資料篇 機票 關於機票, 我每次都係坐Flyscoot這個廉航, Flyscoot每日只有一班機, HK->SIN 7:00->10:40, SIN->HK 1:55->5:45, 對好多人黎講個時間好差, 但我就貪佢可以玩到盡, 一般冇特價來回連稅約$1,3xx-1,5xx, 耐唔耐都會去到$1,1xx-1,2xx, 而每年都有3,4次可以平到$7xx-8xx(一般都係xmas, 中秋哩d大時大節做減價, 做3兩日, 所以要買趁手), 今次買倒$617哩個價係咁多次見過最平的(一般早幾個月至半年前買), 如果要寄倉大約每程加$150 Tiger/Jetstar價錢都同Flyscoot差唔多, 亦見過有低至$6xx, 航班時間比Flyscoot多選擇, 時間上對大部份香港人黎講應該比較正常, 不過飛機座位由於係細機, 冇Flyscoot咁闊落 酒店 酒店以往我都在agoda訂, 可以出發前幾日先過數(不過過數前cancel都冇得退款的), 但最近發現唔同訂房網價錢都可以爭幾遠, 比較過booking.com/agoda/hotel.com, booking.com可以平$100/晚, 主要係因為佢係即時過數(agoda/hotel.com直頭冇哩個option), 所以如果覺得自己基本上都唔會改, 都可以揀哩個(當然唔同酒店可能唔同網站訂會平d, 最好都係格下價) 3次新加坡之旅我住過兩間酒店, 兩間連17%稅都係$5xx/晚/雙人房, 當中我比較鍾意Kam Leng Hotel, 哩間3次入面我就住左2次 Kam Leng Hotel 哩間酒店o係Farrer Park MRT附近, 由機場搭MRT去Farrer Park要轉3次線, 落左MRT都要行10-15mins先到(由機場去到酒店約1hr), 但勝在近小印度Mastafa超市同Decathlon(大型平價運動用品店), 而且房間亦比同價位的酒店算大(見過booking.com年廿九至初二有連稅$400/晚), 不過而家識搭巴士, 其實可以o係機場搭MRT到Lavender再轉145號巴士(第2個站落車), 對面就係酒店, 咁樣由機場去酒店只需(35-45mins), 而由酒店去機場就可以搭67號巴士去Kallang, 再轉MRT去機場 (以下相片全部係我影的) 酒店外觀 房內情況 85 Beach Garden Hotel 哩間酒店對比Kam Leng就方便好多, o係機場搭MRT去Bugis只需要轉1次線, 出左MRT更加行2mins就到, 樓下仲有好多食店, 連稅同樣係$5xx/晚/雙人房(最平個房間類形係冇窗的, 較侷促), 不過咁方便o既酒店當然好快full, 要早d book, 有利亦有弊, 85雖然方便, 但房間比Kam Leng細, 而且廁所雖然同Kam Leng一樣係磨砂玻璃, 但佢塊玻璃就透好多, 基本上個人形都睇得頗為清楚 酒店外觀 房間情況