Day 8 & 9: 特拉維夫>雅法古城>機場>香港 最後一日在特拉維夫係星期六, 因為安息日仲未完結, 冇巴士火車, 所以都係預左在市內附近逛逛, 雖然我地搭o既班機係夜晚已經過左安息日,但去機場時巴士火車都仲未開工, 所以第一次o係以色列搭的士, 去到機場以為有好多時間, 因為用淨好多以幣, 所以周圍睇買野都已經花左好多時間, 最後一激用埋手上o既以幣就開始11hrs o既航程返香港了 最後堆單計數, 成個旅程來回機票連食住行旅保每人約$HK$7,000, 連埋狂買Ahava都係total都係用左HK$9,000, 超抵~!! ********************************** 特拉維夫哩間hostel都有包早餐, 因為今日淨係去附近o既雅法古城, 之後食埋lunch就check out出機場, 時間都比較鬆動, 所以都可以訓到成8am先起身 早餐都算係咁, 唔洗再食中東包, 有多士同乳酪 食完早餐我地去左hostel附近哩間Anita La Mamma Del Gelato雪糕店食雪糕 雪糕都唔平, 但如果買2球或3球其實又唔貴得過香港, 計過度過, 我地決定買Jumbo, ILS$26 哩度d雪糕都好多款, 而且d味道都幾特別 仲有好多唔同toppings可揀, 不過toppings都要另外收費 哩度o既雪糕都好濃味, 唔易融 特拉維夫除左係以色列首都, 仲係一個同志天堂, 走o係街上, 不時都會見倒彩虹旗, 或者哩類帶hehe色彩o既畫作 去以色列旅行除左防曬三寶, 最重要就係水, 所以經過超市都要買d野飲, 哩個W牌子o既茶o係哩度都出名, 大大枝都係ILS$10.9, 飲落酸酸甜甜咁都唔錯 由我地旅館行黎雅法古城大約半個鐘 雅法古城o係海邊, 佢係世界上最古老o既港口城市之一, 有成五千年歷史, 黎哩度除左可以睇下古城o既建築, 亦可以睇倒一望無際o既地中海 點擊圖片放大 +3 可能安息日o既關係, 好多地方都冇開, 巴士火車又停駛, 所以海灘超多人 點擊圖片放大 +5 藍綠色o既海水真係好靚~ 我地沿住海邊周圍行 聖彼德教堂 哩座教堂係一座巴洛克風格o既教堂, 已經有1000年歷史, 橫掂黎到, 就入黎睇下 點擊圖片放大 +5 我地行到去教堂就返轉頭, 黎返哩個沙灘, 見哩個相架終於冇人就影下 本來都想落沙灘o係地中海游下水, 特登連泳衣都帶埋, 點知原來冇更衣室, 要換衫就只可去到老遠o既廁所換, 都係周圍影下相算 點擊圖片放大 +6 雖然要行都仲有地方行, 但見睇o既野都差唔多, 加上又曬又熱, 所以行左1hr就算, 都係搵個地方坐低食下野好過 安息日好多食店都冇開, 見哩間炸雞店仲有開門, 就黎試下 雖然全部份希伯來文, 不過睇圖都知係咩o既哩度o既 哩度o既快餐店一d都唔平, 同餐廳差唔多錢, 哩個炸雞+漢堡包套餐(唔包汽水)就要ILS$47 食完炸雞我地就行返hostel, o係我地hostel附近就有間M記, 尋晚見佢安息日都有開, 都諗住最後一日都要食佢, 後來見原來仲有其他食店都有開, 所以頭先就試左第2間炸雞店, 不過見哩度都有d香港冇o既野食, 就幫趁下 哩度o既店員全部都有包頭 d野食真係貴到得人 點擊圖片放大 +2 我地叫左2款香港都冇o既Short Expresso(左, ILS$13)同Chocolate Strawberry milkshake(右, (ILS$10), 兩款都幾好味 見倒隔離枱哩個女仔個包超大個, 好誇張, 我諗有2個巨無霸咁大 食完M記就黎返酒店拎返d行李, 雖然我地出去雅法古城前已經check out, 但hostel好好俾我地用個廁所沖涼, 出面又曬又熱沖返個涼真係爽 平時去機場可以搭巴士或火車, 但安息日就只有的士, 雖然網上有人話有個網可以book的士, 但原來要有以色列手機號碼, 因為冇, 唯有焗住貴少少前一晚叫hostel幫我地book, o係hostel搵唔倒人同我地share(hostel聲稱架車只可坐2個人, 實質可以坐4個人), 好彩2人一車都係ILS$140都算可以接受 題外話, 可能特拉維夫始終係以色列首都, 唔單止宗教色彩冇耶路撒冷咁濃厚, 就算安息日都冇想像中咁好似死城一樣, 只係街上少左少少車同少左d店鋪開門, 但條街依然仲有唔少車同人行緊, 食店都仲有選擇, 所以如果要去以色列旅行, 有時間o既話, 我都覺得應該試下安息日o係耶路撒冷過, 感覺應該會好唔同 車程大約半個鐘就黎到機場, 夜晚9pm o既機, 我地5:30pm就黎到, 一黎已經冇咩地方去, 早d黎機場涼冷氣仲好, 2來都想o係機場睇下仲有咩好買 入境時要逐個被盤問10mins, 出境雖然都有問, 但就簡單好多 雖然每人有23kg寄倉, 但只限一件寄倉行李, 用慣細o急o既我地都仲有大把位淨 雖然買野超過ILS$400就可以退稅, 但之前買o既Ahava都唔係專門店買, 冇得退 之前仲擔心黎到機場時先o岩o岩完左安息日, 機場入面d鋪頭會唔會冇開, 原來好多都開左, Duty Free入面又係超多朱古力買, 初時以為咁平, 原來機場都係計USD唔係計ILS, 不過俾錢就可以揀俾ILS, 計落貴過出面買我地就冇買了 唔買朱古力唔緊要, 我地target係Ahava 哩個Ahava專櫃雖然唔大, 但要買o既款式都有, 全場都有買3送1(唔限款式/價錢, 總之4件入面最平o個件free), 本身正價大約係香港85折倒, 但如果夾o岩買3送1, 大約等於香港價錢半價真係幾抵買, 另外有d包裝殘左再另外有9折 之前網上話機場同出面Ahava專門店差唔多價錢, 分別在於可能唔同店做promo o既貨品唔同, 不過去過幾間專門店, 以我所見做promo o既野都差唔多, 真係黎到機場先買都得, 不過機場就只有哩d名牌子, 如果想cheap cheap地想買d雜牌做手信都係o係死海最平又多款 因為之前食野o個度慳左好多, 所以都淨返好多以幣, 為左用埋佢, 買左咁多, 哩度USD145.3, 細包o個d係試用裝係送o既, 本身一pack有幾包唔同, 佢最初俾左一set我地, 我地問佢, 佢竟然再俾多2sets, 非常疏爽 o係Ahava度磨左太多時間, 臨上機前急急食埋之前o係超市買o既2個杯麵先, 冇乜特別, 湯味道比較淡 9pm終於陸續登機, 回程哩隻機終於似返d樣, 個mon唔單止大好多, 個位都闊d, 冷氣都勁好多, 唔洗再開巴蕉扇喇 真係大鄉里, 原來而家d飛機仲可以同指定座位互相msg tim~ 飛機餐都冇去程咁頹 飛機餐除左正常飯麵都係唔少得中東包, 食左8日我就真係唔想再食, 我帶返香港俾我媽試下, 佢話又乾又韌, 我話其實我地o係當地食都係咁XDDD 對比黎o個程成碟青豆, 哩個飛機餐真係好好多 我地仲用淨返o既USD o係機場買左哩d, 右下哩隻朱古力好好食, 上面o個3款係朱古力酒, 加o係蛋糕上面食都唔錯 成個旅程都買左幾多AhavaXDDD