日期: 18/12/2016 (星期日) 難度: 1.5* 補給: 冇 近期菠蘿山大峽谷可以話係除左大東山芒草同大棠紅葉之外另一大熱行山點, 連平時唔行山o既人都黎, 反而我一直都未有機會去, 但今次咁o岩朋友話去, 又得閒終於可以成行 一般人去菠蘿山都會由良景去白泥, 貪佢可以影埋白泥日落, 但其實白泥出返元朗o既小巴20mins先有一班, 旺季期間3班車都未必上倒, 隨時要等1hr以上先出得返元朗,而且對於非龍友黎講, 其實o係菠蘿山上影日落都已經收貨, 而最後一點, 就係菠蘿山去白泥段路係泥石路, 如果落斜都有d跣腳, 而良景去菠蘿山係石屎路, 上山又行到隻狗咁, 所以我地今次就選擇掉返轉黎行, 由白泥行去良景, 咁樣白泥去菠蘿山段泥石路就變左上斜, 相對較易行, 而菠蘿山去良景段長命斜係落山, 就更加輕鬆 白泥->菠蘿山->良景 **************************************** 13:00約左貧友o係元朗站集合, 齊人就行去大榮華附近搭小巴入白泥, 車程大約22mins(車費$11) 落左車之後就向碉堡方向行 沿住哩條路直行 途中竟然見倒有人放羊 點擊圖片放大 之後見倒左面有條路穿過魚塘, 但我地當時行錯左一路直行 但就係行錯左先見倒咁靚o既景色 行返轉頭穿過魚塘就見倒大樹菠蘿 之後沿住石屎路一直行, 見倒分叉位向高處行, 最後就會見倒哩個軍事禁區牌就係去菠蘿山o既入口, 原本由白泥落車點行黎只需15mins, 但因為行錯路用左半個鐘先搵倒 過左軍事禁區牌, 就開始行哩d小路, 由於我地同大部份人反轉方向行, 所以哩條碎石路我地係上斜而唔係落斜, 比較安全 途中只有一兩小段路係比較斜的, 其他路段都係暗斜 點擊圖片放大 哩度都有芒草 我地就係從下面d漁塘o個度行上黎, 對面相信就係深圳 點擊圖片放大 +4 由入口大約行左半個鐘就見倒哩個牌, 即係到左傳說中o既大峽谷了 好多人已經到左了 點擊圖片放大 +6 多謝貧友請食o既橙, 好多汁好甜 點擊圖片放大 +2 玩左個零鐘, 太陽都開始落山了 點擊圖片放大 +8 落山都係行哩d石屎斜路 半個鐘就落到良景村, 可以搭輕鐵去西鐵站, 唔洗o係白泥同人爭小巴, 19:00就返到屋企了
