日期: 1/7/2016 夏天除左陽光與海灘, 仲係好多昆蟲最活躍o既季節, 所以亦係睇/影螢火蟲o既好時候, 今次由黎到最近以油菜花出名o既沙螺洞, 哩度o係未有油菜花之前, 就已經有螢火蟲了 ************************************************************************************ 沙螺洞除左可以o係大埔火車站轉75K巴士, 再沿斜路上1hr外, 唔想行仲可以o係太和站搭的士, 車程約15-20mins, 車費$51, 如果有得2,3個人, 但行少1hr都抵返 我地18:45太和集合後, 大約19:08已經上到黎, 基本上落的士o個度就已經可以影螢火蟲 趁天黑前set定機先 等到20:00天先比較黑, 同開始見倒螢火蟲, 但數量都唔及上次尖鼻咀多, 而且我地最初o係公廁對出個位影, 都幾多蚊 影到20:30倒見螢火蟲唔多, 我地就轉左入村口影, 哩度螢火蟲數量叫做多少少, 同埋冇咁多蚊 最後影到21:00就走人 有2個o係o個度影相o既阿叔自己渣車黎, 問要唔要車埋我地出大埔, 第一次o係hk坐順風車, 所以最後比預期早1hr返到屋企