聖誕假出國去旅行度度都貴, 只有返大陸叫平d 所以2010年o既xmas我就揀左去黃山 要去黃山, 可以搭飛機去杭州, 再搭多4hrs車就去倒 唔想搭咁耐車, 亦可以搭去屯溪機場, 機場距離黃山山腳只係1hr車程 但香港係冇直航機去屯溪o既 要飛屯溪, 最近就只有深圳或廣州起飛 而無論o係深圳定廣州, 每個星期只有一班機去屯溪 而且機票價一定唔會平得去邊 不過12月係黃山的淡季, 無論係黃山景區門票, 山上酒店住宿 景區內o既索道費, 黃山周邊o既景區門票, 全部都大減價 但黃山山上食野就一定貴, 想平最好自己帶野食上去 我就係自己帶, 所以最後6日total只用左HK$3,500 (而當中有HK$2,200係來回機票, 去程廣州飛屯溪, 回程杭州飛深圳) 行程: D1: 香港->廣州->黃山(屯溪) D2: 屯溪->湯口->宏村->翡翠谷->湯口 D3: 湯口->黃山山上(雲谷寺->白鵝嶺->磨菇亭->北海賓館->獅子峰->光明頂->白雲賓館) D4: 黃山山上(白雲賓館->光明頂->飛來石->排雲亭->西海大峽谷北入口->一線天->丹霞站->驁魚峰->白雲賓館) D5: 黃山山上(白雲賓館->驁魚峰->百步雲梯->迎客松->玉屏樓->慈光閣)->湯口->屯溪 D6: 屯溪->杭州->西湖->杭州機場->深圳->香港 ************************************************************************************ 1: 香港->廣州->黃山(屯溪) 出發當日雖然係平安夜, 公司有得放早2hrs, 但由於我地搭廣州19:30機, 所以硬蝕都要請半日假-,-放左工買隻熱狗回家食完執埋d行李就要出發喇 上次去韶關坐住硬座睇倒隔離d人坐和諧號, 今次終於有機會坐和諧號喇 第1次坐, 真係舒服好多, 果然一分錢一分貨 落左火車仲要搭1個鐘機場大巴先到廣州機場, 但塞車, 最後要1.5hrs先到, 去到都18:25 嘩~好彩預早黎, 廣州機場真係好大, 左搵右搵都差唔多時間登機~ 黃山我來了 竟然收我千幾蚊坐個幾鐘都冇飯食?! (回程都係坐差唔多時間, 但豐富超多) 一早book左傳說中o既如家, 果然平靚正, RMB$99/雙人間, 房間裝潢真係幾有家o既感覺 (由於我地當初只confirm有3個人去旅行, 又太遲book, 得返1間雙人房同1間單人房, 所以即使搵倒第4個都冇雙人房俾我地轉, 唯有同阿e孖鋪 ) 如家距離屯溪機場其實只係10mins車程, 但由於我地出得機場已經係夜晚十點, 又落住雪, 的士司機開價$30都要硬食, 算 最緊要都係有坐廁同熱水
