日期: 30/10/2016 (星期日) 難度: 2* 補給: 冇 天氣開始冇咁熱, 又到左行山o既季節, 久休復出, 最o岩就揀條輕鬆少少o既行山徑行下先, 哩條路線8成都係石屎/石板路, 樓梯都冇, 只有頭段係上斜, 而且大部份時間都有樹蔭, 3個鐘倒就行完, 最特別途中會經過一條碩果僅存o既石造滑梯, 最o岩要黎影相 麥里浩徑9段->蓮花山->清快塘->深井 **************************************** 為左避開中午最熱o既時間, 今次我地14:30o係荃灣西站E出口集合, 搭14:35開出的51號巴士去起點 搭左12mins o係郊野公園站落, 反方向行幾步就到麥9入口 好清涼o既小徑, 不過因為都有唔少上斜, 行行下都開始出汗 今日煙霞好大, 影相唔靚, 不過唔曬都行得好舒服 左面條路就係蓮花山方向 向田夫仔方向行 除左開頭有上斜外, 今日大部份o既路段都係平路或者落斜 今日唯一o既影相位, 碩果僅存o既石造滑梯, 原來附近有一間荒廢左o既村校 一進入元荃古道, 就變成哩d石路 耶穌光 點擊圖片放大 +2 之前見倒哩隻狗攰到打側訓o係地度喘晒氣, 後尾仲要主人揹落山timXDDD 左邊沿住樓梯落山, 行多45mins就到終點了 穿過埋哩個農莊就好快到終點 點擊圖片放大 最後行到18:00終於出到深井, 有多架小巴/巴士可以出返荃灣MTR或荃灣西站
