日期: 22/1/2017 (星期日) 難度: 2* 補給: 有 一聽倒麥理浩徑, 平時唔行開山o既人可能會覺得一定有d難度, 但其實中間都有難有易, 好似麥理浩徑第2段就係當中比較容易行, 上落不大, 沿途又有補給點同廁所位, 重點係風景一樣咁靚, 有d位仲有d似西藏o既納木措添, 即使平時唔行開山o既人應該都行得倒, 全程大約5個半鐘就完成 ****************************************** 9:00西貢牡丹樓集合兼等村巴入西灣亭, 每5mins倒就有一班, 所以等左10mins倒就可以上車(車程約20mins, 車費$17) 拉埋筋9:41正式起步 頭20mins都係石屎平路 哩段斜路好短, 幾分鐘就行完 上完頭先段斜路, 會有左中右三個方向, 右手邊係我之前行過o既西灣山同浪茄, 今次我地行o既麥2就係中間條路 點擊圖片放大 +4 前面係一個士多, 麥2沿途都會經過好多士多同公廁, 非常方便 點擊圖片放大 右手邊條路係落大浪西灣 點擊圖片放大 哩度好多講普通話o既細路 哩個景有d似西藏o既納木措呢 點擊圖片放大 +5 前面就係一個廁所位 之後轉右向鹹田方向行 其實頭先橫過沙灘爬少少石就可以上返黎麥2, 不過我地就選擇行石路, 要兜遠少少 回望返頭先個大浪西灣 點擊圖片放大 +5 鹹田灣 點擊圖片放大 +9 之後行落鹹田灣行到尾就會見倒哩條木橋 由於條橋都比較震, 所以我地都係兜遠路行返去對面士多 因為已經12:14, 我地就o係兜去士多途中搵個唯一有遮蔭o既位坐低食野先 士多附近用玻璃樽砌成o既牆 穿過士多繼續向前行就係赤徑 右手邊係出返北潭凹 哩個位又有分左右兩邊, 所以好多人都睇緊地圖, 右邊係去赤徑, 左邊先係去北潭凹 不知名o既花 點擊圖片放大 全程都冇乜上落, 估唔到黎到哩度先黎上斜 大約行左20mins上斜路, 就會見倒哩個涼亭, 之後就開始落斜了 沿途都見倒好多之前山泥傾瀉o既後遺症, 哩度d山泥仲連個告示牌都撞趺埋tim 點擊圖片放大 +3 右手邊白色o個幾間小屋係白普里 點擊圖片放大 +8 黎到哩個分叉路, 向左行多半個鐘就出到北潭凹, 驚冇巴士可以向前行去到黃石, 但就要行1個鐘, 由於我地時間尚早, 估計唔多人等巴士, 所以都係按原定計劃行返去北潭凹 點擊圖片放大 o係分叉位行多20mins就到出口, o係公廁梳洗埋先 出返大馬路轉左直行就係巴士站 最後15:12就出到黎巴士站, 因為有2架巴士, 而且時間早冇乜人, 等冇幾耐就有巴士出返西貢市中心, 17:20倒就返到屋企了
