D3: 湯口->黃山山上(雲谷寺->白鵝嶺->磨菇亭->北海賓館->獅子峰->光明頂->白雲賓館) 上山前最後一餐早餐, 好唔好食都要食多d喇 望秀山個老闆幫我地搵車由旅館門口車到我地去索道口, 服務超好呢~(車費同坐大巴一樣, 都係RMB$13/人, 佢仲會幫大家拼車, 有d人1,2個就拼埋其他, 總之位位$13)由於尋晚落雪, 地下都結晒冰, 連車軑都要落鍊先上倒黎, 全部野都鋪晒雪, 好靚呀~~~~ 前一日落雪o係旅館門口都睇唔到, 今日終於睇倒天都峰, 就算封左山上唔倒, 睇下都好, 仲有月亮呢 坐索道由後山上, 雖然之前望秀山話憑機票, 黃山門票可再平多$30, 最終都冇得平, 但淡季由$230, 減到$150, 都抵左好多 上山前要戴定冰爪先, 好似尋晚o係望秀山附近間士多買, $10/對 索道票同樣有得平 不過上山o既索道都唔係個圖咁樣, 係一大架可坐50人, 但坐左70人 (就同朝早迫地鐵o既程度差唔多) 9點上到黎白鵝嶺站, 遠望仲好似有d雲海?! (如果早一日黎就正喇, 今朝應該有日出雲海) 點擊圖片放大 凍到個池都結冰 山上超大風, 吹到我都面紅紅 又有哩d鎖 點擊圖片放大 +5 磨菇亭 點擊圖片放大 而家唔係落緊雪, 係大風到樹上d雪都吹晒落黎 (所以之後2日雖然都有藍天, 但因太大風, 雪都吹晒落黎, 我覺得冇今日咁靚) 點擊圖片放大 雪掛 點擊圖片放大 +7 行到攰要坐低抖抖 (其實落左索道之後, 雖然話要行2hrs[以中途冇停留計]先到今晚住o既地方, 但大部份要上都上晒, 所以之後都唔洗點再上) 點擊圖片放大 +3 雖然只係零下幾度, 但大風關係, 感覺似零下十幾度 點擊圖片放大 +4 我隻手因為要成日除手套影相, 就算影完戴返手套都暖唔切, 係凍到痛, 腳板都係, 係而家俾太陽曬一段時間, 先由痛變返冇知覺, 真係以為自己隻手會報廢 點擊圖片放大 北海賓館, 不過我地今晚唔係住哩度 點擊圖片放大 +3 獅子峰 點擊圖片放大 +2 我覺得好似煲湯o個d椰子片 條路鋪晒雪, 行每一級都要好小心呢 點擊圖片放大 +2 差唔多1點, 係時候食個晏了 (雖然我帶左好多豬膠力上黎, 但我發現最後我跟本唔會想食, 因為凍到咁, 我跟本唔想停低一邊食西北風一邊食, 又要除手套 ) 點擊圖片放大 +4 行到攰休息一下 :P 因為我地會o係山上留3日2夜, 基本上如果d野可以放低3日唔用, 跟本就唔會帶黎, 所以我地係冇野可以放低o係山腳, 要全部揹晒上黎, 不過其實個背囊唔係好重, 因為所有衫都著晒上身 點擊圖片放大 終於見倒光明頂喇~目標在望 據聞係哩d挑夫挑d日用品上黎, 唔知真唔真 點擊圖片放大 +4 終於到左傳說中o既光明頂 扮下型先 不過其實哩個位好鬼大風 15:35終於到酒店, 未夠鐘睇日落, 入房休息下先 哩2晚都會住哩度 $380/雙人間, 暖氣超強勁, 果然貴得有道理 (哩個已經係淡季價錢, 旺季要千多元, 同埋因為多人間冇暖氣, 所以冬天都唔開放) d熱水又夠猛又夠熱, 正!! 行左大半日, d水都結晒冰 (蠢左喇, 我有帶豬膠力粉上黎沖, 夜晚應該放杯出去就有凍豬膠力飲 ) 抖一陣又上返光明頂, 食住風等睇日落 地下鋪晒雪, 好驚跣鬼左落去, 所以要捉到實 5點開始日落 17:38終於落完, 極速趁個天完全黑晒之前返返酒店 食完晚餐, 沖完涼, 再出去行下, 因為一出酒店房門, o係條走廊度已經感覺倒d寒氣, 所以著埋酒店提供o既羽絨先敢出黎 其實哩度只係酒店行出少少, 仲望倒間酒店, 估唔到o係度抬頭已經望倒星, 滿天好多星好靚(機仔太廢所以冇影, 就同之後西藏見倒都差唔多), 訓左o係度睇左好耐, 正 (出奇地訓o係度完全唔覺凍 )
