九寨溝係我幾件前已經想去o既地方, 可惜因為佢已經開左好多年, 所以好多人都去過, 幾年前想去搵唔倒伴, 最後反而搵倒稻城亞丁o既旅伴, 所以去左川西o個邊 今年三月, 朋友見倒HK Airline有平機票去成都, 難得大家都未去過九寨溝, 就即刻邊搶平機票, 邊再吹雞睇下有冇人去, 好快就組成左12人o既團隊了 D1: 香港->成都 D2: 成都->九寨溝 D3: 九寨溝 D4: 九寨溝->黃龍 D5: 黃龍->成都->寬窄巷子 D6: 成都->香港 因為買倒平機票, 來回連稅有食有寄倉都係HK$1,0xx, 而我地一行12人就包左架17座van仔, 放完行李再放埋我地都坐得好鬆動, 都係RMB$6,000/4日, 平均每人都係RMB$500, 所以最後每人洗費都係用左HK$3,8xx(已包買手信, 因為都冇乜野買, 都係o係超市買d零食咁) ************************************************************************************ 放工即刻仆去機場, 又話21:00機, 結果o係架飛機度呆坐, 等到22:00先正式起飛-,- 由於前一晚食得太飽, 所以都冇食晚餐 飛機餐得一個午餐肉包都夠了, 麵包微暖, 唔算難食, 算係咁啦 一早book左距離機場僅5mins車程o既酒店, 仲有專車接送來往機場tim~RMB$198/雙人間, 都算抵~ 熱水夠熱夠猛, 又有坐廁, good! 第2朝8:00 check-out, 8:15出車 影返尋晚住o既酒店先 哩架就係跟足我地4日o既包車, 雖然得17座, 但放完我地成打人加師傅, 再放埋12個o急之後, 都唔會好迫, 架車仲幾新淨tim~(4日包車費共RMB$6,000, 每人都係RMB$500) 睇下~架車都幾闊落架~ 去到10:00就塞車, 原來前面有公安, 但竟然唔洗查證件, 冇西藏咁嚴謹 休息站團友買o既大餅, 我地每人分左d, 又乾又韌, 試過就算 因為成都入九寨會途經一條橋, o個條橋因為負荷問題, 唔可以太多車同一時間過, 所以每日只有12:00-13:00會放車入去九寨, 而而家先11:30未夠鐘, 全部車停o係度排隊, 我地就落車影下相啦 玩完一輪終於到12:00, 不過因為前面排左好多車, 都等左一段時間先過倒橋 過完橋先搵地方食飯, 被哩隻鷹吸引, 我地就決定黎哩度食飯 由於已經14:00, 所以成間食店收晒爐咁, 得我地 點擊圖片放大 +2 哩個麵根都幾好食, 不過索晒d味, 有d咸 點擊圖片放大 +2 哩個涼拌矮瓜係咁多碟之中最咸的 宮堡雞丁, 辣辣地, 好惹味, 好好食 人多有一度好, 就係可以試好多野, 每餐都10餸1湯XDDD(RMB$315, 每人RMB$26) 食完就繼續上路, 坐車坐到20:00, 終於黎到九寨我地住o既旅館, 除左黑d, 都ok, 有電氈夜晚訓覺都唔會凍(RMB$180/雙人間) 放低行李就o係旅館附近o既飯店食晚飯 糖醋里脊, 酸酸甜甜, 好味~ 窩巴, 趣卜卜, 唔錯 點擊圖片放大 +4 水煮牛肉, 辣就唔係好辣, 不過好多油 點擊圖片放大 哩餐共RMB$320, 每人RMB$27 食完晚飯就去附近行下街, 順便買定聽日帶入九寨食o既乾糧 哩間店賣o既明信片都幾靚, 不過好貴, 所以我地睇下就算 點擊圖片放大 +3 其實旅館行黎10mins就係一條酒吧街 哩個九寨千古情景區門票要RMB$200, 明顯係做遊客生意, 入面都係d人工野, 所以我地都冇諗住入去, 行過影張相就算 入閘位影入去 o係超市買左個酸奶返去食(RMB$7), 遊客區預左貴, 不過都係冇o係西藏食倒o既伊利老酸奶咁香咁好食
