日期: 11/12/2016(星期日) 難度: 2*(5*為最難) 補給: 有(要去到大棠先有) 大欖涌水塘又稱港版千島湖，今次哩條路線山路同石屎路各佔一半，但難度唔高上落不大，如果中途冇爆林上高位影千島湖, 大約2.5至3hrs就完成(唔計大棠影相時間)，除左千島湖，尾站仲會去到大棠可以順便影埋紅葉 大欖涌->越野單車徑小欖段->大棠 ************************************ 9:20約埋貧友o係荃灣千色店搭51M巴士, 大約車程約15mins就黎到大欖涌 大隊10:15在牌坊集合, 趁時間尚早唯有拉下筋 10:20正式起步 途中會穿過大欖懲教所, 出左懲教所範圍就沿住哩條斜路行20mins 上完斜路, 右手邊係大欖涌水塘, 左手邊係我地要行o既越野單車徑 點擊圖片放大 +8 影完水塘就行返轉頭, 沿住越野單車徑行 點擊圖片放大 +7 人車爭路 點擊圖片放大 由於要走走停停避單車, 行左大半個鐘先走出越野單車徑, 之後就行返哩d石屎路 哩個位正式同越野單車say bye 12:30上到哩個轉彎位, 食d野休息下先再上路 沿哩條路上去就係爆林位, 可以上更高的位影千島湖(哩條小路浮洗碎石較多比較跣, 難度約4*, 如果要行一定要帶手套同著行山鞋) 左手邊條小徑就係爆林位 雖然只有100m, 但因為中間有d位比較跣, 都要手腳並用, 好彩帶左對勞工手套黎 哩張相影到我好似行得好快咁XDDD 爆林條路被人行到闊晒, 只要知入口位跟住絲帶行就係 點擊圖片放大 +3 慢慢上, 約花左25mins先上到黎, 可惜煙霞太大 最後又用多25mins先落返黎轉彎位, 沿住哩條路就係大棠 點擊圖片放大 +5 大約行左1hr 15mins, 終於見倒紅葉 雖然只得幾棵紅葉, 但都係好多人 點擊圖片放大 +7 最後行到16:00就出返巴士站, 搭K66巴士出返朗屏站
