20:30免費, 星期日10:00-14:00和17:00-20:00免費 點擊圖片放大 +5 海洋聖母聖殿冇巴塞隆拿主教座堂咁出名同咁多遊客, 成日都可以免費參觀, 教堂入面同其他教堂比亦較為樸實, 但我反而幾鍾意佢哩種幽靜o既氣氛 點擊圖片放大 +5 8pm我地就黎哩度食晚餐, 比起前幾晚算早, 但成間餐廳爆晒, 我地都等左大約25mins先有位 點擊圖片放大 +2 哩度o既tapas係散叫o既 Pa Amb Tomaquet西班牙番茄多士 €0.4/塊, 烘得幾脆, 番茄味幾清新 Anxoves沙甸魚€6, 空口食好咸 Truita Patates西班牙蛋餅 €5 Ploma Iberica伊比利亞豬 €14, 豬好林好入味, 隔離d椒唔辣, 加左粗鹽味道唔錯 兩個人食左€25.8 食完晚飯又食雪糕 點擊圖片放大 +4 哩間超抵食, 叫左4球都係€5 返到hostel撞o岩21:30 o既Free Tapas時間, 望下有咩食先 嘩~~~!!估唔到咁豐富, 雖然已經食到飽, 都拎左少少黎試 點擊圖片放大 終於寫完晒d postcard, 聽日最後一日可以寄出了
