日期: 8-4-2016(星期五) 地點: 石澳 由前幾日開始, 就o係FB的影相群組不斷睇倒有人影倒有藍眼淚之稱o既夜光藻, 據講哩d夜光藻因為身體入面有螢光素, 所以當佢地感受倒周圍環境有變化時, 就會發出螢光~趁星期五晚就同朋友去比較易去o既石澳, 好好彩第一次去就睇得倒 是晚20:30 o係筲箕灣集合, 搭20:45的9號巴士入石澳, 大約20mins就入到去, 落車之後大約行10mins就到拍攝位置--大頭洲對面的情人橋, 其實現場肉眼睇唔係藍色的, 係似比較光的白頭浪, 所以o岩o岩睇倒時, 仲唔係好肯定係咪, 但見倒有咁多人o係度影, 又隨住海浪聽倒歡呼聲, 就知道有收獲了~ 估唔到唔洗掉石都睇倒幾多藍光 大霧令到對面d漁船燈同飛機痕都睇唔倒, 估唔到都有好處 由於水漲, 臨走時腳下o既水灘都已經俾水蓋住, 仲見倒一圈圈藍光圍住d石tim
