因為某d原因, 所以每年都要到星星國一次 咁o岩之前又目及倒scoot有平票, 來回連稅才$721, 所以又促成今次星星國食食食之旅 今次因為買倒平機票, 食o既有幾度都係之前groupon買, 平左好多 門票又係之前網上買, 又平左唔少, 所以最後6日洗費+購物都係用左約HK$3,5xx ******************************************************************** D1: HK->SIN->Farrer Park->Jai Thai Restaurant->Sin Ming Roti Prata(印度薄餅)->AMK Curry Puff->Toa Payoh Lucky Pisang Raja(炸香蕉)->Soon Heng Rojak->Milkcow(韓國軟雪糕)->The Church Of Our Lady Of Lourdes->Yong Kee Seafood Restauran(中式小炒)->Farrer Parke 今次係坐scoot之前宣傳o既787新機 坐位係3-3-3,除左新淨之外,仲改善左機內凍到抽筋o既冷氣系統 今次住o既金陵大旅館, 比上次住o既旅館冇咁方便(距離Bugis MRT只需2mins路程), o係機場搭MRT o既話要轉幾次線, 去到Farrer Park MRT仲要行約10mins先到(連稅約HK$514/晚) 酒店裝修以懷舊為主 點擊圖片放大 +4 位於2/F的common area 而我住o既係4/F 雖然酒店冇上次咁方便, 但房間就比上次大少少, 廁所雖然都係玻璃, 但係用上厚格 廁所仲幾大下tim, 最好係佢有窗(雖然唔開得), 每日俾汗水浸濕o既臭衫, 掠一日就已經乾了~唯一係個水唔係好夠猛 由MRT拖住行李行去旅館o既10mins路程已經成身濕晒,所以沖個靚涼先出去醫肚, 第一站係位於Bishan MRT附近哩間Jai Thai Restaurant 哩間泰菜夜晚好多人食, 但因為而家差唔多15:00, 所以得返小貓3,4隻 因為食店位於工業區附近, 所以套餐都算平, 有粉麵, 野飲同甜品, 哩個價錢hk都唔係間間食倒 加錢轉左泰式奶茶, 仲有附送的甜品 泰式金邊粉, 好味 炸蝦餅係另外點的, 好食, 埋單sg$12.3 食完泰菜, 就搭巴士黎到Sin Ming Rd哩個kopi店食哩間印度薄餅 叫左芝士同原味2款薄餅, 咖哩係叫薄餅附送的, 所以只有咖哩汁冇肉的, 芝士薄餅都幾好食, 咖哩比hk經改良符合hk人口味的咖哩辣, 但又未至於好辣, 好味~(sg$3) 食下一站前, 路經星星國人買組屋o既地方, 右下角就有好多組屋模型 第3站係位於 Toa Payoh Central o既kopi店內的哩間食咖哩角店 咖哩角其實幾足料的, 但個人就唔太鐘意食, 所以食左幾啖就冇食(sg$1.4) 而第4站哩間炸香蕉店其實就係咖哩角店附近的 除左炸香蕉, 仲有好多其他炸物 粉唔算厚, 香蕉夠林, 都幾好食(sg$1) 因為第4,5,6站都o係附近, 而第6站哩間店就o係有冷氣o既Gourmet Paradise Food Court內, 所以買完咖哩角同炸香蕉, 就最好坐o係度慢慢食了 話說哩間羅雜店都幾多人排隊, 最後排左半個鐘先買倒 超多花生o既羅雜(sg$3), 酸酸甜甜幾好食, 不過我覺得都係上次o係whampoa drive o個間d羅雜好食少少jek 第7站就係哩間位於Dhoby Ghaut MRT對面商場o既韓國雪糕店 因為之前買了groupon, 所以原價sg$5.5一杯的, 而家有2杯 左面係豬古力, 但入面其實加左海鹽, 雖然食落又咸又甜, 不過個味都幾match 右面o既係蜜糖味, 個人感覺甜左d, 冇豬古力咁好食 建於1888年的The Church Of Our Lady Of Lourdes 點擊圖片放大 +2 晚飯就黎左Shing Boon Hwa Food Centre哩間店食小菜 食之前, 每人叫左一杯野飲先, 我哩杯係酸甘水, 酸酸地, 好解渴, 幾好飲, 8個人每人叫一杯才sg$9 麵線, 放左湯羹肉, 似食緊碗仔翅咁 炒蛋 炒米粉, 有d似糖醋麵, 不過係點辣醬食的 沙拉蝦, 放o係蜜瓜上面, 因為我唔食沙律醬的, 所以只食左沾倒最少沙律醬o個舊, 都幾好食的 西檸雞, 同香港的冇乜分別, 都唔錯 枸杞木耳蒸雞 8個人叫左7個菜, 埋單都係sg$106, 算平了 返到旅館, 影返張lobby著左燈o既相先~
