D5: 黃龍->成都 因為黃龍出返成都都要8,9個鐘車程, 所以6:15天未光就出車了, 一朝早條路異常暢通, 10:00入九寨方向o既車仲排晒隊等12:00放行入九寨, 但出返成都就冇乜車, 所以十點幾過左橋就食午飯了 清過九寨o既湯*0* 點擊圖片放大 梅菜扣肉, 好好味 川北涼粉 點擊圖片放大 +6 估唔到每人$20 o既團餐都咁豐富XDDDD 由於比預期中早左好多出成都, 而我地成都住o既旅館又比較近機場, 離市中心較遠, 所以就加$200叫師傅直接車我地黎寬窄巷子行下, 13:30黎到, 叫師俯16:30先接返我地 寬窄巷子食一條仿古遊客街, 有小食同手信買, 而哩一段就集中左好多小食 紅燒兔頭*0* RMB$5份, 每份有5個, 都抵食 點擊圖片放大 +3 皮蛋卷(RMB$15/條), 就係雞皮包住涼拌皮蛋, 味道都唔錯 成日睇倒咩三大炮, 原來就係哩個 每敲一下就會有一團糍粑飛出黎 點擊圖片放大 +9 RMB$10/瓶, 唔算好酸, 不過都幾滑 點擊圖片放大 +4 原來有團友頭先o係超市買左黑米雪餅, 試下先~其實除左冇咁甜, 都係差唔多味 由寬窄巷子去成都我地住o既旅館, 要1hr車程, 放低行李後, 我地就搭強國tuk tuk去旅館附近食晚飯, 因為tuk tuk只坐倒2個人, 所以我地要分6架tuk tuk, 好壯觀呢(RMB$5/人) 哩度係上次貧友黎食過, 搭tuk tuk只係10mins倒就黎到, 有好多食店選擇, 所以我地就黎哩度搵食 最後我地又選擇食火鍋 點擊圖片放大 +2 哩間比前晚o既火鍋仲平好多呢~ 點擊圖片放大 登凳~我地今次係食重慶九格火鍋, 咪睇好似好多辣椒咁, 其實仲冇前晚個火鍋咁麻咁辣tim~問侍應o個九格係咪唔同味, 原來其實係一樣, 只係分左九格容易d夾d火鍋料XDDD 清湯火鍋就同前晚差唔多樣 好薄好脆, 幾好食 點擊圖片放大 嫩滑牛肉, 的確幾滑幾好食~ 點擊圖片放大 +2 麻辣牛肉, 雖然睇落好似好辣咁, 不過其實淥完拎返上黎已經甩晒, d辣味都係麻辣火鍋d辣味來的 點擊圖片放大 +3 活殺鱔魚, 唔知邊個叫, 我就冇食到-,- 最後12人都係食左RMB$590, 即係每人RMB$49*0* 由於個o急個手制壞左, 插唔返入去, 又拆唔倒, 好彩火鍋店附近有間大型超市, 就去左買個o急, 之後就搭返tuk tuk返旅館 求其揀個全場最平o既o急, RMB$99 o係超市買o既零食 仲有洗潔精味酸奶(RMB$4.2), 因為太飽, 留返第二朝做早餐 D6: 成都->香港 由於搭7:35 o既飛機, 機場最早6:00 check in, 所以5:15就check-out搭旅館o既專車去機場, 旅館本來話唔包早餐, 但上車時竟然每人俾左個早餐盒我地*0* 早餐盒內原來有一盒酸奶, 一隻烚蛋同一個麵包, 酸奶唔可以hand carry, 唯有即場飲左佢, 同個o急好襯呢~好香士多啤梨味, 但飲落去其實唔係好飲倒士多啤梨味的 離遠就睇倒個o急XDDD 話7:35機, 最後坐左o係架機度, 9:00先真係飛, 唔知係咪一早飲左2個酸奶所以肚痛, 等極佢都未飛, 終於等到飛定左就即刻衝去廁所-,- 成13:00先終於到香港
