Day 5: 梵魚寺>海雲臺>Hill Spa 梵魚寺係釜山一個出名睇紅葉o既地方, 交通都算方便, 所以係必去, 今次我地仲行埋山, 下午再去海雲臺玩汗蒸幕 今日要去傳說中o既梵魚寺, 所以7:00am就要起身 梵魚寺因為都多遊客去, 所以交通都算方便, 搭地鐵去到梵魚寺站, 車程43mins, 車費W1,500$(HK$10.5), 之後再轉90號巴士就到, 因為有轉乘優惠, 所以巴士係唔洗錢, 車程10mins 黎到都已經8:30am, 沿住石屎路行, 冇幾耐就會去梵魚寺 哩個寺係唔洗門票o既 都係普通一個寺, 所以好快就行完一圈 我地今日黎哩度主要唔係遊寺, 係要行梵魚寺隔離o既金井山, 所以逛完梵魚寺一圈就坐低食個早餐先上路 尋晚買o既紫菜卷 點擊圖片放大 o係頭先行去梵魚寺入口o既石板路, 左手邊有條分叉路就係上金井山 o係停車場旁邊有條路入去行山徑, 9:15am正式起步 指示牌黃色字就係北門, 我地會沿住左邊o既石級上到北門, 再繼續上去金井山o既主峰-姑堂峰 點擊圖片放大 +2 沿路都係哩d大石塊路, 唔唔難行, 只係一高一低同d石比較大級, 要較多體力 哩個路牌o既終點就係姑堂峰 行到咁上下, 會見倒哩d平台, 俾人坐低休息 點擊圖片放大 +2 不停上左45mins就會見倒哩個廁所位, 一早research左知道哩個廁所係成條登山徑唯一o既廁所位, 點以點都要幫趁下, 雖然o既山上, 但都係咁乾淨, 不過就一個洗手位都冇-,- o係廁所再行前少少, 就會見倒北門 而o係北門右邊哩個就係姑堂峰 點擊圖片放大 +6 o係北再上多30mins, 就會去到哩個觀景台, 而哩個望遠鏡竟然係唔洗入錢o既!!! 就到姑堂峰峰頂, 都係行哩d木樓梯 望返落去北門 頭先就係o係哩度行上黎 點擊圖片放大 上埋哩段樓梯就到頂 由起點上左1hr45mins終於上到黎801.5M高o既姑堂峰 今日雖然係平日, 但因為咁o岩有老師帶學生團黎行山, 所以山上面都好熱鬧 之後周圍行一圈影下相先 點擊圖片放大 +3 帶左之前o既樂天超市買o既野飲上黎, 哩罐桃味椰子水幾好飲, 入面有椰肉, 特價W600(HK$4.2)好抵飲 用個零鐘落返山之後, 我地就即刻搭返巴士出梵魚寺站, 落車見倒有間超市, 就入去買盒朱古力奶飲先 由梵魚寺站搭地鐵去海雲臺站, 需要o係釜山教育大學站轉一條新線, 東海線, 原來哩條線要出左閘上左地面行去, 沿途會見倒哩個指示牌 哩個就係東海線o既車站 東海線估計唔係太多人搭, 所以班次都比較疏, 要成半個鐘先有一班-,- 東海線列車 雖然話由梵魚寺站搭地鐵去海雲臺車程只係40mins,車費W2,600(HK$18.2), 但因為轉東海線o個度花左唔少時間, 所以去到海雲臺都用左1個鐘有多, 黎到都已經14:25, 先有得食lunch 哩隻主要係食人蔘雞, 我地叫左兩款唔同o既人蔘雞 除左前菜, 仲有清酒飲 我哩個係人蔘土雞湯, W13,000(HK$91) 另一個係藥膳蔘雞湯, W15,000(HK$105) 其實兩個蔘雞湯食落都差唔多味, 因為係直頭冇乜味, 又冇雞味, d雞肉又唔滑, 真係唔明點解咁多人鍾意食, 我寧願食便利店d飯團好過 食完人蔘雞, 我地就o係海雲臺周圍行下 海雲臺係一個出名o既溫泉區, o係路邊都有泉水噴出 哩間OPS o係海雲臺都幾出名, 我地都要去睇一睇 哩度都有超多款麵包, 而且d款式都幾特別同吸引, 不過價錢都唔平 有某d麵包仲有得試食添 朱古力都好多款, 包裝仲好靚 海雲臺路邊仲有哩個俾公眾浸腳o既地方, 平日都好多阿豬媽坐晒o係度浸 一睇哩間店o既口, 就知道佢係賣魚糕o既, o係OPS買完野, 我地就過左黎 哩間古來思魚糕都幾犀利, 賣魚糕可以賣到咁大間鋪, 入面仲有好多唔同款式o既魚糕 本來想試晒哩2款魚糕, 但因為頭先食完個人蔘雞都飽, 所以只係買左左邊o既魚糕年糕串黎試 哩度d魚糕平均一條都要W2,000, 我哩條魚糕年糕串都要W2,500(HK$17.5) 揀好想食o既魚糕, 本來我以為店員會幫我整返熱, 點知竟然係自己用微波爐叮返熱, 店入面就有個位放左d枱凳同微波爐俾人叮返熱黎食 因為有年糕o係入面, 所以食落煙煙韌韌都唔錯o既, 不過要自己用微波爐叮返熱黎食, 好似去左便利店咁, 我就覺得唔值哩個價囉 食完魚糕, 就搭141號巴士黎到Hill Spa, 車程7mins, 車費W1,200(HK$8.4) Hill Spa係釜山其中一個最出名o既汗蒸幕, 佢主要賣點係一邊浸溫泉一邊睇海雲臺o既無敵大海景 雖然有無敵大海景, 但因為海雲臺都比較隔涉, 所以Hill Spa收費一d都唔貴, 平日玩足24hrs都係W12,000(HK$84) 俾左入場費後, 每人就會獲分發一套衫, 兩條毛巾同一張收據, 上面寫住一個號碼, 就係locker號碼 o係櫃台俾完錢就要即刻除左鞋, 將鞋放o係收據所示相關號碼o既鞋櫃入面, 櫃門會插左一條有電子鎖o既手帶, 之後過程中就要帶住哩條手帶 男女澡堂都o係唔同樓層, 浸完可以去返common area 去到女士澡堂, 第一件事就係要除晒衫, 所以隨身物品都可以放o係哩個高身locker入面 用頭先條手帶, 搵返相應號碼o既locker, 一貼埋去就會開倒門 澡堂有幾個唔同溫度o既溫泉, 有室內亦有室外, 亦都有2,3個唔同溫度o既sauna房 o係泡菜國浸溫泉之前, 女士都要沖乾淨身, 長頭髮要扎起晒d頭髮先 汗蒸幕通常都有卸妝, 化妝水, lotion, 風筒哩d野, 泡菜國哩度乾到一洗完手已經勁乾, 用左佢地o既lotion又真係幾潤喎 換好佢地提供o個套衫之後, 就可以黎哩個common area hea下 哩度有幾個唔同溫度o既汗蒸幕, 因為唔鍾意出汗, 所以我都冇入去, 淨係o係出面hea下算 哩度仲有個小賣部 頭先浸溫泉都可以睇倒哩個景 如果有多d時間我會o係度訓下, 但因為時間關係, 只係o係度留2hrs, 所以只係o係度hea左一陣到天黑就走 帶左頭先o係OPS買o既朱古力brownie黎食 哩個brownie我係試食左先買, W4,800(HK$33.6)有3個, 好濃朱古力味好好食 搭返141號巴士出海雲臺市中心, 我地就黎哩間Ohbanjang燒烤 入去之前, 我地去左附近o既便利店買枝燒酒偷運入去先 Ohbanjang有室內同室外座位, 但大部份人都係坐宣外, 所以我地都坐室外, 比較有氣氛 哩度o既menu有中文又有圖, 唔識泡菜文都唔怕 哩度係用炭爐燒 點擊圖片放大 叫左一份調味排骨, 一份調味肝連肉, 各W9,500(HK$66.5) 兩款肉都好juciy, 好味 食完又係有免費咖啡 食完烤肉就去左附近o既雪冷食甜品, 之前第一日去左南浦分店, 最後因為趕車冇食到, 今次終於可以試下 哩度主要係食韓式刨冰, 有好多款揀 揀左哩款紅豆刨冰, W7,900($55.3) 食完就搭地鐵去Centum City哩間Home Plus行下 Home Plus係一間超市+Ikea, 入面除左有超市買倒o既野, 仲有好多家具款, 不過d野食大部份就冇樂天咁平 今日o係OPS麵包店同Hhome Plus o既戰利品, 後面右邊o個盒係提子汁, 包裝好靚 影返尋日o係Daiso o既戰利品
