日期: 25/12/2015 難度: 1.5* (5*為最難) 補給: 有 飛鵝山有幾條路可以上山, 有難有易, 今次我地揀左井欄樹做起點, 開頭路段都係泥斜路, 因為之前落過雨, 泥路仲有少少濕, 比較跌腳要較少心, 後半部穿返出去車路行, 就易行好多, 只係要不停上斜, 同比較沉悶 ************************************************************************************ o係鑽石山轉92巴士, o係井欄樹落車, 14:00起步 o係度拉下筋先 o係村屋之中左穿右插 點擊圖片放大 +3 行左20mins, 到14:20終於到今日的起點 頭o個15mins係咁上樓梯 點擊圖片放大 +4 之後15mins又係咁落山, 要o係樹根同樹根之間前進 點擊圖片放大 行左約40mins就到哩個分叉口, 我地就轉入百花林 點擊圖片放大 入左百花林, 上左5mins樓梯就出返石屎路 行左10mins倒就轉左入哩條百花林 跟住箭咀行 點擊圖片放大 +2 不停上左45mins樓梯, 又出返車路, 沿住哩條車路上去就係飛鵝山 上左10mins斜路, 終於到都左哩個觀景台 如果有藍天, 個view應該唔錯 行上山時, 熱到除淨短袖衫都出晒汗, 但上到黎就勁大風, 凍左好多, 感覺似15,16度 上去觀景台睇下 點擊圖片放大 +3 影完一大輪就沿住哩條車路落山 點擊圖片放大 +4 見倒頭先個涼亭, 有兩條路落山, 一邊係沿沙田坳道落慈雲山, 一邊就沿扎山道落牛池灣 我地揀左扎山道, 落左1hr去到17:45終於落到牛池灣,一落到黎就見倒小巴站, 就可轉小巴落返出去彩虹地鐵站
