日期: 27/12/2015 難度: 4* (5*為最難) 補給: 冇 自從多年前跟朋友行過昂平,當時朋友仲特意聲明係馬鞍山個昂平, 唔係大嶼山個昂坪, 先知道有昂平哩個地方, 而哩幾年昂平亦由於有一個大草原,而多左人去玩滑翔傘亦都多左人識, 事隔多年, 近日先知道昂平對正個山叫大金鐘, 而哩個山因為有浮沙碎石, 所以兩星o既昂平, 如果行埋大金鐘一後, 就會變左四星路線, 為左挑戰下哩段四星路, 我又再次黎到昂平了~ ************************************************************************************ o係西貢宜春街搭3號小巴, 約10mins o係北港凹路落車, 12:10開始行 沿住北港凹路行到哩個分叉位, 就沿右手邊哩條路上(初時行錯左左手邊, 行左一小段之後問左路人, 先折返) 之後向昂平新村方向行 行左7mins倒, 就見倒麥理浩徑, 拉埋筋約12:30開始行 開頭都係哩d咁矮o既樓梯, 當係熱身吧 12:30黎到今日o既起點, 大水井 之後樓級開始大級少少 行到12:43開始行哩d山路 之後都係行哩d路上山 點擊圖片放大 +4 行到13:00終於見倒少少景 下面就係白沙灣 點擊圖片放大 +12 左邊係茅坪方向, 右邊係企嶺下方向, 我地向企嶺下方向行 行左1hr先行左藍色o個段路, 仲有好多路紅走 點擊圖片放大 +2 行到13:30終於到左昂平, 對面個山就係陣間要行o既大金鐘 今日天色雖然麻麻地, 估唔到都咁多人黎 點擊圖片放大 +4 沿住右邊行 原本右手邊應該有條路行, 可上大金鐘的, 但我地行錯左左手邊的路, 雖然最後都去倒大金鐘, 但就會由右手邊返返落黎, 如果唔想行返落大水井, 唯有再由左手邊條路, 繼續向返企嶺下方向下, 結果有約0.5hr o既路重覆左 點擊圖片放大 +5 右手邊就係企嶺下方向 要行約15mins樓梯 見倒哩個景, 分別有左右兩邊可以行 左邊就係沿麥理浩徑行去企嶺下 右手邊有一條小徑行上大金鐘 大金鐘都係哩d浮砂碎石路, 要手腳並用 上左10mins倒就會見倒哩條柱 之後仲要繼續上 點擊圖片放大 上左大約40mins就開始落返山 頭先就係哩條路行落黎, 因為都係碎石路, 都落得比較慢 哩條路直行, 其實就會出返去昂平, 原本就係應該o係哩邊上大金鐘先o岩 落返昂平之後, 又要行返頭先左手邊條路先可以去企嶺下 行到15:50就去返頭先個涼亭, 雖然可以向前行落恆安村, 應可約75mins就落到, 但想行返去企嶺下, 指標寫話135mins就去到, 唯有行快兩步 沿住麥理浩徑行, 有個大叔話上多100m就開始落山 點擊圖片放大 +2 黎到哩個位原本好大霧, 轉眼間d霧就俾大風吹散左 點擊圖片放大 已經冇晒霧 點擊圖片放大 +10 去到16:20就開始落山了 點擊圖片放大 +4 由於前一日落過雨, 加上落緊微微雨, 條路都比較滑, 落山速度大減 行到17:10雨仲開始越落越大, 落得更慢, 好彩行到17:30終於落返黎平路 行到17:38終於出返石屎路 原本應該行左手邊沿住麥理浩徑出返水浪窩搭巴士走, 行錯了右手邊竹洋路 點擊圖片放大 +3 最後行左半個鐘18:15先出返木棉山巴士站, 轉99號巴士出返恆安
