Day 1: 香港>巴塞>加泰隆尼亞音樂宮>桂爾宮>巴特婁之家>魯營球場 我地今次來回都係飛巴塞, 機票係早半年見倒國泰做promo時買, HK$4,524/人, 半夜0:20am o既班機, 飛西班牙航程接近13hrs, 雖然好似好耐咁, 不過上機後1,2個鐘食飛機餐, 之後訓覺訓醒再食早餐, 感覺比坐廉航飛日韓時間更容易過 茄汁長通粉, 雖然冇肉, 但睇勻得哩個最吸引 白汁魚柳焗飯 食完每人有一杯M記雪糕做飯後甜品 機上零食每款拎左1包試下 早餐有奄列 另一款係牛肉粥 西班牙比香港慢6hrs, 當地時間7:40am落機, 行去入境時超多人, 仲諗緊唔知要等幾耐, 好彩企左一陣職員就開多2個counters俾我地排 最後8:06am就過左關, 算好彩 巴塞通街都係賣球衫o既鋪頭, 機場又點會冇?! 由機場出市區有幾個方法, 我地就揀左最方便快捷o既機場巴士, 由哩度搭電梯落去就係巴士站 搭哩架A1巴士可以去到市中心加泰隆尼亞廣場, 車程35mins, 單程€5.9, 來回€10.2, 每5-10mins就有一班, 非常方便 可以o係哩部機買票亦可以上車買票 車票係咁樣, 因為我地係買左來回, 所以車票就要keep住, 回程要show出黎 車內有報站, 唔怕落錯車 連叉電位同wifi都有 哩架巴士總共有4個站, 我地就o係尾站落 o係哩度落車後, 我地就首先去hostel放低行李先 落左巴士大約行13mins, 就黎到我地o係巴塞住o既360 Hostel Barcelona 地下common area 用餐地方 哩間hostel最大賣點係每晚21:30都有free tapas check in時, 職員每人俾左條手帶我地, 方便辨認住客 我地住o既係8床房, 每晚HK$215/床 由於趕住去景點, 所以我地只係放低行李就走, 房間相片係夜晚返黎先影o既, d鬼佬出奇地早訓, 幾晚22:xx返到黎, 差唔多個個都訓晒 沖涼房同廁所係share, 但因為都有好多格, 所以都唔洗等, 除左第一晚熱水爐壞左, 要用凍水震住沖涼外, 之後都好夠熱, 水力仲勁到得人驚 放低行李, 9:45我地就黎左第一個景點附近o既哩間Churreria Laietana食早餐先 哩間店都幾出名, 一早已經有好多人幫趁 哩度主要係食西班牙油條, 冇錯!!o係西班牙, 哩種油條係早餐, 唔係甜品黎架~!! 點擊圖片放大 叫左一份堂食西班牙油條€3.3, 真係好好食 哩樣野食我覺得係成個旅程入面同香港o既味道相差得最大o既一種西班牙食物, 因為哩度o既油條全部都好鬆化, 唔似香港實的的咁, 而且哩度有一大杯朱古力醬俾你點, 香港係得一隻豉油碟仔俾你點, 完全係點唔倒o既 加泰羅尼亞音樂宮 Palau de la Musica Catalania 建議停留時間: 1-1.5hr 開放時間：9:00-15:00 票價: €20；10歲以下免費, 提早21日前買門票€18 食完我地就即刻9衝去加泰羅尼亞音樂宮, 因為西班牙好多景點都要預早網上買定門票, 唔單止要揀日期, 連時間都要揀埋, 所以時間安排係今次plan行程最麻煩o既地方 音樂宮係一定要跟導賞團o既, 導賞每半個鐘有一團, 我地book左10am o既導賞, 食完早餐黎就o岩o岩好 門票原價€20/人, 因為我地網上預早買, 所以只需€18/人 聽完開場白, 導賞員就會將大家分成2組分開遊覽, 我地哩組會先睇左陽台先, 之後先入去劇場入面參觀 西班牙除左美食同睇波, 建築同樣出名, 哩個音樂宮就係西班牙三大建築師之一o既路易·多明尼克·蒙塔內爾設計 哩個音樂宮由1905年起到1908年先完工, 外牆用左好多唔同顏色o既馬塞克, 真係好靚~ 點擊圖片放大 +9 之後就黎到劇場下層座位 點擊圖片放大 地下咖啡廳 點擊圖片放大 +3 導賞團歷時大約1hr, 行完我地先出返黎慢慢影返音樂宮外觀 點擊圖片放大 +2 巴塞隆拿主教座堂 今日只係路過, 之後仲會再黎參觀 主教座堂前面逢星期日都會有人演湊 桂爾宮 Palau Guell 預計停留時間: 1-1.5hr 開放時間：10:00-20:00, 周一休息 票價：成人€12 / 優待票€9 (門票含免費置物櫃及英文語音導覽) 我地book左11:30am o既桂爾宮門票, 睇完音樂宮直接行黎時間o岩o岩好, 門票€12/人 桂爾宮係有錢佬桂爾搵西班牙最出名o既建築師高弟設計o既自住豪它, 哩座建築係高弟早期o既作品, 比音樂宮仲耐, 1888年就建成 桂爾宮有4層樓高, 地下室就用黎做馬廄, 因為要俾馬車通過, 樓底都比較高 桂爾宮模型 點擊圖片放大 +4 o係高弟o既作品入面, 都會見倒好多孤線, 但因為桂爾宮係高弟早期o既作品, 所以入面仲會見倒好多稜稜角角 點擊圖片放大 +9 哩個廁所花俏到呢~ 桂爾宮有四層, 但只有部份樓層同房間有對外開放, 我地沿樓梯而上, 好快就上到黎天台 點擊圖片放大 桂爾宮一出黎就係據稱全巴塞最熱鬧同最多扒手o既蘭布拉大道, 行完桂爾宮, 我地先慢慢o係度行去食午餐 點擊圖片放大 好多人坐o係度飲哩d大大杯o既野 哩度因為多遊客, 所以仲有好多記念品賣 其中最特別一定係哩d種子 即使唔係景點, 街上o既每一座建築都好靚 成街都係賣波衫 點擊圖片放大 +2 因為當晚巴塞就有西甲最後一場賽事, 所以周圍都有波飛賣 點擊圖片放大 12:55我地黎到哩間Pizza Circus 哩度o既pizza度多數都係外賣形式, 店入面都係得幾個位, 唔預d人會慢慢食慢慢坐 點擊圖片放大 +2 雖然巴塞o既清費唔算平, 但pizza又比想像中平, 一件€2.x, 成個都係€12-13 Diavolissima Pizza €2.9, 餅底脆得黎有咬口, pizza好濃茄醬味, 超好食 點擊圖片放大 Pizza只係小吃, 之後我地就黎到Arume Restaurant食午餐 點擊圖片放大 收費又唔見得比香港貴喎 西班牙炒飯€15.5, 份量唔多, 只夠1個人食, 味道唔錯, 但同香港o既西班牙炒飯唔差得遠 Blackberry cocktail €8, 西班牙飲酒平, 所以試下佢地o既cocktail, 酒味比香港o既cocktail輕好多, 非常易入口 食完正餐, 當然又要食甜品, 歐洲雪糕出名平, 加上天氣太熱, 食雪糕就最o岩 點擊圖片放大 +3 3球雪糕都係€5.5, 但佢個3球我諗等於香港o既5,6球, 揀左Lime and Ginger, Sri Lanka Coconut同朱古力, 雪糕夠濃味, 質地較黏唔易融, 食完都飽飽地 阿馬特耶之家 不過哩個唔係我地要去o既景點 巴特婁之家 Casa Batllo 預計停留時間：1hr 開放時間: 9:00-21:00 門票: €25 (基本參觀票含導覽) 我地要去o既景點係隔離哩棟巴特婁之家 佢係有錢佬巴特婁o既大宅, 哩座大宅建於1877年, 原本唔係高弟設計, 但1906年經過高弟改造之後, 佢就變成哩附近最亮眼o既建築 巴特婁之家最靚就係外面, 可惜我去到o個陣佢維修緊, 成棟包住左-,- (之前o個張係網上圖片), 但門票係冇任何特惠o既, 仍然係要€25/人(成個行程入面最貴o既門票)我地book左15:00入場, o岩o岩好準時黎到 佢o既夜景比日景仲靚, 而家只有睇相 巴特婁之家最特別係成座建築都係波浪形, 差唔多冇一幅牆係直o既 點擊圖片放大 二樓平台可以睇倒巴特婁之家o既背面 中間天井有自然光 點擊圖片放大 +2 因為中間樓層都係住家冇對外開放, 所以參觀完2樓, 我地就直接上到黎天台 一部只可以容納2個人o既lift 點擊圖片放大 +2 米拉之家 哩個都係其中一個出名景點, 不過我地今日只係路過, 遲d先再黎 因為巴特婁之家唔單止外牆維修, 連裡面可以參觀o既房間d家私都搬走晒, 所以唔洗1hr都已經睇完, 之後我地就搭地鐵去魯營球場 巴塞o既車站都比較殘舊, 站內通常都冇票務處, 買飛可以o係哩部機搞掂 巴塞市內o既地鐵無論搭幾多個站一律都係€2.2, 而如果旅程會成日搭地鐵巴士, 買張T-10乘車券就最抵, €10.2可以搭10程, 而且冇時限幾時用完, 亦可以多個人用同一張, 而且地鐵火車巴士75mins內都可以免費轉乘, 只扣一次 因為最初我地以為T-10要o係當晚0:00前用完, 就買左單程票, 蠢左 話咁快我地已經黎到Camp Nou 跟住d波衫就知道點行 出左站大約行15mins就到魯營球場 越近球場, 波衫就越黎越多 點擊圖片放大 門口位哩個backdrop超多人排隊影相, 我地當然唔會放過 點擊圖片放大 連男廁都要排晒長龍*0* 點擊圖片放大 +3 我地個位就係哩個閘口入 而家係17:37, 距離開場仲有成個鐘, 我地就周圍影下相先 我地預早買左門票, HK$1,000/人 雖然仲係好曬, 但黃昏氣溫已經低左好多, 得20度倒, 非常舒服 18:00終於見倒有人出黎熱身了 我地就坐o係巴塞o既die hard fans後面, 所以都幾有氣氛 點擊圖片放大 +2 每到緊張時刻, d fans都打鑼打鼓 點擊圖片放大 +3 20:30終於完場, 但個天仲係光架, 因為哩度係21:00先天黑 個個都搭地鐵, 我地都要快快走 睇完波, 迫地鐵總共用左大半個鐘終於返到黎市中心, 21:17我地黎到哩間Pizzeria Da Nanni食晚飯 點擊圖片放大 +2 哩度o既pizzaizza有一人份量, 餅底口感比較煙韌, 口感同今朝間pizza又唔同, 不過一樣咁好食 Margarita €3 Diavola €3.5 食完pizza返到hostel都22:xx, 因為前一晚冇訓, 第2朝又要早起, 沖完涼洗完頭23:xx就訓了
