日期: 9-12-2017(星期六) 每年12月都有好多人去大棠影紅葉, 今年已經係我第3次黎大棠影紅葉, 之前2次都係12月尾黎, 但由於知道大棠o既紅葉已經開始轉紅, 二黎根據過往經驗, 香港o既紅葉即使遲d會紅d, 但紅極都唔會好似日本韓國咁盛紅, 而係偏啡紅色, 加上香港中午太熱, 即使紅葉夠紅, 都會燶左出現黑點或有爛葉情況, 所以今年我地就試下早d黎睇下 ************** 因為淨係影紅葉, 唔行山, 所以可以訓晏d, 13:45 o係朗屏集合, 之後就搭K66巴士入大棠, 原來K66巴士有特別班次可以不停中途站去大棠 雖然搭左不停中途站o既特別班次, 但因為塞車, 結果都要15:10先黎到大棠 燒烤場哩棵紅葉通常紅得最快, 已經成棵變晒紅色了 可能因為太早黎, 所以人唔多, 條路都行得好輕鬆 雖然只有個別2,3棵轉紅, 但紅葉冇乜燶同爛葉, 其實都唔差 點擊圖片放大 +11 哩個位算係最多人, 但比起全盛期已經算係少人了 點擊圖片放大 +2
