Day 4: Mahane Yehuda Market>圓頂清真寺>以色列猶太大屠殺記念館>Rami Levy Supermarket 圓頂清真寺就係o係聖殿山上面其中一座伊斯蘭聖殿, 雖然只有教徒先可以入寺內, 但一般遊客都可以o係寺外範圍參觀, 大屠殺記念館就係以色列官方為左記念幾百萬被納粹德軍屠殺o既猶太人而設立o既記念館 ************ 因為今日上午想去完當地人街市Mahane Yehuda Market之後再去圓頂清真寺, 所以7am就已經起身 而今日我地預計會搭好多程輕軌, 所以就o係輕軌站o既自動售票機買左Daily Pass(ILS$13.5), 平時單程ILS$5.9, 所以只要一日搭多過兩程就已經抵返 哩張只係收據, 買完Daily Pass, 搭輕軌時照平時咁拍卡就可以 哩間Cofix係一間連鎖外賣咖啡店, o係耶路撒冷去到邊都會見倒佢, 因為哩度9am過後就好曬好熱, 所以都幾多人鍾意o係度買沙冰邊行邊飲 哩間店有咖啡有雪糕有輕食, 大部份都係ILS$6-8, 又唔貴喎 Iced Coffee, 其實係咖啡沙冰, 咖啡味都ok, 沙冰都打得幼細唔會好難飲, 300ml ILS$5, 500ml ILS$8, 哩杯係大杯裝 搭輕軌三個站就到Mahane Yehuda Market, 黎到先8:10am, 街市先o岩o岩開, 仲搬緊貨, 所以人唔多 好多鋪門外都有哩d塗鴉 點擊圖片放大 +5 哩d就係我地第一日o係Old City食倒o既超甜糕點 哩度都幾多乾果同果仁賣, 但價錢唔算得別平, 不過就幾多款, 價錢係斷kg計, 最少可以買250g 點擊圖片放大 +2 Market內一間小超市, 發現哩度o既超市都幾多乳酪賣, 唔知係咪因為當地人食太多包, 要靠哩d乳酪先有得痾?! 蔬果一般都係斷kg計, 但有部份標價係半kg, 所以都要問清楚 我地都o係度買左d生果 2個牛油果加四個梅, 共ILS$12 本來諗住哩兩日邊行邊食, 但可能天氣太熱, 好多個梅都熱到標晒水, 牛油果又溶晒, 最後只係每樣食左1個 提子ILS$7.5, 諗住買黎去聽日o既景點食o既 仲買左四款唔同o既乾果, 有無花果, 兩款唔同o既提子乾, 同一隻唔知咩乾果, 共ILS$100 左睇睇右睇睇, 我地竟然o係maket都逛左1hr, 之後就去左market附近哩間Hachapuria食早餐 雖然哩度都係食包, 但哩個芝士蛋包(ILS$35)當然好食過中東包多多聲, 左邊綠色o個盒係醃蘿蔔, 酸酸地好開胃, 上面綠色同紅色兩款醬可以要黎蘸包食 哩個包個邊似pizza邊, 脆得黎有d咬口, 幾好食 將中間o既芝士同半熟蛋撈勻, 再撕開旁邊o既麵包蘸黎食, 都幾好食架 食完早餐, 我地就搭返輕軌返Old City, 黎返哭牆o個附近, 哩條橋就係通去圓頂清真寺 Old City雖然每邊城門口同城內都有唔少以軍註守, 但城內四個小區入面, 就以清真寺附近o既阿拉伯區特別嚴, 因為入去圓頂清真寺範圍都要過安檢 雖然只有教徒先可以進入清真寺內, 但一般遊客進入清真寺範圍都有一定服裝要求, 除左女士唔可以著背心同唔過膝o既裙/褲, 最估唔到係連男人都唔可以著短褲*0*所以一過左安檢, 哩個位就有工作人員見倒有唔符合服裝要求o既遊客, 就會俾哩條藍綠色o既長裙俾佢地著(唔洗錢, 男女都係著哩條裙XDDD) 清真寺只有早上7:30-11am同1:30-2:30pm開放, 因為開放時間唔長, 加上都好多遊客黎, 網上話都好多人排隊入黎, 好彩都好快就入到黎 10:25終於黎到圓頂清真寺, 因為清真寺上午只開到11am, 所以我地只得半個鐘時間, 所以都要快快行快快影 唔知係咪6月算係淡季, 黎到又冇想像中咁多人喎 登登登凳~~~~男士就係要著哩條!!!XDDD 今次特登帶左之前o係老撾買o既裙黎入寺/教堂著, 好彩尋日拎得返行李, 同個寺襯晒, 嘿!!嘿!! 點擊圖片放大 +4 其實一路影, 附近都有工作人員開始驅趕人走, 所以都影得好趕 點擊圖片放大 +7 逛完圓頂清真寺都已經身水身汗, 當然又要飲返杯沙冰, 哩杯Lemon Mint味道太fresh, 有d怪怪地, ILS$8 哩間係Old City外o既郵局, 又係要過安檢先入倒黎, 之前o係Old City買左postcards, 當然就要黎郵局買埋郵票啦 寄香港ILS$7.4 夜晚o既Jaffa Street好旺, 但日頭就冇乜人 中午我地就黎左哩間Hasabichiya食lunch 哩度雖然又係食中東包, 但唯一唔同o既係, 哩度o既中東包係成個旅程咁多餐中東包之中唯一一個熱o既中東包*0* 哩個中東包叫sabich pita(ILS$20), 終於唔係又乾又鞋, 食落比較軟熟, 好食好多 Cofizz係耶路撒冷除左Cofix外, 另一間比較常見o既連鎖外賣咖啡店 哩度同樣有好多唔同嘢飲同輕食賣, 大部份都係ILS$5-6 叫左一杯Iced Chocolate(ILS$5)同Iced Coffee(ILS$6), 哩度o既Chocolate唔係沙冰底, 只有coffee先係, 朱味一般, 味道唔太濃, 反而coffee仲好飲 飲飽食醉之後, 我地就搭輕軌去到尾站Mount Hertzl, 因為今日下午我地就要去以色列猶太人大屠殺紀念館Yad Vashem 落左輕軌沿指示行10mins就會去到 左邊灰色三角形o個個就係紀念館, 右邊白色o個個係入口同遊客中心 望落下面, 見倒有人做緊射擊訓練 點擊圖片放大 +2 紀念館o既名Yad Vashem係一個希伯來文, 個名話係黎自聖經依撒意亞先知書,「我要在我的屋內,在我的牆垣內,賜給他們比子女還好的記念碑和美名,我要賜給他們一個永久不能泯滅的名字。」,紀念館就係要保存o係二戰入面被屠殺o既以猶太人名字, 唔要佢地被忘記 正門對出o既石屎橫樑上面, 都刻左唔同o既聖經章節 記念館係免費, 入館之前都要放低袋 以色列街邊o既廁所好多都要收錢, 館入面就有免費廁所, 仲好乾淨添, 另外仲有凍水斟, 哩樣都好重要 行過哩條橋就係紀念館 成個紀念館係一個打橫o既三角柱體, 兩邊都分左好多個展覽廳, 據講哩個三角形係代表以色列國旗入面o既大衛星o既下半部, 為左紀念o係大屠殺入面死左全世界一半o既猶太人 哩d只係大屠殺入面部份受害猶太人o既鞋, 可以想像當時死左幾多人 二戰時期, 德國建立左好多個隔都, 將猶太人集中同隔離o係入面, 當時就有d猶太攝影師同畫家偷偷地影低, 畫低當時情況, 再秘密運出隔都保存到戰後 紀念館一直幫大屠殺入面4萬幾個生還者進行證詞綠音工作, 因為有部份生還者已經好老, 所以近年紀念館都改為直接去拜訪當年o既生還者 去到紀念館最後會見倒哩個名字堂, 哩度有六百幾個當時o既遇害者o既相, 相片後面深藍色o既書架可以存放六百萬份遇害者證詞, 經過半個世紀, 以色列已經整理左三百萬份證詞, 上面有受害者o既名, 出生地, 國藉, 職業, 父母姓名等資料, 而紀念館o既目標就係希望為每個當時o既受害者搵返佢地o既身份 成個紀念館o既長廊係向下斜, 就到出口又向上斜, 話係象徵由光明進入黑暗, 之後終於重見光明, ,而走出紀念館, 就係一個觀景臺, 會見到耶路撒冷郊區, 代表以色列國復興 參觀完大屠殺紀念館, 我地就搭輕軌去到He-Haluts站, 因為我地要去Rami Levy Supermarket, 哩個超市距離輕軌站都有一段距離, 見倒哩個Shufersal Deal超市仲以為到左, 原來仲要行前d先到 曝曬下行左20mins, 終於見倒Rami Levy Supermarket, 黎哩度除左因為佢係一間非常大o既超市, 仲要係佢賣o既野比Old City附近o既超市平好多 之前o係Old City外o既士多, 一枝普通size可樂要ILS$8, 去到伯利恆見倒500ml o既玉泉汽水ILS$4/枝都已經平到笑, 哩度d果汁汽水大大枝都係ILS$5-6, 不過大部份都要買幾枝先平, 不過就算單枝貴d都係平過出面好多 哩款玉泉有味水o係香港未見過, 飲落就係有o個種果味o既水咁, 我地都買左枝旁身 點擊圖片放大 估唔到哩度都有哩隻雪糕蛋糕!! 以色列真係一個好鍾意食朱古力o既國家, 朱古力醬同朱古力都多過人 之前o係街市度都見倒好多調味料買, 哩度有d細細枝, 買返樽試下就o岩喇 d朱古力多到睇倒都開心呀!! 可能哩度以食包為主, 杯麵即食麵o既種類就少得可憐, 另外哩度雖然都有米, 但就係類似摩洛哥o既小米, 比平時我地食o既米更加細粒 超市入面大部份野飲都係大大枝, 終於搵倒枝細枝o既朱古力奶飲下(驚住太大枝飲到肚痾), 雖然哩度d朱古力食物都好濃味, 但朱奶反而一般 反正有Daily Pass, o係超市買完野, 搭輕軌走時, 經過Central Bus Station特登落車, 因為想睇下CBS哩個商場入面有冇死海護膚品賣, 之前上網睇d人又話周街都有得賣, 唔洗搵, 但行左幾日都冇乜見幾多間有賣護膚品o既 商場唔係好大, 除左Body Shop之外都冇賣護膚品o既 之後我地又搭輕軌去今朝個Mahane Yehuda Market, 因為我記得market入口有一間護膚品店, 而家接近7pm, 街市都多人左好多 就係哩度喇, 黎以色列點可以唔買死海護膚品, 而當中最出名當然係Ahava, 今朝見哩度有個Ahava專櫃, 但因為趕住去金頂清真寺唔得閒睇, 而家終於可以慢慢揀 雖然知道機場有Ahava買, 但因為走o個日o岩o岩安息日完結, 唔知d鋪頭開未, 之後o既旅程又唔知見唔見倒有得賣, 見倒哩度有就買咁d先, 哩度全部都有8折, 款式都算多, 最後o係度買左5件唔同野, 共ILS$489.5 因為尋日好多朱古力包o個間Marzipan Bakery實在太好食, 同見倒佢個朱古力心太軟好想試, 見黎開market, 就順便行去買個心太軟試下 ILS$9 o既心太軟, 朱古力味好濃, 心太軟好軟綿, 好味 之後就搭返輕軌返Old City, 黎左城外哩間Ben Sira Hummus, 聽個名就知又係食中東包o既 哩間店本來播緊d好rock o既歌, 跳左幾次制黑媽媽之後, 佢終於肯熄左d音樂XDDD 野食正常價 左上係Beef meat hummus, 左下係falafel, 右上o既中東包係免費, 通常一個人會預你兩塊, 但我地每人食一塊都食唔晒, 哩度夾埋都係ILS$32 今日行左超過20km o既戰利品, 有超市買o既零食, 麵包店o既朱古力蛋糕, 仲有market護膚品店o既Ahava護膚品, 早午晚餐都係食包, 比預期中用少左好多錢, 都要搵地方用咁d錢呀!!! 本來9pm已經返到hostel, 諗住沖完涼11pm可以訓, 因為尋晚唔知俾咩咬到成身痕(成間房得我一個有野咬, 同埋係第2晚先有野咬, 第一晚冇), 今朝hostel負責人講開佢幫另一間房滅蝨, 星仔就話佢知我都俾野咬, 其實唔預佢會做d乜, 佢竟然搬開晒d床褥話o係個床架度塗層野, 話我只可以做哩d, 唔係就退返錢你地搵過第2間, 唔知係咪玩野, 9pm返到黎見佢竟然仲整緊我地就問佢要整到幾時, 佢問我地諗住幾點訓, 我地話11pm, 佢話希望11pm可以整好俾我地-,-但佢整緊我地跟本唔可以放低d野同沖涼, 同埋塗完層野間房係一陣味, 想轉房佢又話驚我地有蝨轉左去第2間房, 我地住多2晚就走加上咁夜都好難搵第2間, 唯有等, 等等下同房o既黑鬼返黎, 見倒間房一陣味竟然漏夜搵第2間hostel又俾佢搵倒*0* 等到11pm終於搞掂, 佢俾左把風扇我地吹咁d味, 加開門訓都叫做冇乜味, 最後搞到1am先有得訓, 第二朝仲要早起身
