日期: 8/1/2017(星期日) 難度: 3.5* 補給: 無 韶關丹霞山入面o既陽元石應該冇乜人唔知, 原來香港都有陽元石, 講緊o既係沙田o既女婆山, 全程大約4小時, 主要山路為主, 有部份路段比較跣腳同要o係樹叢中間行進, 難度唔算高, 不過最好帶定手套同著長褲 廣源邨->花心坑->女婆坳->女婆山->沙田醫院 ******************************** 13:00廣源邨巴士站集合, 之後沿小瀝源路上斜, 約5mins會見倒另一個巴士站 巴士站對面有條樓梯上花心坑 跟路牌指示向左行去花心坑 之後又有分叉路, 好彩見倒村民可以問路, 都係行左手邊 點擊圖片放大 +3 頭15mins都係石屎路, 哩隻開始進入梅花古道, 都係行哩d石路, 非常易行 點擊圖片放大 行多20mins就離開梅花古道, 向上面條小路走 之後都係行哩d爆林路, 因為哩條小路比較少人行, 所以兩邊d草都生晒出黎, 有時d草多到望唔倒地下, 行o既時候又不停勾住條褲 點擊圖片放大 +4 大約行多30mins就黎到傳說中o既楊元石 有d位都幾大級, 要手腳並用 點擊圖片放大 +2 沿路都有好多絲帶, 跟住行就o岩 點擊圖片放大 睇相好似平平無奇, 其實哩個位都幾跣 因為比較跣, 無得停, 貧友已經行到去對面山了 我都過左對面山了, 望返轉頭 d草密度係咁勾住條褲, 又時不時被地上o既草拌倒 點擊圖片放大 今日煙霞勁大 有穌光呢 點擊圖片放大 望返落去個景都唔錯喎 仲見倒沙田馬場 點擊圖片放大 +4 哩種紫藍色o既果實應該係有毒吧?! 哩段路都一樣跣, 所以我地要好似泰山咁由一條樹枝飛去另一條樹枝 點擊圖片放大 +3 去到最後終於見返樓梯 落左樓梯就出返大馬路了 沿住馬路落斜, 黎到哩個三叉位轉右行返去沙田醫院就有巴士出返沙田了市中心 貧友行到成褲成袋都係草XDDD 17:18終於出到黎巴士站
