D4: 九寨溝->黃龍 因為黃龍只需要半日時間就行完, 所以今日我地可以訓耐少少, 7:00先出黎食早餐 今日我就試左哩個雞蛋麵, 原來只有牛肉麵係有辣的, 雞蛋麵係冇的, 唯有自己加辣 之後再叫多個小籠包3個人share, 包唔算好厚身, 都唔錯 雞蛋麵加小籠包都係RMB$16 食完早餐, 返旅館拎埋行李, 就出發去黃龍了 點擊圖片放大 +7 o係車上見倒有個位, 睇倒雪山, 師傳竟然唔停低, 話前面最高點可以影, 點知去到已經好大霧乜都睇唔倒, 好彩o係車時我已經影左幾張-,- 點擊圖片放大 哩度係成個旅程最高點, 有3960m, 哩個位的確係特別凍 點擊圖片放大 12:30終於黎到黃龍, 去附近飯店食埋個lunch先入景區 點擊圖片放大 +8 糖醋蓮藕片, 酸酸甜甜好好味~ 估唔到哩度個白飯係咁多餐入面最綿最好食的 哩餐食左RMB$460, 平均每人RMB$38, 都算貴了 陣間黃龍o既門票RMB$280 食飯之前仲見倒唔係好多人排隊入黃龍景區, 食完餐飯已經多左好多人, 好彩唔洗等好耐就入得去 因為黃龍開票係包埋上山索道費, 所以我地一入到去就係搭索道上到最高點, 再慢慢行返落黎 架車好鬼遙, 好彩好快就到, 再坐耐d我可以會嘔-,- 上到黎, 趁走散前, 12人影返張大合照先開始行 開頭都係一段平路冇咩睇, 所以我地又施展凌波微步, 左穿右插 哩個梯田形狀o既五彩池其實離我地好遠, 景區為左疏散人流, 要我地兜一大個圈先行到去-,- 雖然話距離五彩池只有430m, 但哩段路全部份上樓梯, 我地都要耐唔耐補返d豬古力先掂 休息左一兩次, 終於上到黎, 可以抖返啖氣 睇下, 頭先我地就係由對面兜一大個圈行到過黎 點擊圖片放大 +2 又係唔知要等左幾耐先霸倒o既影相位 點擊圖片放大 +17 黃龍中寺 點擊圖片放大 +12 周圍都有氧吧, 俾唔夠氣o既人入去吸兩啖, 見就黎落到山, 先得閒入去望兩眼 點擊圖片放大 +26 由13:50落左索道, 17:45終於落到黎喇~好彩落得黎快, 而且落微微雨, 我地急步行去遊客中心有瓦遮頭先等埋其他人, 冇幾耐已經落大雨了 由於景區出口行去自傅停車o既地方, 仲要步行15mins, 我地o係大雨中急步上車, 個個都濕晒, 所以都唔去咁遠食晚飯, 去返旅館樓下食算了, 食之前上黎放低d野先 這間旅館冇坐廁, 算係咁多晚之中最差了, 不過勝在有暖氣, 因為黃龍海拔較高, 氣溫特別凍, 開左暖氣間房都冇咁寒(RMB$180/雙人房) 藏紅花茶 點擊圖片放大 +10 哩度d野食都偏貴, 所以今餐冇之前叫咁多餸, 最後食左RMB$342, 每人RMB$29, 食完飯都21:xx, 第2朝仲要好早出車, 出返成都, 所以今晚都冇出外, 早d休息了
