Day 4: 馬德里>塞哥維亞>馬德里>格拉納達 馬德里市內o既景點唔多, 所以我地留o係馬德里o既2日1夜都安排左去埋附近兩個古城, 前一日去左托雷多, 今日就去另一個古城塞哥維亞, 塞哥維亞比托雷多細, 好快行完後, 我地就返返馬德里參觀馬德里球場, 之後就搭巴士去西班牙最南面o既城市格拉納達 雖然o係馬德里逗留o既時間唔長, 但背囊就已經俾人打開過兩次, 可能我揹o既背囊都係最classic o既拉鏈款式, 有時搭扶手電梯時企o係度, 或過馬路時, 就俾人順手拉開, 因為本身都冇貴重野o係背囊, 所以我背囊都係正常咁揹o係後面, feel倒有人扯住咁, 就見倒背囊打開左, 第一次o係扶手電梯見倒後面有個男人, 佢話見倒我個背囊俾人打開左(後來我估應該係佢打開), 第2次過馬路時, 見倒後面個人係當冇時發生咁望向前, 後來見倒佢偷唔倒野之餘仲俾警察拉埋一邊, 真係想俾個倒手指公佢 因為要一早搭車去塞哥維亞, 今日5:45am就起身, 6:25就check out出門, 估唔到咁早條街都幾多人 由馬德里去塞哥維亞同樣可以揀搭火車或搭巴士, 我地當然揀後者, 搭地鐵去到Moncloa站, 就見倒有指示牌指示autobus o係邊度 哩度就有得買去塞哥亞o既巴士飛, 單程車費€8.1/人 雖然去塞哥維亞o既巴士10-20mins就有一班, 但巴士就有分快車同慢車, 我地本來6:56am已經到左, 但因為馬德里同塞哥維亞好近, 所以都真係幾多人去, 最近o既班次都full晒, 最快都只可以買倒7:45am o既巴士 咁多時間, 唯有o係候車大堂坐下食d野先 等到7:45am終於可以上車喇 車內同樣好乾淨舒服 巴士內仲有廁所tim 亦有wifi同有戲睇 馬德里去塞哥維亞車程約1.5hrs, 9:17am我地就黎到喇 巴士站外觀 塞哥維亞地方唔大, 大約只係比九龍大小小, 而景點都比較集中, 出左巴士站沿住哩條大街就會去到各景點 點擊圖片放大 +2 古羅馬水道橋 由巴士站大約行幾分鐘就黎到, 哩座橋雖然建於西元1世紀, 但保存得非常好, 佢仲已經列入左世遺 由水道橋旁邊o既樓梯上去, 仲可以俯瞰古城 從上面睇水道橋, 更加壯觀呀 點擊圖片放大 +2 再上高d 影完水道橋, 我地就沿對面哩個斜坡上去, 繼續睇其他景點 烏喙之家 而家係一間藝術學校, 外牆有好多凸起物好似金字塔咁幾特別 Palacio del Conde Alpuente o係鳥喙之家附近仲有另一座建築都好特別, 外牆有好多凸起o既幾何圖案 原野之城廣場 雕像係一個叫Juan Bravo o既人, 因為佢帶領當時o既人民反抗當權者o既苛政, 所以雖然係一個叛軍領袖, 依然有人民立像以紀念佢死守塞哥維亞o既事蹟, 而後面o既聖馬丁教堂就係一座羅馬式教堂 點擊圖片放大 塞哥維亞主廣場 塞哥維亞市政廳 塞哥維亞主教座堂 Catedral de Segovia 預計停留時間: 0.5hr 開放時間：9:00-21:30 票價：成人€3 哩座教堂就o係廣場對面, 佢係一座建於16世紀o既哥德式天主教教堂, 裡面包括一座高88米全塞哥維亞最高o既鐘樓 教堂門票€3/人 點擊圖片放大 +12 鐘樓 由哩度入去就係下一個景點, 塞哥維亞城堡 塞哥維亞城堡 Alcázar de Segovia 預計停留時間: 30-45mins 開放時間：10:00-20:00 票價：成人€5.5, 登塔頂€2.5 哩座城堡亦係塞哥維亞重點景點之一, 佢建於1120年, 對比其他古跡歷史唔算長, 但據講迪士尼白雪公主o既城堡就係以佢作為藍本所設計o既 , 不過可惜黎到時外圍維修緊, 影響景觀 點擊圖片放大 +2 城堡入場費€5.5/人, 如果想上埋塔頂, 就要俾多€2.5/人 點擊圖片放大 +6 由城堡上152級就可以上到塔頂 雖然152級好似唔多, 但每一級都幾高 從塔頂望落下面 點擊圖片放大 遠眺塞哥維亞主教座堂 城堡下面o既庭園 點擊圖片放大 +5 塞哥維亞出名食西班牙乳豬, 睇完城堡11:25am諗住黎哩度食埋個乳豬做early lunch就離開塞哥維亞, 點知原本話11am開門o既餐廳黎到竟然話要12nn先開門, 因為趕住搭巴士返馬德里, 所以我地就決定隨便搵過另一間餐廳 行返去巴士站沿途經過哩間餐廳, 見哩度都有得食乳豬, 加上廢事再周圍搵, 所以我地就揀左哩間 坐低左先知原來哩間餐廳都有好多旅行團黎 成個旅程最豪o既一餐, 套餐價錢係一人份量, 揀左一個€27.5同一個€29.5 o既套餐, 雖然唔算平, 但有得食乳豬價錢都合理 黎到歐洲, 當然要坐室外, 中午o既西班牙唔會凍 套餐包左每人一杯紅白酒 兩個套餐都一樣有乳豬同紅白酒, 最大分別係湯同甜品 平d個餐個湯係哩個卡斯提爾湯, 佢係一個西班牙非常傳統o既湯, 主要係用豬油同蒜頭加埋火腿同麵包炒埋再燉煮而成 貴d哩個餐就係白豆牛尾湯, 哩個白豆湯超大碗, 佢係用瓦碗裝住, 可以裝滿兩三隻哩個碗, 而且每粒白豆有成隻手指公咁大粒, 超飽肚, 所以我地都係食左一半倒 哩度係二人份量o既乳豬 乳豬皮好薄好脆, 唔會太肥, 不過肉質就鞋左少少 平價餐個甜品係哩個, 圓形哩個似沙翁, 浸左o係吉士醬入面 貴價餐甜品就係哩個蛋糕配雪糕 極速半個鐘倒食完個乳豬餐, 我地就跑返去巴士站, 巴士已經閂左門準備開車, 好彩仲肯開門俾我地, o岩o岩好趕得切12:15返馬德里o既巴士, 13:45就返到馬德里了 馬德里o既長途巴士站距離馬德里球場唔遠, 趁離開馬德里之前仲有少少時間, 我地就直接搭地鐵黎到Santiago Bernabeu站去左球場先 聖地牙哥伯納烏球場 哩個就係傳說中o既皇家馬德里足球隊o既主場, 其實原本逗留馬德里o既時間唔長, 諗住未必有時間黎, 見塞哥維亞比預期中早左行完,就盡量趕黎睇埋 點擊圖片放大 原本諗住就算黎到球場都係o係出面影下相算, 但因為早左黎到, 見仲有時間, 就買埋飛入去球場參觀, 門票€25/人, 職員話我地2個人加多€7就有多一條頸巾, 朋友話唔要所以冇買, 我都蠢左, €7多條頸巾, 早知買返黎賣都好 雖然我冇睇開波, 但我都覺得哩€25非常抵睇, 因為佢可以睇晒球場, 仲可以落埋草地, 睇埋展覽館同球員更衣室 點擊圖片放大 +2 展覽館入口 點擊圖片放大 超過100年歷史o既球鞋 慶祝皇馬50周年o既特刊 60年代o既皇馬波衫 點擊圖片放大 +4 近代皇馬波衫 碧咸著過o既球鞋 成個人咁高o既獎杯, 真係誇張 點擊圖片放大 +10 球員更衣室, 而家真係用緊架 點擊圖片放大 +2 估唔到簾都冇塊喎 點擊圖片放大 +2 臨尾會入黎一個房, 整到好似球員坐o既旅遊巴咁 營光幕會播放旅遊巴入球場o既街景, 令觀眾可以感受倒球員俾球迷載道歡迎o既熱鬧場面 最後一站係球隊開記招o既地方 快快睇都睇左1hr先睇完, 出到黎竟然見倒哩隻2度發育o既米奇 去完球場返hostel拎行李前, 我地就黎哩間Chocolate Madrid食d野先 哩度又係出名食西班牙油條 哩間餐廳o既西班牙油條同之前差唔多錢, €3.7, 但好在有得坐, 不過佢o既油條就實左d, 味道一般 經過超市買左樽燈汁試下, €0.95 返hostel拎埋行李, o岩o岩好17:13黎到馬德里巴士南站, 我地一早網上買左17:30 o既車飛去西班牙最南邊o既城市拉格納達, 時間o岩o岩好 去拉格納達同樣可以搭火車同巴士, 搭巴士就€19.27/人, 車程5hrs 巴士都係好乾淨舒服 同樣有戲睇同有得叉電 巴士大約行左3hrs會到左一個休息站, 可以去下廁所買下野食咁 點擊圖片放大 比預期中遲左少少, 22:50先到格拉納達 23:21先黎到我地格拉納達o既旅館, 因為知道會好夜先到達, 所以特登搵左一間可以夜check in o既 每晚20:30-22:30都有任飲時間, 不過黎到都過左了 格拉納達因為比較偏遠, 旅客比巴塞同馬德里少得多, 旅館都比較平, 所以我地今晚終於有房住, 原本只係訂普通2人房, HK$409/晚, 但可能唔多人, 所以佢upgrade左我地去一間家庭房, 有廳有房有廚房有衣櫃, 可惜我地o係度逗留o既時間唔長, 訓一晚第2朝又要早起 2張碌架床夾埋可以訓5個人 職員話哩個城市o既水好乾淨, 可以就咁開水喉飲 原本都有plan到黎格拉納達食晚餐, 雖然餐廳仲未閂門, 但間房咁舒服都係早d休息好過
