D2: 屯溪->湯口->宏村->翡翠谷->湯口 一早o係如家食埋早餐先出發, $12/人, 都算多選擇 一早book左湯口o既旅館, 旅館仲有專車由如家門口車到我地黎旅館門口, 都係$15/人, 服務周到 本來約左朝早8:30如家門口等, 突然早左黎, 結果好趕咁食完個早餐, 8點就出車, 9點就黎到 尋晚下了一場雪, 朝早一出門周圍都鋪滿雪, 好靚呢 今晚我地就係住哩度, 老闆超好人, 有地圖, 雨衣送, 又借行山杖, 夜晚仲有briefing幫大家plan路線, 講解有咩注意, 連唔係旅館住客都可以聽 $70/雙人間, 都ok呀, 係暖氣唔多夠 熱水雖然較弱, 但都夠熱 放低行李後, 就叫旅館幫我地搵架包車去今日o既2個景點 點擊圖片放大 +2 第1個景點就係以徽式建築出名o既宏村, 由於冬天係淡季關係, 所有門票大降價, 門票由$80減到$65咋 點擊圖片放大 傳說中o既徽式建築, 哩度係某大戶人家屋企 點擊圖片放大 +4 每家人o既窗o既雕花都唔同架, 好鬼靚 有錢人家門o既鎖係要穩陣d 全屋都有好多木雕 點擊圖片放大 +3 雖然冇油菜花, 但冬天o既宏村多左一份蒼涼, 又有另一番韻味 點擊圖片放大 +12 以前d人已經識引水入屋, 仲要d水係不斷流動, 會流返去出面個大池, 所以跟住水流行就一定出得返去, 唔會迷路, 真係犀利 哩度其實都有得住, 不過因為我地聽朝就上出, 所以就唔會o係度過夜 點擊圖片放大 +5 實景?倒影? 點擊圖片放大 +2 哩隻狗兒好靚呀 哩隻係跟尾狗, 我地去到邊佢跟到邊 點擊圖片放大 +2 滿池淍謝o既荷花 我地就係包哩架車去晒今日o既2個景點, $170 去下個景點前, 醫下肚先, 天氣凍好快又肚餓 筍乾炒肉片, 味道不錯 魚香茄子煲, 熱辣辣, 正! 蕃茄炒蛋 三鮮湯 終於黎到第2個景點, 傳說中o既"臥虎藏龍"拍攝地點--翡翠谷, 淡季同樣有優惠, 9折後只需$63 之前聽好多人對哩度評價麻麻, 都係話未去過九寨溝可以黎下, 不過一黎到就落雪, 都好靚呀 點擊圖片放大 +5 真係落緊雪架, 落雪影出黎d相都比較濛, 實景其實係好靚 點擊圖片放大 嘩, 越黎越大雪喇~ 點擊圖片放大 +5 行左咁耐, 其實而家先到入口 點擊圖片放大 +4 海螺灘 點擊圖片放大 有好多唔同法o既愛字 點擊圖片放大 +7 情人橋 點擊圖片放大 哩條橋每行一步都好震 o係橋o既對面望返過黎 由於冬天好快天黑, 所以我地黎到哩個位就唔再行, 返轉頭回程o勒 返到旅館休息一陣, 7點就落去地下食晚飯, 因為飯後仲要聽briefing講下山上幾日點行 聽日就上山喇, 冇啖好食, 今晚一於食餐好o既 (咁樣已經算係好 )牛肉火鍋 7成熟o既炸荷包蛋同土豆炒肉絲, 好味 陽春麵, 麻婆豆腐 由於據聞山上d野食貴又難食, 加上得指定時間地方有野食, 仲要遲左去到, 訂左都冇得食, 加上我地想睇日出, 以我地路線, 係要係咁上樓梯睇完日出, 先夠鐘食早餐(如果我地食o既話, 係要落返去食完, 再上返去睇日出o個度繼續上路 ), 所以我地一早都打算山上3日吔乾糧同杯麵, 每人一早o係hk帶定2個杯麵山上兩晚食, 而家再去附近超市入多d乾糧 經深思熟慮後, 自熱飯盒同八寶粥重到救命, 冇可能擔2個上去, 自熱飯盒仲要咁叉大個, 所以都係放棄
