D2: Farrer Park->Heng Gi Goose and Duck Rice->Selera Rasa Nasi Lemak(辣死你媽)->Bird Park->Sunday Folks(雪糕窩夫)->Farrer Park 去今日o既景點前, 先去Little India MRT隔離o既Tekka Centre食個早飯先 哩度最出名o既就係鴨飯(sg$3.5),個味都唔錯,不過我都係鍾意食個豉油撈飯多d 不過d鴨就真係薄左d 食完就去Botanic Gardens對面o既Adam Road Food Centre食傳說中星星國最好食的「辣死你媽」,睇下佢條人龍,就知冇黎錯啦 由於附近有間警署,排隊期間有幾個差佬一人買左十幾廿份「辣死你媽」(sg$5),結果等左50mins先買倒 有別於十幾年前去馬拉食過的傳統「辣死你媽」,傳統的係包到成隻稯咁,同名符其實o既「辣死你媽」,哩個所有配料係分開,辣醬都係,自己蘸幾多自己控制,所以辣度就減低左好多,食落甜甜辣辣 我可以大膽講,哩餐都算係成個旅程頭5位好食的其中之一 食完個豐富早餐,就搭MRT去Boon Lay轉194或251號巴士去今日o既目的地了~ 坐左15mins巴士,就來到Bird Park喇~~ 因為早前在apps同人買定,所以@sg$15就買倒了(原價@sg$28) 一入Bird Park就黎Penguin Coast過下冷河先 點擊圖片放大 +3 之後就係Flamingo Pool 成個Bird Park話大唔大, 慢慢行慢慢影, 3hrs點都夠玩 Birds of Play其實係一個小型o既兒童水上樂園 左面架小火車雖然係門票包埋, 但為左可以慢慢行慢慢影, 所以我係冇搭o既 Flamingo Lake入面d紅鶴比起頭先Flamingo Pool冇咁紅喎 Pelican Cove內的鵜鶘 點擊圖片放大 +4 鶴鴕 哩度睇倒唔同鳥類o既蛋可以分別幾大 點擊圖片放大 +5 佢地訓緊晏覺嗎?! 點擊圖片放大 +2 頭先d鸚鵡係一個大鳥籠關住, 遊客進入個大鳥籠觀鳥, 但唔知點解大咀鳥要特別另外有個玻璃櫃關住?! 點擊圖片放大 +7 哩隻叫Common Crowned Pigeon, 佢哩個咁兇狼o既眼神真係好難想像佢同白鴿係親戚 點擊圖片放大 +12 最後一站就係World of Darkness 現場環境其實好黑, 肉眼雖然勉強都睇倒隻貓頭鷹, 但黑到相機都focus唔倒, 最後唯有o係view finder用肉眼靠估黎focus 哩隻直頭用肉眼o係view finder睇唔倒tim, 只見倒極之模糊o既身影, 以我技術影到咁都算係奇蹟 唔知點解除左貓頭鷹, 會有隻咁o既鳥 白色的貓頭鷹好靚~ o係又曬又熱o既情況下行左3hrs Bird Park都算係極限, 之後就去左Holland Village MRT附近哩間cafe食雪糕, 哩間其實係上次食o個間雪糕店Creamier o既姊妹店, 因為哩間要等45mins, 所以攞左籌之後, 我就去返MRT嘆冷氣嘆到差唔多夠鐘先黎攞位 點擊圖片放大 +3 今日竟然冇豬古力雪糕!!!!??????? 唯有叫哩個豬古力蛋糕頂住先(sg$7.9, 如果係weekday黎, 仲可以sg$10食set, 包一件cake同一杯野飲), 好濃的豬古力味, 仲好滑, 好好味~ 哩個係百爵茶薰衣草雪糕伴窩夫(sg$8.8),一睇就知唔係我杯茶,欠缺豬古力雪糕o既窩夫只係不過不失 晚餐去友人家作客所以就冇影相了
