由於某d原因, 每年都要去一次星星國 為左令例行公事變得冇咁沉悶 我都習慣將星星國的旅遊熱點分開幾次去(以免d景點太快去晒) 所以我的星星國遊記景點不多 反而食點較多, 同去一d少遊客去o既地方 今次又撲倒flyscoot的平機票 HK$617來回連稅(冇食冇寄倉), 係3次星星國遊之中最平一次 酒店每晚約HK$500/雙人房 車費每人約HK$60/日 4日22餐平均每人約HK$700 買野用左約HK$500 所以4日行程只用左$2,80x 行程: D1: HK->SIN->酒店->Whampoa Drive 90&91 (食炒蘿蔔糕&板麵)->空軍山巴榴槤(食貓山王)->牛車水(食阿坤)->Hong Lim Food Centre(食炒粿條)->Ang Mo Kio(食蟹)->小印度(逛Mastafa Centre超市)->Usman(食咖哩薄餅)->回酒店 D2: 酒店->小印度(影特式建築)->Adam Food Centre(食辣死你媽)->諒記(食肉骨茶)->結霜橋叻沙->Haji Lane->Chijmes Church->St Andrew Catheral->Maxwell Food Centre(食天天同阿仔)->魚尾獅->Garden by the Bay(影夜景)->Geylang(食沙嗲&板麵)->回酒店 D3: 酒店->Orchard Road(食烏冬)->Cold Stone(食雪糕)->Bedok(食窩夫雪糕)->Decathlon(平價運動用品店)->Chomp Chomp Food Centre(食魔鬼魚&蜆)->Selegie Road(食辣死你媽)->City Square Mall(逛Decathlon)->回酒店 D4: 酒店->Beach Rd(食越南河粉)->逛泰國商場->Tom's Pelette(食雪糕)->Jurong East Sports Complex(游水)->Orchard Road(食韓國菜)->4 Fingers(食韓國炸雞)->回酒店拎行李->去機場 ************************************************************ D1: HK->SIN->酒店->Whampoa Drive 90&91 (食炒蘿蔔糕&板麵)->空軍山巴榴槤(食貓山王)->牛車水(食阿坤)->Hong Lim Food Centre(食炒粿條)->Ang Mo Kio(食蟹)->小印度(逛Mastafa Centre超市)->Usman(食咖哩薄餅)->回酒店 今次同阿e同阿ma一齊黎, 6:30黎到影埋相o岩o岩好可以登機, 7:00準時起飛 10:40就落機, 11:00已經搭MRT離開機場(唔洗等行李真係快好多), 11:45已經去到酒店 哩間酒店上次都住過, 貪佢平靚正, 連17%稅都係$500/晚, 雖然距離Farrer Park MRT要10-15mins路程, 但其實o係Lavender MRT轉145巴士, o係酒店對面就有站, 方便好多 點擊圖片放大 酒店亦有機場接送服務, SG$9/人(自己搭MRT/MRT轉巴士就約SG$2/人) 放低行李就搭145號巴士去Whampoa Drive 90&91哩個熟食中心開餐 蘿蔔糕SG$3, 都冇蘿蔔, 好似得麵粉同蛋, 普通 天氣熱最好就係飲杯冰凍檸檬庶汁, 哩度d庶汁平過香港好多, 又冇咁甜, 咁大杯都係SG$2 上次食過哩度o既板麵唔錯, 今次再食 板麵SG$4, 因為係即叫即造, 所以要等40mins先有, 不過個人覺得麵質唔夠腍, 但個湯反而好清蝦味, 幾好飲 乾撈麵, SG$4, 哩個有辣醬o係入面, 雖然麵質都係唔夠腍, 但食落好惹味 食完就去食榴槤 話阿發哥都有幫趁的 第一次食傳說中o既貓山王, 哩個SG$30 入面都有9粒榴槤肉, 冇雪凍口感爭d, 同埋我唔鍾意個苦味, 第日有機會試下其他榴槤先 之後又再搭145號巴士黎到牛車水 點擊圖片放大 黎到牛車水當然要食亞坤 睇返之前d相, 事隔年半, 加左SG$1 每個餐要左一個, 鮮牛油咖央多士, 多士幾脆, 加左牛油好食過淨咖央 法式多士加咖央 薏米水冷熱各一杯, 熱其實都唔係熱, 只係少少暖 生熟蛋 攪爛佢再加豉油食, 不過我覺得就咁食好食d jek 店內的模型擺設 紅毛榴槤, 聽講話好好食的, 不過我地就冇食 食完阿坤就過埋隔離Hong Lim Food Centre食哩個炒粿條 SGG$4, 入面除左粿條, 仲有d芽菜同魚片 由於炒粿條好多人排隊, 當然又要買杯野飲 左面係番石榴菠蘿汁, SG$3.5, 右面係ABC果汁, 即係蘋果紅菜頭同蘿蔔, SG$3 路過林志源, 不過冇買到 之後去行下Daiso同超市後, 就搭MRT去Ang Mo Kio轉169號巴士黎到哩度食蟹 18:15黎到已經勁多人排隊, 最後排左個半鐘先可以入座 (平日可以訂座, 星期六日就要排隊) 排緊隊o個陣就可以點定餸, 哩度最出名係砂煲螃蟹米粉湯同牛油螃蟹, 亦有其他整法揀 點擊圖片放大 +3 酸柑水, 酸酸甜甜好好飲, SG$2 馬蹄水原來係現成樽裝, 都係SG$2 終於到主角出場喇, 哩個係砂煲螃蟹米粉湯, 可以揀一隻中蟹或2隻細蟹, 我地揀左2隻細, 價錢係睇重量, 哩度係SG$98 蟹都幾大隻, 啖啖肉, 幾鮮味 不過我覺得最正都係個湯同d瀨粉, 個湯好濃味 , 有少少牛油同胡椒味, 瀨粉好滑吸晒個湯d味, 我地成煲湯飲晒 食完蟹都已經差唔多21:00, 就搭返去酒店附近o既小印度食咖哩 點擊圖片放大 咖哩雞, SG$8, 雖然唔鍾意食o個d雞, 但d咖哩好夠辣, 好惹味 今次叫哩款Cheese Garlic Naan幾好食, SG$3, 上面有garlic, 入面有半融芝士, 正 食完再去埋附近個Mustafa Centre小印度超市逛下, 返到酒店都已經23:xx了 點擊圖片放大
