Day 3: 安康山>農業中心>清邁古城>Win Cosmetics>Sunday Walking Market 一早6am起身, 因為只係刷牙洗面, 衫都唔洗換, 執埋行李6:30am就可以出車 本來想去某個日出位, 但跟住網上講o既, 搵黎搵去都搵唔倒, 最後怕錯過日出時間, 我地就去左安康山附近一個營地, 因為o個度都睇倒日出o既 大部份人黎安康山過夜, 都會揀黎哩個營地, 不過哩附近只有一檔士多, 如果想多d野食揀, 我地尋晚住o個度叫做多野食 要黎安康山, 除左自駕同包車, 仲可以o係清邁北門o既Chang Phuak Bus Station搭小巴去Fang, o係Wat Hat Samran落車再轉哩架白色雙條車就黎到, 不過班次都比較疏, 所以最好都係自己包車黎 黎到都已經7am, o岩o岩好就黎有日出, 哩個觀景台都企滿晒人 觀景台附近哩舊石, 就有寫明安康山同其他地方o既距離, 其他唔識睇, 淨係知哩度距離清邁有180km 點擊圖片放大 +3 我地尋日應該就係經過哩d髮夾彎上山 7:07終於見倒日出了 好靚o既日出 哩度有個兵營, 但估計已經冇用 兵營附近有廁所, o係附近扎營o既遊人都可以黎哩個廁所 安康山有1,928m高, 所以哩度比清邁市都凍好多, 朝早得11度 睇下真係好多人o係度扎營架 左邊就係哩附近唯一一檔士多 影完日出, 我地就o係哩度食d野先 太早真係冇乜胃口, 叫左一碗粥share食, 30b 食完早餐, 我地就揸車去返尋晚我地住o既地方, 因為安康山農業中心o既入口就o係o個附近 d白色雙條車都陸續出發 沿途都見倒有櫻花 7:50我地又黎返尋晚住o個度 山上都幾多櫻花喎 轉個彎就已經見倒農業中心o既售票入口, 門票50b/人 農業中心好大, 花都分散o係唔同地方, 基上單靠對腳係好難去晒d賞花點, 而我地過左售票口大約10mins, 就見倒哩個紫色花田, 黎到時先8am, 雖然陽光仲未照倒入黎, 但難得冇乜人, 當然要影返夠本 點擊圖片放大 +2 早到d露水都仲未蒸發呀~!! 點擊圖片放大 +3 哩度都有少少櫻花 點擊圖片放大 哩度除左櫻花, 士多啤梨都好出名 影完紫色花田, 我地又揸車再上, 見都幾多人停車o係度, 我地又唔執輸 竟然早到仲有晨霧?! 哩d唔通就係傳說中o既小麥?!講真, 我真係第一次見實物 點擊圖片放大 +2 附近有個咖啡座, o係度嘆杯咖啡都幾正喎 之後我地離遠見倒好多人o係度, 原來哩度有幾棵生得好茂盛o既櫻花 點擊圖片放大 +2 哩度o既櫻花都比較細朵同顏色較深, 不過因為夠茂密, 都幾有睇頭 點擊圖片放大 +3 影影下, 突然見倒哩架坐滿人o既車駛過, 好多人都被佢吸引住目光 之後我地又揸2去另一個櫻花位 哩度除左櫻花, 仲見倒個綠油油o既梯田, 都幾靚架 因為安康山就o係泰緬邊境, 我地揸揸下車竟然已經黎到哩個關口, 過左枝欄杆就係緬甸喇, 當然我地係冇過到去o既 哩度o既櫻花雖然冇頭先o個幾棵咁茂密, 但係有成排加上冇乜人, 都唔錯呀~!! 點擊圖片放大 +6 就咁影人都比較 單調, 我就決定搬架電單車埋黎一齊影 點擊圖片放大 10:53我地已經差唔多櫻晒d櫻花點, 所以就揸返出去蓑農業中心入口o既花田度, 哩個時候都已經好多人了 花田對面哩間專賣農業中心o既農產品小店都已經開左門 哩度有好多果乾, 果汁, 茶葉賣, 雖然有d果乾同果汁清邁市同機場都有得賣, 價錢亦差唔多, 但哩度就一定係最齊款o既 點擊圖片放大 +4 一場黎到, 唔買士多啤梨, 點都要試下佢個士多啤梨沙冰 大大杯65b, 都好足料 飲完士多啤梨沙冰我地就返返去尋晚住o既學校, 因為今朝太早出門, 一個人都見唔倒, 還唔倒門鎖, 我地唯有去完農業中心先還, 之後就12點就正式出車返清邁古城 一路揸車都有留意有冇食飯o既地方, 12:45經過哩度見都幾多人幫趁, 就求其o係度食個lunch先再上路 哩度d野食都好平, 30-40b就有一個飯 肉碎飯40b 炒飯35b 飲埋頭先o係農業中心買o既果汁 15:20終於返返黎清邁古城o既旅館, 之前訂房時寫話係honeymoon(假的), 酒店都有特別佈置, 都算有心思 o係旅館放低d厚外套同o係農業中心買o既一大堆野食, 就去左哩間Cherng Doi Roast Chicken食d野先 menu入面全部食物都有相同英文, 唔怕睇唔明 烤雞85b, 雞皮都幾脆 燒豬頸肉60b, 哩個就比較乾身, 普通 食完野, 朋友就去左按摩, 而我就黎左清邁古城北門附近o既Win Cosmetics, 哩間係新開o既分店, 總店係好似龍城咁, 細好多同d野擺到好亂, 新店有兩層高, 唔單止大好多, d野仲分門別類好行好多, 樓下主要係外國同本土大牌子 樓上就係本土次一級o既牌子 哩度洗頭沖涼風筒直髮夾化妝護膚乜都有齊, 基本上淨係殷哩度都夠, 而且價錢都比出面平少少 原來樓下仲有個專賣零食o既小超市 逛到朋友按完摩都天黑了, 臨走影返個入口先, 成間店都係用姣婆最鍾意o既粉紅色做主調 連車仔同購物籃都係粉紅色 都仲未夠, 仲要parking標誌同雪糕筒都係粉紅色, 死未?! 滿載而歸 清邁有好多唔同night market, 因為今日就係星期日, 我地就去左清邁規模最大o既Sunday Walking Market, 哩個夜市有2km咁長, 野食野飲衫褲鞋襪乜都有, 只要唔怕迫同唔怕熱, 哩度可以行幾個鐘 點擊圖片放大 +3 冇帶巴蕉扇, 唯有買杯凍飲, 檸檬汁30b, 西瓜汁25b 點擊圖片放大 烤魚糕20b, 有d香料味咁 哩檔專食唔同o既炸餃子 炸蝦餃子15b, 其實冇乜肉同好細粒, 不過好脆都幾好食 點擊圖片放大 行行下見倒哩度有旅館o個對拖鞋賣, 著過幾輕幾舒服, 所以都買左對25b 之後見哩檔食芝士薯條好吸引咁 要左細薯條30b, 再加20b要芝士醬 首先要揀調味粉加o係薯條上面, 我地揀左冬陰功 之後就加芝士醬 真係好多芝士醬, 其實多到唔係好食倒冬陰味, 不過個芝士醬都幾好味 唔知係咪因為哩檔係夜市入面少數有得坐o既, 所以都幾多人幫趁, 不過見又係食豬腳飯, 都冇乜興趣 哩檔好多烤腸烤肉食, 好似都好好食咁 叫左個烤腸20b同豬扒80b, 甜甜地咁都幾好食 食到口乾又買枝橙汁飲下25b 哩個夜市係由古城東門延伸到尋日去過o既帕辛寺 Herb Basics係清邁非常出名o既香氛專門店, o係夜市哩度都有一間, 網上寫18:00就閂門, 唔知係咪因為星期日有夜市, 竟然20:00都仲開門 哩度除左香氛, 仲有好多唔同o既lotin賣, 不過價錢以清邁黎講都算貴, 細細枝都要幾十蚊港紙 點擊圖片放大 因為夜市真係太迫太多人, 所以行左個幾鐘都夠皮, 迫返出去泊車位都用左唔少時間, 最後21:xx終於返到旅館, 影返哩2日o既戰利品先
