Day 5: 清邁古城>坤昌阡>雙龍寺>清邁古城>清邁機場->香港 雖然坤昌阡距清邁古城唔算遠, 但因為最後幾公里都係單程爛路加上佢係最近古城o既賞櫻熱點, 為免塞車我地6am就起身, 6:30am就出車 旅館附近就有郵筒, 順便去寄埋明信片先 路過便利店又買野飲, 菠蘿益力多20b, 朱古力奶20b 7am已經開始日出了, 就搵個位停車影下相 好快就開始上山路, 竟然見倒有個人o係哩條大上斜度跑, 真係堅~!! *0* 見倒哩個牌, 即係距離坤昌阡仲有約7km 雖然只係7km, 但路面由石屎靚路變為泥石路, 而且路段都有好多彎位同上落斜, 部份路段更加係凹凸不平同僅僅夠1架私家車加一架電單車平排行, 好彩而家冇咩車加上我地揸電單車, 如果唔係哩段路都有排塞 見倒哩度有個類似小賣部咁仲以為到左, 原來仲未到!! -,- 8am終於到左坤昌阡o既賞櫻點喇, 最後7km o既竟然行左成半個鐘 *0* 點擊圖片放大 +5 坤昌阡o既櫻花確係比安康山同茵他儂多, 不過櫻花都比較高, 如果冇枝長鏡都只可以遠影幾張, 要行咁危險o既既山路先到o既話, 一般人我覺得去茵他儂會更加好 早到露水都未散呀~!! 點擊圖片放大 +7 唔知係咪冇錢收, 見哩幾個細路扁晒咀咁 點擊圖片放大 +6 影到9點就走, 哩個時候都開始多車, 頭先黎到時只有1架車汨左o係度, 而家已經有幾架車了 點擊圖片放大 +3 坤昌阡就o係雙龍寺附近, 所以d人通常係一齊去, 影完櫻花我地就落返雙龍寺, 沿路都見倒有好多私家車同條雙條車上山, 好彩我地黎得早 雙龍寺出面都有好多檔攤 右邊上去就係雙龍寺, 睇下左邊幾多雙條車泊左o係度!! 如果冇包車o既話, 雙龍寺哩度都有得併車上坤昌阡, 來回$200b/人 點擊圖片放大 +2 雙龍寺o既入口右手邊就係售票處, 但入口除左有塊牌叫人買票之外, 都冇人驗票, 其實唔買票都冇人知XDDD 但我地當然有買票, 30b/人 點擊圖片放大 雙龍寺又叫素帖寺, 佢o係海拔1500米o既素帖山上面, 係清邁最出名o既寺廟, 每一日都有好多遊客同當地人黎, 寺廟雖然已經有幾百年歷蛟, 但行到邊都仲係咁金碧輝煌 點擊圖片放大 +13 參觀完雙龍寺我地就出返清邁古城 未到古城, 我地就先黎哩間o係古城北面出名食印度煎餅o既食店 哩度真係有好多款印度煎餅 野飲都好多選擇 點擊圖片放大 Milo Tea, 75b Mocha, 80b CripsyRoti with Milo & Choclate, $55b, 煎餅幾脆, 不過中間太多cream, 我都係淨食左個煎餅就算 Cripsy Roti with Banana Whipped Cream & Chocolate, $65 食完煎餅, 經過小老闆專門店就入去望一望 行一圈, 發現Big C平好多, 不過中間哩款榴槤小老闆魷魚Big C係冇o既, 所以就買左pack黎試, $110b有3小包 清邁好多藥妝店, 哩間Chiang Mai Cosmestics同Wins一樣好出名, 所以就黎望下 佢個格局就比較似龍城, 但就比較整齊, 平唔平就唔知, 但應該都唔會貴 點擊圖片放大 +2 最後一日都要去返哩間路邊炸雞店買雞皮食 影埋其中一個城門口 除左藥妝店, 清邁都好多Boots專門店, 入面o既Boots係平o既, 不過因為冇買寄倉, 所以都冇野o岩買 1:45pm黎到哩間Cooking Love諗住食lunch, 但因為太多人都要等位 佢附近就有另一間分店, 好彩最後等左15mins就有位 座位分室內同室外 熱到溶, 好彩有室內位坐 Menu有晒中英文, 價錢方面以清邁黎講都唔算平 點擊圖片放大 +2 熱到死, 黎返杯沙冰先, 西瓜沙冰75b, 荔樣沙冰75b, 果味都幾重 等左好耐野食都未上, 偷食左d頭先買o既雞皮 仲有炸雞槌 海鮮金邊粉80b 椰子咖哩豬, 都幾香, 100b 埋單330b, 仲有西瓜送 食完就去還埋車先行返旅館拎行李, 埋單計數, 4日竟然行左9xxkm~!!! *0* 由於旅館o係古城內, 截唔倒tuk tuk出機場, 唯有推住個o急行15mins到古城邊先有車, 好彩唔洗好耐都有車, 100b/2人, 好順利冇塞車就出到機場 5pm就到機場了 其實我個背囊仲重過個o急, 好彩又冇磅我個背囊 返到屋企先發現隻腳瘀晒 *0*
