今次主要係同一個20年內去日本多過40次o既親友兩個人去日本旅行 因為親友去過多次, 行程主要係佢plan 而親友係hea玩型, 所以今次旅程算係比平時冇咁早起身 而為左可以利用日間時間影相 所以血拼都會安排o係夜晚 而且去o既時候正值日元高企時候 食同買都以平價為主 每餐盡量維持o係1,000 yen內(除左個別1,2餐較貴) 亦盡量每餐食唔同野 ****************************************************************** D1: 香港->大阪->心齋橋 10月頭搵左相熟agent買大阪package 2人同行, 坐CX機, 包2晚旅館, 連稅每人HK$2,1o8 去程10:20, 回程18:25, 都算早機去晚機返 好精緻o既飛機餐 一落機就見倒天陰, 都心知不妙-,- 點擊圖片放大 +3 搭左大半個鐘, 終於到左心齋橋附近o既旅館 package包o既旅館, 比較舊同細, 不過最大問題係佢只有暖氣冇冷氣, 熱到出晒汗-,- 放低行李都3,4點, 邊度都去唔倒, 唯有在附近逛下算 點擊圖片放大 +3 第1晚先拼一下~ 估唔到哩度都變左小肥羊o既版圖內-,- 晚飯去左Co Co屋食咖哩 平食之選~ 咖哩豬扒飯($9xx yen), 日本d咖哩都比較稀, 不過都幾好食~ 咖哩炸蠔飯($9xx yen) 第1日血拼成果~ $500 yen from 心齋橋小鋪 $500 yen from 心齋橋小鋪 $990 yen from 心齋橋g.u. $490 yen from 心齋橋g.u. 鞋: $990 yen from 心齋橋g.u. 耐唔耐就會見倒d藥房有d零食大減價, 指定朱古力都係6x yen一盒, 唔掃都對唔住自己啦XDDDD 因為今次旅程只得夜晚有時間shopping 要o係有限時間買平靚正o既衫 所以我地主要行地下街o既小鋪 完全冇去大百貨公司 小鋪通常將最平最靚o既貨都放o係最出面 所以一般睇最出面o係衫 如果見倒價錢較貴, 就直頭skip左佢睇第2間 見倒有睇o岩先再入店內 咁就可省回不少時間 據講就黎o係香港開分店o既g.u.係uniqlo o既姊妹店 價錢平d之餘, 款式仲靚d 有d指定斷碼或舊款更加平上加平 都會執倒唔少正野
