日期: 1/1/2016 睇日出唔一定要上山下海, 其實有唔少落車即到o既地方都有靚日出, 今次睇元旦日出o既地方就o係清水灣二灘, 其實已經係第二年黎, 上年都o係度睇元旦日出, o係將軍澳有小巴入黎, o係清水灣對出o既停車場落車, 落幾級樓梯就到, 哩度雖然唔似得山上可以從高處俯瞰, 又一定唔會有雲海, 但勝在方便易去, 同沙灘地方大, 可容納好多人 *********************************************************************************** 原本打算o係大浪西灣睇日出, 1:15藍田集合, 有車o既朋友會車其餘冇車o既人入西貢, 再轉一架預早book左o既大巴一齊入西灣亭, 再從西灣亭步行入大浪西灣, 但當所有有車人士車到大家去北潭涌後, 有部份人士覺得大巴單程每人收$50太貴, cancel了大巴, 並建議改搭的士, 但31/12晚半夜2,3點要call六部的士基本上冇可能的, 最後衡量到要7:00日出前到達, 最終選擇了較行同落車就到的清水灣二灘 約4:00到, 好厚雲乜星都睇唔倒, 大家都開晒d地席呀, 帳幕出黎, 訓下, 食下 但由於都幾大風, 都凍凍地, 訓o係度仲凍, 我地訓左一陣就轉左玩light painting, 先由簡單的寫字玩起 點擊圖片放大 熱完身, 之後開始玩下畫人 點擊圖片放大 +3 估下畫緊乜?! 係雨中擔遮 XDDD 點擊圖片放大 +11 哩幅又估倒畫乜嗎?! 係打緊羽毛球XDDD 就黎天光, 就搬位預備影日出, 途中影返張合照先 6:30開始天就開始光, 尋晚咁厚雲, 估唔到天光d雲終於散開 點擊圖片放大 +4 貧友幫忙影的, 好靚 影影下太陽竟然升上黎, 仲以為冇日出tim 等朋友幫我影完, 即刻拎返架生出黎繼續影 點擊圖片放大 +8 影到7:30太陽出晒, 就執野走人了
