Day 4: 清邁古城>茵他儂國家公園>清邁古城>Big C 因為由清邁古城去茵他儂要2hrs車程, 所以7am倒就要出車, 揸揸下, 竟然見倒隔離有個學生妹著住校服都揸電單車 哩個學生妹仲揸得好快下添, 話咁快已經連尾燈都唔見左 7:25am經過哩個market, 諗住睇下有冇早餐食 入到去完來只係菜市場, 冇熟食檔o既, 唯有走 沿路食店都唔多, 8am離遠見倒有間食店, 就落車埋去睇下 見倒係食麵, 都唔錯咁, 就坐低試下 點擊圖片放大 肉碎魚蛋麵, $40b 肉片魚蛋麵, $40b 湯超鮮甜, 麵好夠薄同滑, 超好食, 我覺得係成個旅程入面最好食o既麵, 估唔到係求其o係路邊o既一間麵店, 好驚喜, 出面天氣凍, 食返個熱麵, 正~!! 8:30am終於黎到茵他儂國家公園入口, 門票$300b/人, $20b/車 因為茵他儂非常大, 所以過左入口都仲要揸車先去到唔同景點 車都有門票, 好認真 沿路都已經見倒唔少櫻花喇 點擊圖片放大 +3 清邁市中午高達30度, 但朝早只有20度倒, 茵他儂因為o係山上, 所以氣溫就更加低, 一路行會經過國王紀念神龕, 哩度據講放左蘭納王朝最後一任國王茵他儂o既骨灰 原來哩度得0度, 唔怪得咁凍~!! 點擊圖片放大 右面哩條路行入去係一條森林步道, 聽講仲有機會睇倒雲海, 但因為成條行步道要2-4hrs先行完, 我地都冇咁多時間行, 加上要另外俾入場票, 所以就冇去到 茵他儂入面其中最出名o既兩個景點就係國王塔同皇后塔, 門票都要另外買, $40b/人 哩個淺紫色o既塔就係皇后塔 而哩個深灰色o既塔盲係國王塔 兩個塔下面係一個種左好多唔同花卉o既花園, 都幾靚架 點擊圖片放大 +3 原來羽衣甘藍係咁樣 點擊圖片放大 +2 我地先參觀皇后塔 因為入塔要除鞋, 所以我就冇入去, 只o係外圍影下相 皇后塔唔單止塔身係淺紫色, 連外面o既壁畫都係淺紫色, 比較少見 點擊圖片放大 遠望國王塔 國王塔外牆o既壁畫就係啡色o既 點擊圖片放大 原來公園入面有哩款小型穿梳巴士來往停車場同國皇塔 睇完國王塔同皇后塔, 我地就走圍兜下睇下邊度有櫻花 點擊圖片放大 +4 經過哩度見倒都幾多櫻花, 當然要落車影下相 點擊圖片放大 +6 影完櫻花都已經12nn, 係時候食lunch, 見哩度有飯食, 就o係度食埋野先繼續行 炒飯, $40b/碟 食完lunch我地地又繼續追櫻, 見倒哩度都幾多櫻花 點擊圖片放大 +6 哩個位仲有個台俾人影櫻花 影到1:30pm都影得7788我地就坐返 3pm我就地就返返清邁古城, 未入古城, 就黎到古城西門外面哩間食店先 哩度主要係食多士, 其中最出名就係哩款芝士多士 野飲都好多款 Butterbeer, $49b, 甜甜地都幾好飲 Hoikaddo Toast+朱古力醬, $55b, 多士幾鬆脆 榴槤芝士多士, $69b 芝士拉絲非常明顯 榴槤味ok, 唔算特別重 之後經過郵局順便買定d郵票寄postcard 之後我同朋友就分道揚鑣, 佢去按摩, 我就去左古城西北面哩個Maya Lifestyle Shopping Centre行下 商場內唔係太多野睇, 上網check下, 原來商場出面都有個小型市集 點擊圖片放大 +2 匯合返朋友後, 我地就去左清邁哩間好出名o既泰式奶茶店 哩度除左有泰式奶茶賣之外, 仲有奶茶雪糕, $45b, 冇平時泰式奶茶咁甜, 不過就融得超快 食完雪糕, 我地就黎左Mr Kai食晚飯 餐牌有晒中英文, 唔怕唔識睇 點擊圖片放大 +2 左面係番石榴沙冰$30b, 右面邊椰汁沙冰$50b 咖哩蝦麵$80b, 哩度o既咖哩都係偏甜, 冇乜辣 芒果糯米飯$80b 食完晚飯我地就去Big C Extra, 哩間Big C超大間, 但o係古城西南面都幾遠下, 如果唔係自駕都幾難去 點擊圖片放大 +7 之前o係安康山買o既果乾原來Big C都有, 仲要差唔多錢, 不過好彩有部份我地買o既野都真係農業中心先有得賣, 唔係就dup心 Layz又平又好食, 當然要掃多d 哩d泰式米粉都好想買, 但一包有成十小包太大包都放唔落, 所以冇買 估唔到哩間Big C連Bra都有得賣 大豐收~!! o係Big C掃完貨, 我地就去左古城東面o既哩個路邊檔 點擊圖片放大 哩度主要係食印度煎餅 我地叫左個雞蛋朱古力煎餅, $25b, 都幾好食 影返今日o係Big C o既戰利品
