日期: 30-31/12-2015 難度: 2.5* (5*為最難) 補給: 冇 有部份行山網評鳳凰山難度為4*, 其實除左係咁上, 較需體力外, 路唔算難行, 如果係秋冬季節行夜晚, 等睇日出, 天氣較涼, 加上慢慢行, 其實唔算好難 鳳凰山今次其實係第四次行, 當中只有第二次叫做睇倒少少雲海, 都係因為夠大風吹散左d霧, o係第2舊霧黎之前把握時間先影倒美景, 太陽都係出左先睇倒, 第一同第三次更加係如入五里霧中, 今次見朋友好想行(朋友未行過), 就陪佢行一次, 興幸今次見倒真正o既日出, 相信我唔洗再行第五次了~ ***************************************************************************** 行鳳凰山主要有兩條路, 一係由伯公坳出發, 一係由昂坪出發, 前者路較長同平上得冇咁勁, 後者路短而較上落較大, 一般都會揀由伯公坳上山, 再o係俗稱「天梯」o既昂坪路段落山, 亦有腳力不太好o既人士選擇來回都係伯公坳 東涌去伯公坳o既3M尾班巴士係0:10, 30/12晚同朋友食完飯, 搭巴士入東涌, o係東薈城去埋個廁所就o岩o岩好搭尾班巴士入伯公坳 (除左伯公坳起點有一個流動廁所外, 山上係冇廁所, 所以最好o係東涌去左先) 而家巴士有報站器, 方便好多, 就算夜晚都知道邊度落車, 大約搭左10mins就到, 落左車向車頭方向行一陣, 就見倒對面馬路有伯公坳個名, 起點就o係哩度, 而伯公坳對面馬路就係大東山o既起點 落車先1:00, 而由伯公坳上鳳凰山頂一般2.5hrs就到, 就算一大班人好hea咁行, 3hrs實到, 所以冇必要咁早上去食風, 我地就o係路邊拉下筋吹下水, 2:30先開始上去 (其實2:30都早, 以冬天7:00日出, 早少少6:30上到去, 倒數返3hrs, 3:30先上路都可以) 因為今次人少, 所以行得比較快, 行下抖下, 4:45就上到黎, 開始邊食風邊等日出, 山上超大風, 估計得10度倒, 要挨2hrs都唔係易事 上到黎雖然厚雲, 但雲層間都睇倒月亮同零碎幾粒星 上到黎都有約30人, 仲搭左2個營, 5:35個天已經有少少光 6:20已經見倒個天紅紅地 點擊圖片放大 +8 6:56雲上面開始越黎越紅了 第4次登鳳頂, 終於成功見倒日出了!!!!! 點擊圖片放大 +7 仲有少少雲海 點擊圖片放大 +5 好靚, 但真係凍到抽筋, 好大風, 吃到手都凍到痛 見陽光出晒, 7:10就開始向昂坪方向落山, 太陽光照到山頭都金黃色了 點擊圖片放大 +2 第一次落山咁清睇倒成個山 點擊圖片放大 +2 落到8:23終於見倒大佛同心經簡林, 就到了 8:29終於落到心經簡林 雖然經過大佛好多次, 但好多時天空都好多雲, 個天咁藍又冇人, 真係第一次 點擊圖片放大 最後9:00行到昂坪, o岩o岩好趕倒9:10的巴士出返東涌
