D6: Farrer Park->Spizza Mertaco(意大利菜)->Bing Bing Ice-cream Gallery->Queensway Famous Curry Chicken(小食)->Keng Eng Kee Seafood(小炒)->Farrer Park->Airport->HK 由於今日最後一日, 要去o既景點都去晒, 冇咩地方去, 所以去到最尾先check-out, 寄存左行李o係lobby後, 就搭MRT到City Hall,黎哩度食lunch 點擊圖片放大 Olivia,都幾好食 千層麵,ok 因為買左groupon,sg$20當sg$40用,所以補多sg$4就得 估唔到星星國都開左dazzling,仲好似冇咁多人tim,好鍾意樓上個雅座 食完就去位於United Square哩間雪糕店 都幾多款揀 揀左Bailey's Irish Cream & Lychee雪糕配窩夫,bailey冇想像咁好食 酒味唔夠重,反而lychee有驚喜,味道幾清 窩夫算唔錯,同樣係買左groupon,所以只係sg$4.9(原價sg$10) 又係因為50周年,所以好多組屋都掛晒哩d紅色旗 求其入左一個商場仔行下,估唔到都有熟食中心d野食,但哩度係有冷氣o既 要左花生同椰絲黎試下(sg$2.5) 其實都唔可以叫糕,因為白色o個d似係北京菜入面夾住片皮鴨食o個d麵包,只係入面加左椰絲同花生,味道普通,叫做試過 麻糍,其實即係入面冇料o既糖不甩(sg$1.5) Limau juice(sg$1.5),街邊貨,當然唔可以同之前o係越南餐館飲的青檸汁比較,冇乜味的 晚飯就去左o係Queensway Shopping Centre斜對面哩間食小炒 有鹿肉 明珠卷,外皮脆卜卜,入面有好多唔同餡料,都幾好食 砂窩薑蔥豬肝,ok 黑椒鹿肉,食唔出肉質有咩特別,味道都唔錯 月光河粉,即係冇牛肉o既乾炒牛河 三蛋芫菜,不過完全唔見有蛋 叫埋野飲,埋單4個人才食左sg$60.8,都幾抵食 食完搭返車返旅館都21:xx, 拎埋行李,去廁所抹下身換件衫上多陣網就o岩o岩夠鐘搭MRT去機場, 準備搭1:50的機返hk了~
