Day 6: 耶路撒冷>特拉維夫>海法>阿克古城>海法 離開耶路撒冷, 我地就去左以色列西部o既海法同阿克古城, 方便走o個日o係特拉維夫去機場 海法o既景點當然冇耶路撒冷咁出名, 但當中屬於巴哈教派o既巴哈花園都幾靚, 下面o既德國僑民區有好多帶德國風格o既建築, 有時間o係度hea一兩日都唔錯 阿克古城就o係海法附近, 屬於同一條線, 佢係一個o既海邊o既古城, 就順道去埋 ******************** 因為今日要由耶路撒冷去海法, 而兩個地方係冇巴士直達, 一定要經過特拉維夫, 所以我地要超早5am就起身, 由Old City搭輕軌去Central Bus Station, 再搭6:30am o既巴士去維拉維夫 等巴士期間, 竟然見倒哩個畫面*0* 由耶路撒冷Central Bus Station可以搭405巴士去特拉維夫, 每15mins就有一班, 車程56mins, 車費ILS$16 因為食過Marzipan Bakery o既朱古力包覺得好好食, 前一晚買定d包今日搭車食, 哩度ILS$12.6 7:30am就已經去到特拉維夫, 哩個就係我地落車o既Central Bus Station, 因為我地今會去完阿克古城先返海法住一晚, 為免拎住d行李行黎行去同埋第二晚都會返來特拉維夫住, 所以我地就去左特拉維夫o既旅館放低行李先去海法 由於開頭唔知有巴士可以由巴士站黎旅館, 加上驚等巴士等好耐, 我地拖住行李行左半個鐘, 終於黎到我地聽晚住o既Milk & Honey Hostel放低個o急先 hostel內部common area, 由出面曬到死行入黎有冷氣, 真係超正~!! 後來hostel o既人教我地可以黎附近哩個巴士站搭返巴士去特拉維夫o既Central Bus Station, 車程約5mins, 車費ILS$5.9 落左巴士其實仲要行一小段路先到特拉維夫HaHagana火車站, 但已經好過要行返半個鐘 入黎火車站同樣要過安檢 火車站內 哩度原來仲有locker俾人放行李 每12hr一個時段, 小locker ILS$20, 大locker ILS$40, 價錢都唔貴喎 以色列火車地圖 特拉維夫, 海法同阿克都屬於同一條線, 唔洗轉車 我地會先由特拉維夫搭火車去阿克, 玩完阿克古城先返海法過夜, 火車大約半個鐘有一班, 車程約100mins, 車費ILS$35.5 特拉維夫雖然都會見倒以兵, 但數量明顯就比耶路撒冷少得多 火車內部, 入面有d似強國d火車, 有面對面o既座位, 但座位都舒服o既, 不過就唔明點解有d卡有冷氣有d卡冇冷氣 因為有冷氣o既卡車都冇位座, 唯有冇冷氣都坐住先, 後來見倒有冷氣卡有位先轉位 車內都有叉電位, 但好奇怪, 係o係上面 火車係沿住地中海駛向北面o既阿克 10:47am我地終於黎到阿克 阿克火車站 阿克火車站距離阿克古城都有一段距離, 好彩問人知道火車站附近都有小巴去古城, 車程約10mins, 車費ILS$5 等左一陣就見倒哩架去古城o既13號小巴 小巴內部 阿克古城話大唔大, 話細唔細, 入面分左唔同區域, 落左車行冇幾耐就會見倒哩個指示牌 古城外觀, 阿克古城其實係唔洗入場費, 遊客可以自由出入, 只係古城內有某d展館要買票先可以入去睇 中間有個門口入去, 就係遊客中心 遊客中心, 原來隔離仲有Ahava 古城入面有好多唔同展館, 所以亦有好多唔同展館o既package 我地買o既入場票包5個展館, ILS$62 古城入面都有好多食店, 因為已經11:30am, 所以我地就去左附近食左lunch先, 本來想o係哩度其中一間餐廳食lunch, 點知仲有半個鐘先開, 我地就o係附近行下先 之後我地就去左附近哩間中東包店買半個包share食先 哩度都係食中東包, 全個ILS$14, 半個ILS$8, 同耶路撒冷o既價位差唔多 雖然店入面只有幾個位坐, 但因為大部份人都係外賣, 所以可以慢慢嘆住冷氣食 食完中東包都未夠鐘, 我地又食個雪糕先 哩度o既雪糕都幾多款 不過哩度價錢就貴過耶路撒冷好多, 2球雪糕已經要ILS$25, 每加多一球要加ILS$10, 價位同香港差唔多 要左朱古力+西柚, 每球都細過耶路撒冷, 同埋冇咁黏, 比較快溶, 西柚雖然都有d澀, 但都幾清新, 曬到變人乾食返個雪糕真係超正~!! 雪糕店o係海邊, 我地沿住海邊行返入古城 12:30pm黎到哩間Mercato, 終於開門 雖然哩度只有風扇, 但因為係石建築隔倒熱, 所以坐o係度都唔會覺得熱 雖然話特拉維夫同附近一帶o既消費都比耶路撒冷高, 不過睇menu價錢都唔見得貴過香港喎 哩個麵包係免費, 係人都有, 烘得好脆好好食 叫左哩個Catch of the Day Roasted in wood-Fried Oven, ILS$68, 即係烤魚, 烤得都ok, 但唔算好滑 旁邊哩堆酸酸地幾開胃 食完我地就入返古城入面 哩個就係古城地圖, 阿克古城同耶路撒冷古城差唔多, 都係民居同景點共存, 但環境就比耶路撒冷整潔, 同冇咁多人 哩個遊客中心o既門窗現場睇其實係淺紫色, 都幾靚 十字軍騎士大廳 點擊圖片放大 土耳其浴場, 建築應該係真o既, 但加左d銅像落去, 我覺得自己好似去左香港歷史博物館咁 點擊圖片放大 +8 Templars' Tunnel 由隧道上返黎, 原來會去左頭先雪糕店o個附近o既海旁 點擊圖片放大 +3 哩度仲有d細路落海玩 點擊圖片放大 +2 之前o係耶路撒冷hostel撞倒個香港人, 話阿克古城好靚, 都值得去, 我地而家先知原來佢講o既靚應該係講唔洗入場費o既海邊, 其實要俾入場費o既展館都冇乜特別, 真係唔去都得 點擊圖片放大 +5 終於黎到古城5個展館裡面最後一個－博物館 點擊圖片放大 +10 連埋食lunch, o係度逗留左4hrs, 我地就返返頭先落車個小巴站, 搭返小巴返去阿克火車站, 黎o個陣係搭13號小巴, 但返去就搭3號小巴, 車費同樣係ILS$5 由阿克搭火車去海法Bat Galim火車站車程只係半個鐘, 同樣半個鐘有一半車, 車費ILS$13.5, 4:55pm我地已經黎到海法 o係海法火車站一出黎就有好多架巴士搭去hostel, 車程7mins, 車費$ILS$5.9 5:11pm終於黎到我地今晚o係海法住o既旅館, Al Yakhour Hostel 點擊圖片放大 +2 哩度亦係成個旅程我地唯一住o既雙人房, 由於book唔倒有廁所o既房間, 所以要share廁所, HK$600/晚包早餐, 重點係哩度係有冷氣o既, 但可惜去到半夜個冷氣就停左唔郁, 我咁o岩見倒負責人未訓就同佢講, 佢撳黎撳去個remote都開唔返, 最後竟然抬左把牛角扇放o係床尾俾我用, d風逢逢聲點訓呀?!最後都係要靠我把芭蕉扇先可以訓覺好o既 雖然話share bathroom, 不過都幾乾淨, 完全唔可以同耶路撒冷古城入面o既hostel比, 而且其實冇乜人爭, 同私家廁所分別不大 有幾格淋浴間同廁格 遠處哩個就係海法最出名o既景點-巴哈花園, 哩條路兩邊都有好多旅館同酒吧, 我地住o既旅館就o係哩條街度, 所以一行出黎就會見倒巴哈花園 雖然話天未黑, 但其實都已經6:17pm, 所以我地就黎附近哩間中東包店食晚餐 六點幾竟然已經準備閂門 因為o係度食完仲會過對面另一間中東包店, 所以只叫左半份中東包, ILS$10 食完我地就過左對面哩間中東包店 都係叫半個中東包, ILS$10, 其實味道都差唔多 之後見時間仲早, 我地就去左哩個超市行下 Nutella都有世界盃包裝 以色列o既超市都好多乳酪, 但黎左咁多日我地都未食過, 今晚有個乾淨廁所用, 唔怕食到痾 食完買完, 巴哈花園已經著燈了 點擊圖片放大 買左d野飲, 乳酪同蛋糕返hostel食, 哩度夾埋ILS$44.2 哩個Tiramisu都幾好味 因為今朝5am就起身, 加上行左成日, 所以10pm倒就訓覺了, 唔知係咪訓雙人房個人比較放鬆, 第2朝我地2個人都有一種訓到唔想起身仲好攰o既感覺, 訓床位個人係會冇訓得咁林同好醒訓
