蒸海鮮興左咁耐, 都未食過, 聽人講哩間韓式食店o既九層海鮮塔好新鮮, 就黎試下 門口有大人同小童呎碼o既韓服各三套, 等d食客可以等位時著黎影下相, 又幾細心喎, 每套韓服d顏色都唔同, 全部都好sharp色 我都著黎玩下 :P 職員見我地玩, 仲帶左我地入一間房俾我地影, 話間房遲d要黎做vip房, 而家未整好, 就俾d客影下相 終於入得, 地方都幾闊落, 坐得都舒服 4款前菜都好好味, 尤其係個泡菜, 夠辣, 甜甜辣辣好味 哩度主要係食九層海鮮塔, 有分三個價錢, 每位由$328至$568, 主要睇食乜海鮮, 我地就揀左個中間價位o既首爾塔($398/位) 第一件事就係揀左粥底先, 可以揀人蔘雞湯/韓式豬手湯/韓國泡菜湯, 我地就揀左人蔘雞 揀好粥底, 侍應就會放上九層海鮮塔蒸 要蒸到90度先食得 食得喇~蟶子同象拔蚌都好大隻好鮮甜, 唔洗蘸調味已經好好食 元貝, d水好鮮味, 我地飲晒 海蝦都幾大隻彈牙 花尾龍躉蒸得老左少少tim, 不過d菜吸左海鮮汁都好好味 大花蛤同蝴蝶蚌冇沙, 都好鮮甜 肉蟹太細隻, 其實肉同膏都唔算多, 反而隻大蚌就成隻蟹咁大隻, 啖啖肉 鮑魚唔韌, 個蘿蔔好腍好入味 石蠔, 蠔肉好大隻, 不過蒸得耐左少少 海螺太細隻, 都唔係好食得真d味, 最好味個南瓜, 好腍好甜, 腍到皮都食得 最後食埋個人蔘雞粥, 人蔘味唔夠, 同埋唔知係味我地飲晒d海鮮汁, 海鮮味唔算好濃 侍應會幫我地拆雞 同將釀o係雞入面o既糯米畢出黎 每人食完一碗粥, 仲淨返一半, 飽到要外賣 味道: 4/5 環境: 4/5 服務: 4/5 衛生: 4/5 抵食: 4/5 食店: 九重鮮 地址: 紅磡黃埔花園11期地下G26號 電話: 2321 0188 人均消費: $300-400
