Day 6: 釜山: 太宗臺>東港天主教堂 太宗臺主要係睇被海浪浸蝕o既峭壁同奇岩怪石, 而東港天主教堂其實唔算係一個景點, 只係一個影日落/夜景o既拍攝點, 見有時間就去埋 釜山哩間Guesthouse提供o既早餐都幾豐富, 因為8:00am先開始有, 所以尋日早出門就食唔倒, 今日可以遲少少出門, 就試下 其實都係準時8:00am上到黎, 但估唔到已經咁多人排隊整早餐*0* 其實最耐係等個煎pan煎野, 其他烘麵包o個d就唔洗點等 黎太宗臺非常方便, o係南浦洞地鐵站6號出口出面就有幾架巴士直接到太宗臺, 我地搭30號巴士大約30mins就到, 車費W1,200(HK$8.4) 太宗臺係唔洗入場費, 要遊覽太宗臺, 可以揀俾W3,000(HK$21)搭哩架小火車, 佢會o係幾個站停車, 遊客可以中途落車, 亦可上返車 如果有時間, 亦可以步行, 行一圈連埋影相都係約2hrs, 全部都係石屎靚路 我地見到有好多當地後生仔都係順時計方向行, 但我地為左避開人潮, 就揀左逆時針方向行, 事實亦証明逆時針行係會行少d上斜 徒步其中一個好處係有d小景點小火車係唔會停的, 包括哩個救命寺 雖然其實都冇咩睇, 不過叫做到此一遊 沿途都會有觀景台睇倒好靚o既景色, 一d都唔悶 點擊圖片放大 大約行左40mins就會黎到哩個瞭望台, o係哩度可以睇倒270度海景, 可惜今日煙霞比較大 睇下哩度都幾多人坐o係度休息 母子像 回望返頭先個瞭望台 o係瞭望台向前行多少少, 就會有樓梯落去神仙岩 o係瞭望台向前行多少少, 就會有樓梯落去神仙岩 沿途會見到影島燈塔 點擊圖片放大 哩個打卡景o係好多postcard都會見倒, 冇理由唔影返張 哩個就係神仙岩 點擊圖片放大 +9 有條樓梯可以落到崖底 點擊圖片放大 +4 由於頭先落左好多樓梯先到崖底, 影完又要行返咁多樓梯上黎, 好彩帶左包之前買o既Hershey's朱古力奶黎, 可以補充下體力 哩包杏仁朱古力奶係買4包朱古力奶送的, 好彩只係得一包, 朱味唔重, 冇咁好飲 上返黎之後, 就黎到太宗臺最後一個景點, 太宗寺, 哩個其實係後門黎 點擊圖片放大 冇乜特別, 快快影張相就走了 哩個先係正門 行完太宗臺, 又搭返30號巴士出返南浦洞, 第一件事係再兌多d錢先 因為我地本身都係住南浦洞, 兌錢都方便, 所以都唔洗一次兌太多 之後我地食午飯o既地方, 就o係哩條好似女人街o既街入面 穿過人群, 終於到左哩間巨人炸雞 哩度都幾多當地人食 兩碟炸雞夾埋都係W19,000(HK$133), 一碟都超大碟, 夠2,3個人食 d炸雞都幾脆 行過見倒, 望入去好似化妝品店咁, 好多瓶瓶罐罐, 完全唔似賣成人野 由於未夠時間去下一個景點, 我地就去返南浦洞地鐵站附近哩條步行街shopping下先, 哩間泡菜鞋店雖然香港都開左, 但難得黎到泡菜國點都要入黎逛下 哩度分左三層, 有好多平價鞋呀, 袋呀, 最平W10,000有交易, 大部份都係W30,000-40,000 Shopping完返Gursthouse放返低d野, 我地就搭地鐵去到凡一站, 車程13mins, 車費W1,300(HK$12.6), 再轉哩架3號小巴去東港天主教堂, 車程12mins, 因為有轉乘優惠原來又唔洗錢 本來唔sure有冇落錯車, 見個修女o係度落應該冇落錯 行行下雖然唔見左個修女, 但都搵倒我地要搵o既地方 黎到o岩o岩仲睇倒個日落 哩個耶穌像就係哩個拍攝點o既打卡位, 但睇黎睇去都搵唔倒網上見倒個拍攝角度 後來見到同我地隔住一個鐵絲網o既泡菜龍友, 佢o既位置應該就係網上見倒o既拍攝角度, 就問佢點樣去到佢o個度, 原來係要出返教堂外, 有條小路上去的 終於黎到哩個拍攝位 可惜過到黎已經冇左個太陽, 好彩頭先影左2張 點擊圖片放大 +6 著左燈o既東港天主教堂係幾靚o既, o係度等左大半個鐘等到著燈影幾張相就走了 o係教堂搭返3號小巴, 就黎到今晚晚飯o既地方, 雙胞胎豬肉湯飯 叫左左邊同右邊哩2個餐 豬肉湯飯W6,500(HK$45.5), d肉好鞋, 湯好淡味, 味道一般) 白切肉家常套餐W8,500(HK$59.5), 哩個套餐其實同樣有o個個豬肉湯飯, 但湯飯內豬肉份量少d, 不過另外多左哩碟肉, 哩碟肉肥少少, 滑d好食少少 前菜唔夠可以o係度自己拎 食完豬肉湯飯, 行15mins就黎到哩間Cafe 301 哩度出名食哩個士多啤梨Latte 左係Ice Strawberry Latte, W7,500(HK$52.5), 右係Ice Chocolate Berry Latte, W8,000(HK$56) 實物同相差唔多 士多啤梨雪凍左唔會太腍, 好食d, 朱古力味都幾濃, 好飲過淨Latte 食完去左Lotte Mart掃貨, 一次過影埋今日下午o係步行街o既戰利品先
