Day 8: 釜山>香港 終於黎到旅程最後一日, 寄埋postcard食埋早餐, check out埋再食多個麵就去機場返香港了 總計去左8日機票食住行景點門票約HK$4,7xx/人, 加埋買野約HK$6,3xx 今日搭2:10pm o既班機返香港, 所以8am Check in Busan一開門就黎, 哩間係一間台灣人開o既Cafe, 賣點係postcard都係老闆自己o係釜山唔同景點影o既靚相, 人客可以o係哩度選購心水postcard後, 再o係度邊食邊寫 另一賣點係哩度買o既postcard可以選擇o係未來2年任何時段寄出, 不過如果係出面買o既posdtcard, 就只可揀即寄 點擊圖片放大 +3 哩度仲有好多唔同顏色o既筆同印仔俾客人任用 哩度食物就比較簡單, 主要係食唔同o既All Day Breakfast 揀左一個早餐B再加杯凍朱, 共W13,000(HK$91) postcard其實係早幾日已經上黎買定, 諗住旅程中會有時間寫, 最後都係冇乜時間寫, 要最後一日先急急腳寫埋佢 食完早寄埋postcard都未夠9點, 鋪頭都未開門, 就上黎釜山塔影幾張相 點擊圖片放大 +2 影完返酒店check out拎埋行李, 就去西面站哩間機張手工刀切麵食個brunch先去機場 真係拖埋行李黎, 不過好彩西面站都係o係南浦洞去機場途中, 都順路 哩度主要係食哩四樣野 叫左一個手工刀切水冷麵同一個手工刀切撈麵, 各W5,000(HK$35) 水冷麵冰冰涼涼, 有少少酸辣味 d麵粗幼唔平均, 一睇就知係手切, 真係好爽彈, 正呀!!! 撈麵多d辣醬, 辣d, 麵質係一樣, 但因為冇浸水, 冇咁冰涼, 我都係鍾意水冷麵多d 之前o係Lotte Mart見特價買左都冇時間飲, 而家趁check in 前飲埋佢 只係買左一個人20kg兩個人share, 真係執得o岩o岩好XDDD
