Day 3: 馬德里>托雷多>馬德里 今日係成個旅程行得最瘋狂o既一日, 前一晚搭通宵巴士, 今日清晨一到達馬德里, 我地首先去左馬德里o既hostel放低行李, 就搭長途巴士去托雷多, 托雷多係馬德里附近一個小城, 半日就行完, 所以o係托雷多食埋lunch我地就返返馬德里, 下午就參觀馬德里市內o既景點, 之前提過, 由於景點都好集中, 所以景點同景點通常我地都係行去, 結果成日行左2x公里, 但5月o既馬德里已經好熱, 加上冇風, 夜晚都頂唔順, 雖然行同搭地鐵都差唔多時間, 都係選擇搭地鐵 5:35am終於到左馬德里長途巴士站Avenue America Station, 巴士非常準時, 落車首先梳洗下先 落左巴士, 仲要轉地鐵先到市中心, Metro係馬德里o既地鐵, 依指示就可以行去地鐵站 點擊圖片放大 黎到地鐵站, 首先要買張10次卡先, 開卡手續費€2.5, €12.2可以用10次, 因為馬德里市內每程地鐵要€1.5-2, 如果預計會搭多過5次, 已經抵返晒 馬德里o既地鐵都唔算複雜, 睇o岩搭咩色線同邊個方向, 指示都清楚 一早research左馬德里o既頭班地鐵係6:05am, 黎到o岩o岩好 車箱內部 6:35am就黎到我地o係馬德里住o既hostel, 佢o係2個地鐵站中間, 出左地鐵大約行5mins就到, 都幾方便 太早未有得check in, 而西班大部份hostel都冇得免費寄存行李, 哩度就有付費locker 大locker 12hrs租金€5, 中間可以無限次打開locker, 2個人share都可接受 放好行李, 再o係中間部機俾錢, 之後就會有張收據, 拎行李行scan返收據上o既bar code就可以打開locker 哩度仲有付費洗衣機 hostel內o既用餐區 去托雷多可以選擇搭西班牙國鐵或者長途巴士, 不過眾所周知, 歐洲o既鐵路係俾有$$$人搭o既, 想慳錢我地當然係搭巴士 放低行李, 我地就搭地鐵去Plaza Eliptice站搭巴士去托雷多 由馬德里去托雷多車程只係1-1.5hr, 所以每個鐘都有車, 可以黎到車站先買飛 我地7:20am黎到, o岩o岩好搭到7:29am o既巴士, 車費€5.5/人 因為托雷多好近馬德里, 所以好多黎馬德里o既旅客都會順路去埋 8:30am準時黎到托雷多 托雷多巴士站內都有locker 巴士站外觀 o係巴士站大約行15mins就會到托雷多古城外圍, 由於成個古城係o係一個小山上, 所以沿途都幾多上斜位 托雷多三面都被塔霍河包圍, 而古城東面同西面都各有一條橋連接對岸, 阿爾坎塔拉橋就係東面連接對岸o既橋, 哩條橋最早o係公元98年所建, 雖然經過幾次戰爭, 但修復後狀態都非常好 點擊圖片放大 +5 成個古城係比一條河圍住, 如果想影晒古城全貌, 就必定要去到對面岸o既觀景台先可以, 由阿爾坎塔拉橋去觀景台係冇車, 要行30mins先到, 唯有焗行 行行下, 我地見倒有條樓梯行上高d o既位, 就上去睇下景觀會唔會好d 雖然未行到去觀景台, 但已經可以望倒成個托雷多古城了 托雷多主教堂 托雷多城堡 行左半個鐘, 就黎到Mirador Toledo觀景台 影完就可以搭L71巴士去返古城裡面, 車費€1.4/人, 慳返半個鐘腳程 L71巴士會經過古城內幾個地方, 雖然車程唔長, 但1個鐘先得1班, 所以都要計好時間 搭左7mins巴士就黎到古城西邊o既聖馬丁橋 點擊圖片放大 康布隆門 皇家聖胡安修道院 Monasterio de San Juan de los Reyes 預計停留時間: 30-45mins 開放時間：10:00-18:45 票價：成人€3 點擊圖片放大 +7 修道院正門 哩個修道院係一間供奉聖若望o既天主教修道院, 1477年已經建成, 係當時o既國王同皇后, 為左慶祝佢地個仔胡安王子出世同前一年打嬴仗而起o既 托雷多d景點收費比巴塞都平得多, 哩間修道院門票都係€3/人, 但入面都幾有睇頭, 非常值得入黎 點擊圖片放大 +19 托雷多市政廳 托雷多總主教府 托雷多主教堂 Catedral de Toledo 預計停留時間: 1hr 開放時間：星期一至六10:00-18:00, 星期日14:00-18:00 票價：成人€12.5 托雷多主教座堂係西班牙三大教堂之一, 原本哩度係一座清真寺, 為左完全覆蓋哩座清真寺, o係13世紀初就興建哩座融合左哥德、文藝復興同巴洛克風格o既教堂 教堂有前後門, 哩度係正門 ' 點擊圖片放大 +4 網上有人講由教堂後門入可以唔洗門票, 我地就行一圈走去後門 沿途建築 教堂後門 點擊圖片放大 +3 原來之所以話後門入唔洗錢, 係因為入黎之後,會有欄杆圍住, 遊客可以o係欄杆外面欣賞教堂內部(實則其實伙比信眾參拜), 但如果想再行入d, 就要由正門買飛入場 , 但我地睇網上o既blog照片o既次序, 的確係由後門行到去前門, 莫非佢就係由欄杆左面哩個窿穿入黎?! 以東方人o既身材, 打側身就入倒黎, 當然唔建議大家學, 我地係唔想又兜返去正門先以身試法, 教堂門票雖然要€12.5/人, 但比起巴塞o既景點, 依然係非常抵睇 點擊圖片放大 +28 由教堂正門出返黎見倒好多人排緊隊入去 教堂門票都有語音導覽, 一黎我地冇買票, 二黎就算聽左都唔知佢講乜, 所以基本上大半個鐘已經行完 由於想食lunch o既餐廳仲未開門, 我地就再周圍行下先 托雷多城堡 城堡就o係主教座堂附近, 佢o係3世紀時曾經係羅馬帝國o既宮殿, 後來一度荒廢, 直到15世紀先由當時o既皇帝下令重建, 而成堡o係20世紀又因為西班牙內戰而破壞, 復修之後而家就變成一座軍事博物館, 入場費€5, 由於興趣不大加上冇時間, 我地就冇入去睇 點擊圖片放大 +2 索科多佛廣場 哩度有遊客中心, 托雷多o既觀光小火車售票處都o係哩度, 小火車有語音導覽會介紹經過o既景點, 如果想去我頭先行到隻劇先去到o既Mirador Toledo觀景台, 哩架小火車都會去到, 不過因為中間其他景點都唔會停站, 所以最初我都冇考慮坐小火車 點擊圖片放大 一點鐘餐廳終於開門 La Casa De Damasco係一間食中東菜o既餐廳, 環境都好有特式 叫左一個乜都有d o既中東包餐, 大大份都係€9.5, 已經夠2個人食 太陽門 光輝基督清真寺 又基督又清真係咪好奇怪呢?! 原來相傳11世紀時, 有個國王o係征服托雷多時, 俾清真寺發出o既一道光芒帶領而搵倒裡面一個埋藏左好多年o既基督像，於是國王就o係度舉行左第一場彌撒, 所以清真寺之後就變左做教堂, 直到近代先又變返做清真寺 點擊圖片放大 +3 聖地牙哥教堂 哩座教堂前身同樣係一座清真寺, 所以設計上都加入左好多伊斯蘭元素 羅馬帝國查理五世o既雕像 比薩拉新門 佢係查理五世下令建造o既, 門上面有大大個紋章 由比薩拉新門行10mins就可以去返托雷多o既長途巴士站, 巴士同樣係一個鐘一班, 我地14:15黎到, o岩o岩好搭倒14:30 o既巴士 返到馬德里, 我地首先就去hostel check in先, 房間好新淨同乾淨, 我地住o既係8人房, 每晚HK$309/人 不過可能早晚仲係涼, 房間好似冇冷氣, 夜晚訓覺有d熱, 係訓耐左先好d 8人房入面有廁所同沖涼房, 水夠熱夠猛 點擊圖片放大 check in完, 就黎左哩間Bar La Campana o既熱狗店食d野先 點擊圖片放大 +2 佢最出名就係哩款炸魷魚圈熱狗, €3 馬德里主廣場 點擊圖片放大 +2 中間搭左個台, 有d大殺風景 哩間西班牙火腿店其實o係香港都開左餐廳, 不過難得黎到, 冇理由唔黎睇下 佢地o既火腿唔單止平過香港, 其中有d款式o係香港都冇得賣 聖米格爾市場 成個市場都被玻璃包圍, 都幾靚, 裡面有好多小食店, 不過明顯專做遊客生意, 都唔會特別平 市政廳廣場 點擊圖片放大 +3 阿穆德納聖母主教座堂 Catedral de la Almudena 預計停留時間: 15-30mins 開放時間：9:00-20:30 票價: 免費, 需捐獻€1 阿穆德納意思係城牆, 相傳歐洲o係中古世紀一頁回教徒同基督徒都有好多紛爭, 當馬德里o係回教徒統治時, 有居民就將一座聖母瑪利亞o既塑像收埋入城牆之中, 而當11世紀基督徒再統領返馬德里時, 國王就下令要搵返哩座塑像, 傳說有士兵因為城心禱告, 城牆無啦啦裂開左露左哩個塑像出黎, 所以哩個城牆裡o既瑪利亞就成為左西班牙o既守護神 哩度教堂係唔需要門票, 只需捐獻€1 點擊圖片放大 +9 教堂對面就係馬德里王宮, 開頭見倒咁多人排隊都驚, 原來係歐洲國家o既人都可以排哩條隊免費入場, 如果正常購票係唔洗排隊 馬德里王宮Palacio Real de Madrid 預計停留時間: 1-1.5hr 開放時間：10:00-20:00 票價：成人€13 成座王宮都係純白色, o係陽光之下非常耀眼 點擊圖片放大 +2 從馬德里王宮望返對面o既教堂 點擊圖片放大 +2 王宮門票€13/人, 入面裡面大小小o既背囊都要放在locker內 點擊圖片放大 +8 王宮裡面其實唔止咁多地方, 不過好多房間都唔影得相, 全部都好靚, 都係非常值得黎睇 王宮後面仲有個庭園 東方廣場 德波神殿 哩個係一座黎自埃及o既神廟, 據講係因為亞斯文大壩興建後因為會被淹沒而拯救出黎o既 本來哩度應該係有水o既, 不過我黎到時已經冇晒水 點擊圖片放大 馬德里朝早9am後, 溫度就成30度, 所以都要食下雪糕 點擊圖片放大 +4 揀左4款唔同口味 街上隨拍 點擊圖片放大 +3 西貝萊斯廣場 阿爾卡拉門 麗池公園 哩個唔算係景點, 唔洗門票 點擊圖片放大 雖然哩個公園唔係景點, 但都有好多人因為哩座玻璃屋黎, 陽光下反晒光真係好靚, 不過因為黎到時已經係夜晚9pm, 所以天色都開始暗 點擊圖片放大 玻璃開入面好焗好熱, 所以快快影張相就走了 夜晚我地就黎左哩度食Tapas做晚餐 西班牙o既Tapas只係餸酒小食, 唔似香港咁精緻, 好多時都係叫一杯酒就送一個tapas, 所以都好多人黎食當正餐, 不過正常食tapas就只可以企, 冇位坐的 我地叫左2枝酒, 夾埋先€3.4, 每枝送一個tapas 點擊圖片放大
