D4: Aspirasi Food Stall(炸雞飯)->Fried Kuay Teaw Mee(煎蘿蔔糕)->Universal Studio->Tamoya(日式烏冬)->Usman Restaurant(印度咖哩薄餅)->Farrer Park 因為今日要去Universal Studio, 所以去之前就去左Harbour Front MRT附近o既Seah Im Food Centre, 去哩度食炸雞 炸雞都幾脆, 幾好食(sg$3.5) 一個炸雞飯又點夠, 之後再食埋哩間位於同一熟食中心o既食店 不過今次唔係食炒粿條, 係食煎蘿蔔糕(sg$2.5), 蘿蔔糕本身已經辣辣地, 唔洗再落辣醬, 唔錯~ 天氣太熱, 忍唔住又要左杯庶汁(sg$1.2) 食完就過返Vivo City, 搭Sentosa Express去Universal Studio(sg$4), 雖然根據網上資料, 係可以行入去, 出黎先搭express(出黎唔洗$$$), 但因為太熱, 都係搭車算 10:30終於黎到Universal Studio了~~由於又係之前o係apps買定門票, 所以平左超多(sg$30) USS主要分7個區域, 一入黎就係Hollywood Zone, o係哩度會有好多唔同建築, 不過由於我地趕住玩機動遊戲, 所以以極速行過 話咁快我地就直奔最近同最受歡迎o既Transformer the Ride玩 每個機動遊戲入面都一個又長又嚇人o既警告牌 入到去當然打晒蛇餅, 所以除左睇一早D/L定o既卡通之外, 最好就係影下相, 不過因為入面真係太黑, 所以d相都手震了 排左50mins終於可以拎3D眼鏡, 即係好快就玩得喇 Transformer the Ride其實可以講係一個3D動感戲院, 同一時間會有約20個玩家坐o係一架車度, 架車一路行會見唔倒唔同o既場景, 車身亦會隨住唔同場景搖動, 令玩家感覺似高速俯衝, 墜落等, 驚嚇度有1.5*(以5*為最驚嚇) 玩完Transformer the Ride, 見哩個Accelerator冇乜人排, 就玩下 有眼睇, 哩個其實同咖啡杯冇分別, 所以驚嚇度係0*, 唔怪得排左幾個字就玩得 之後我地就去左Ancient Egypt 點擊圖片放大 +2 見哩個Revenge of Mummy話排半個鐘倒就玩倒, 又黎玩, 果然比起Transformer少好多人排, 一入到去, 行左好耐先見倒人龍, 哩個其實同Transformer差唔多, 係坐o係架室內過山車度, 途中會遇倒唔同場景, 其中一個會有噴火, 真係感受倒熱力, 不過其實驚嚇度只有1* 之後我地繼續行, 又黎到Jurassic Park Rapids Adventure 等左45mins終於到我地喇~ 睇個樣雖然同OP o既滑浪飛船差唔同, 但驚嚇度可以話少100倍, 滿心奇待會俯衝10層8層樓, 點知落得o個1層樓都唔知有冇, 驚嚇度只有0.5* 玩完山寨版滑浪飛船, 我地又花左1hr排個Canopy Flyer, 咪睇佢對腳吊吊fing, 其實一樣係零驚嚇, 可能係俾細路玩 驚嚇度0.5* 之後就去左Far Far Away玩哩個 排左50mins終於又玩得, 咪睇頭先張相好似轉黎轉去好驚咁, 一樣係冇料到的, 我估哩個zone入面d機動遊戲應該都係預左俾細路玩的, 驚嚇度0.5* 之後就入左哩個城堡入面, 佢其實係Shrek 4D Adventure, 一入到佢, 唔洗點排就入左一個好大o既空間, 個個企晒o係度, 上面有個電視仔, 講一大段又長又悶o既開場白, 先俾人入去4D戲院, 套戲其實都係講Shrek勇救肥妻娜公主d老套野, 不過當中又噴水又噴煙, 都算幾落本, 因為唔係機動遊戲, 驚嚇度係0* 其實一開頭行過哩度我已經好想玩, 但見出面寫住要排120mins 就諗住臨散場先玩, 睇下會唔會少人d, 到我16:00倒玩完頭先幾樣野後, 見藍色哩個仍然要排130mins, 而紅色仲要多耐少少, 算~排啦, 不過排唔係問題, 其他機動遊戲都可以帶埋袋入去, 玩先放低, 哩2個就要放低所有野入locker(lockers有限定時間免費, 過左時都幾那利), 即係話手機相機都要放低, 入到去真係堅排隊 話說原來藍色叫Battlestar Galactica Cylon, 而紅色叫Battlestar Galactica Human, 哩2個過山車雖然已經起左4年, 但當中因為安全問題, 封左2,3年, 係前幾日先開返, 咁我今次黎得都算著時 見藍色排得快少少就排哩個先, 其實出面個時間應該係扼人, 最後我地排左75mins倒就玩得, 不過佢雖然轉左2圈360度, 但其實俯衝唔算好多, 所以唔係好驚, 驚嚇度只有3.5*, 玩完已經17:30, 即刻衝去locker拎袋, 再睇下可唔可以排紅色, 原來USS雖然話19:00閂門, 原來19:00前仲可以入去排隊, 我地即刻2話不說又放袋入locker再排過, 可能因為臨近閂門, 所以最後只係排左40mins就玩得, 仲有幸坐倒第1行tim~不過紅色比藍色仲冇咁驚, 除左上落唔大, 仲少左360轉, 所以驚嚇度只有3* 其實玩完, 我見倒仲有2,3個人排隊, 即係最尾一轉得3個人坐, 都諗緊好冇玩多次, 不過反正都唔係好驚嚇, 都係算 玩完已經19:30, 先慢慢邊行出大門口, 邊影相 而家先影返Hollywood 點擊圖片放大 +4 一黎到時由於趕住衝入去玩都冇時間影, 而家先補返 企左成日, 餓左成10hrs, 終於出返黎了~ 由於排o個個Sentosa Express都排左半個鐘有多先搭到, 出到黎都已經21:xx, 好多食店都閂左門, 就去左Chinatown搵食 哩炸配菜唔洗錢, 任落的 因為哩度最出名都係烏冬, 所以叫個淨烏冬算(sg$7.8) 勁肚餓, 2啖就食晒, 烏冬幾煙韌, 湯都幾好飲 之後就去左酒店附近o既超市買雪糕返去食~好多選擇呢~ 雖然香港N年前曾經有Ben n Jerry, 但我係未食過架, 所以黎到點都要食返杯, o係2,3款最多豬古力o既口味中, 我揀左哩款(sg$13.9) 沿路行返酒店時, 就去左哩間Usman Restaurant食咖哩薄餅 果然係小印度, 薄餅果然比之前o係kopi店食o既薄餅好食, 叫左garlic同cheese兩款口味~ 咖哩雞, 因為我食咖哩原嬲淨係鍾意蘸個汁食, 唔鍾意食肉, 所以冇試到個肉, 咖哩汁夠辣, 但又未至於辣到食唔倒, 好味(sg$8) 因於咖哩店好熱, 所以快快趣食完, 就飛奔返酒店, 好彩雪糕都只係溶左少少, 豬古力味好濃, 仲有豬古力brownie, 好味~
