日期: 19/8/2017至20/8/2017(星期六,日) 夏天又熱又曬唔想行山, 去沙灘又多人d水又濁, 有咩好做? 仲可以book康文署d度假營玩返2日, $90/人就可以玩足2日一夜, 就算食埋早午晚3餐, 一個人都唔洗$200, 出面淨係租間度假屋都唔得啦 康文署核下有麥理浩夫人度假村, 曹公潭戶外康樂中心, 西貢戶外康樂中心同鯉魚門公園, 其中麥理浩同鯉魚門最少3個人就已經可以有一間房, 而據朋友所講, 鯉魚門公園入面o既設施大部份都係室內, 出面幾熱幾曬都唔怕, 所以今次我地亦係去鯉魚門公園 ************************* 鯉魚門公園度假營因為距離筲箕灣地鐘站都有30mins路程, 所以度假營o係筲箕灣地同葵興地鐵站都有免費shuttle bus程返, 時間表可以睇返康文署個網 我地13:15 o係葵興搭shuttle bus入度假營, 因為紅隧塞車, 結果都要14:30先入到營 非常好天, 曬到爆炸, 好彩好多活動都可以室內進行 首先要黎接待處聽briefing, 分好房就可自由活動 早午晚三餐同活動時間 營地地圖, 宿舍主要o係山上, 而各類活動都集中o係山腰, 所以兩日夾埋都上落左幾次 哩塊板就清楚列明有咩活動可以玩, 有d活動要有突練o係度先玩得 度假營入面有好多座營舍, 我地住o個座差唔多o係最高(唔係哩座), 行曝曬下行左2,3個字上斜先到 終於行到黎我地住o個座營舍, 我地係住中間o個層 四人房都算乾淨企理, 廁所同沖涼房雖然係同另外2間房share, 但因為隔離都冇人住, 所以我地4個人霸晒2個廁所同2個沖涼房 $90/人/晚, 估唔到仲有埋衣架同風筒, 好貼心, 冷氣好夠凍 房間外觀, 因為房間樓底都幾高, 夜晚訓覺就算熄晒燈, 門上面隻窗都仲會透倒走廊燈, 都幾光 放低野o係房後, 就行返落去康樂館, 頭先一黎到o既接待處, 所有室內活動同要借用具o既服務台都o係晒哩度(哩個景係由康樂樓望返落去) 因為晚飯後都冇晒教練, 所以我地就趁哩個時候去玩d有教練o既活動, 熱到死, 入黎嘆下冷氣o岩晒 所有活動都係30mins一節, 如果入到黎錯過左教練講解, 就要等下節, 好彩我地入左黎等冇幾耐就玩得 由於天氣太熱, 我地都決定留o係室內, 玩完射箭就過左隔離房玩室內門球哩個遊戲每人有一個波, 最快逆時針過晒三個門再撞中間條柱就算羸 有教練教我地點玩, 哩個活動都幾好玩, 又有冷氣, 所以第2日我地又再黎玩過 玩完室內門球, 我地又去左玩snooker 有教練的活動只去到17:30, 但冇教練的活動可玩到18:00, 我地就諗住玩足球機, 所以入左黎服務台借波, 原來哩度仲有好多唔同gard game同遊戲借, 有d要o係返服務台度玩(入面有好多張枱同凳, 有d就可以借返房玩第2朝先還) 哩個房好多蚊, 玩左半個鐘, 4個人入面有3個都俾蚊咬到手腫腳腫點擊圖片放大 雖然18:30先有晚飯, 但唔想返房, 所以我地就早d黎到canteen涼下冷氣 餸菜係要預早訂同俾錢, 哩度仲有野飲同零食賣, 但就好貴 點擊圖片放大 團餐雖然好平, $30.3/人, 所想食好d, 所以我地預早訂左小菜, 可以自己揀, 小菜大部份都係$68, 白飯就可以黎到先叫, $8/碗, d餸菜以canteen黎講味道都唔差 canteen o係山腳, 所以食完, 我地又要上返黎康樂館 趁活動時間未開始, 我地就行左去咖啡閣睇下, 因為o個度有個觀景台, 可以望度鯉魚門海峽 哩度仲有個望遠鏡, 係唔洗入錢的 點擊圖片放大 +2 哩個咖啡閣原來係古跡 食完飯唔想玩得太激烈, 所以我地就去左玩氣墊球 玩完氣墊球, 我地又玩左幾鋪足球機, 玩到差唔多21:00先返房沖涼(其實活動時間去到22:00, 因為之前唔知隔離房冇人住, 驚住要排隊仲涼, 所以早d返房) 等到大家都沖晒涼搞掂晒後, 我地就拎左之前o係服務台借o既猜猜出黎玩, 玩到23:30先訓(其他場館都有wifi, 但原來房間係冇wifi的 ) 第2朝8:15就食早餐, 所以我地7:30就起身 早餐我地食團餐, 每人$16.7, 有3樣野都ok 食完早餐我地又去左玩室內門球, 之後見唔係好曬, 又有得玩繩網(要有教練), 我地就去左玩 教練只開放左其中六關俾我地玩, 有教我地點過, 好彩都過得晒, 玩完都成身汗 身水身汗, 梗係入室內涼下冷氣, 見乒乓球未玩過, 我地就去借拍黎玩 因為我地唔係營入面食lunch, 所以11:30就要check out房間, 玩到10:30我地就返房沖個涼換件衫 還晒所有野先11:40, 但要等到13:00先有免費shuttle bus出返筲箕灣(驚紅隊又再塞車), 所以我地就o係服務台借層層疊黎玩, 順便涼下冷氣