因為本身去旅行都好鍾意寄明信片俾朋友 亦好鍾意收倒朋友去旅行時o既明信片 聽過一個朋友講過 去旅行都會記得寄明信片俾你o既朋友 點都有心過臨走o係機場求其買d手信俾你o既所謂朋友 兩年前, 因為睇倒forum有人講開 我開始玩Postcrossing 之前可能都有blog介紹過 我今次主要想分享我交換倒比較冷門地方o既明信片 分享之前就簡單介紹下哩個網站啦 哩個網站主要係一個等大家可以同來自世界各地o既人交換postcard(即係postcrosser) 註冊左帳戶後, 第一件事你要寫自己o既profile 你可以簡單介紹下自己, 最緊要寫埋你想收咩類型o既明信片 例如風景, 卡通, 花, 星空...... 之後你可以o係左手面見倒"Send a postcard" 網站就會random俾一個其他國家o既postcrosser o既地址你 一般新玩家開頭都可以request五個不同地址 而每當有人收倒你o既明信片, 佢地會o係網站登記 咁網站就會分配第二個人寄明信片俾你 而你o係profile寫鍾意o既明信片類型 就可能成為佢揀邊一張明信片寄俾你o既hints 而當寄得越多明信片, 之後可以同一時間request o既地址就會越多 正如就先所講, 我地寄明信片去邊個地方 同收倒邊個地方o既明信片都係random 而多人玩postcrossing o既國家, 必然抽中o既機會亦會越大 當你越玩得耐, 可能會發現成日都係抽中o個幾個國家 想收倒一d冷門國家o既postcard, 你就要靠Direct swap (直接交換) 睇上面張圖, 你可以o係上面"Explore"揀"Countries" 就會見倒所有國家 o係紅色框住Member o個欄, 就可以睇倒o個個國家有幾多人玩Postcrossing 一般少過1000人都算少人玩 只要click入國家名, 就會見倒好似下圖咁 哩個時候可以求其click入一個postcrosser o既profile入面 入左去之後, 只要見倒"Interest in direct swaps"係寫yes o既話 就可以o係"About"上面o既"Send.....a message!"度問佢肯唔肯同你Direct swap 另外, 最好仲留意埋"Last seen"佢最後一次上Postcrossing係幾時 如果太耐, 佢可能已經冇玩 所以最好係揀一個星期內上過黎的 而如果想交換倒少於100人玩的國家o既稀有明信片 就強烈建議睇最頂個紅圈, 睇佢玩左Postcrossing幾耐 因為哩d咁少人玩o既國家, 必然好多人都想收倒佢o既明信片 每人可能收倒過百個Direct swap request都唔頂 如果個帳號只係開左1個月內, 肯交換o既機會就一定高d 講左咁耐, 而家就等我分享下, 我收換倒o既少於100人玩o既國家o既明信片啦 Afghanistan 阿富汗 Bahamas 巴哈馬 Bahrain 巴林 Brunei 汶萊 Colombia 哥倫比亞 Cyprus 賽普路斯 Dominican Republic 多明尼加 Fiji 斐濟 Guernsey 根西 (哩位postcrosser更寄埋當地鐵路圖同車票俾我) Kuwait 科威特 Macedonia 馬其頓 Maldives 馬爾代夫 Malta 馬爾他 Montenegro 蒙特內哥羅 Myanmar 緬甸 Nepal 尼泊爾 Northern Mariana Islands 北馬里亞內群島 Pakistan 巴基斯坦 Peru 秘魯 Saudi Arabia 沙地阿拉伯 Swaziland 史瓦濟蘭 Trinidad and Tobago 千里達及托巴哥 Turkmenistan 土庫曼 (哩個postcrosser仲寄埋當地貨幣俾我XDD) Uruguay 烏拉圭 分享完收倒o既明信片 不如又分享下點先吸引倒人地揀你黎Direct swap啦 當然係要你o既明信片夠靚夠特別啦 而因為香港買倒o既明信片通常都係大路o既香港旅遊名勝 所以我通常會用自己o係香港或去旅行影o既相, o係淘寶印製 只要o係淘寶search"明信片製作", 就會搵倒好多印刷明信片o既公司 無論紙質, 明信片背頁o既設計 同明信片o既排版, 如要唔要留白邊等都可以自己揀 當然決定用邊間之前最好睇下評價如何啦 如果懶得自己cut相以符合返明信片呎寸, 其實淘寶店家都會免費幫你裁相 但如果要求高, 怕佢亂裁o既, 亦可以自己裁好再send俾佢地印 一般連埋運費平均HK$1-2就有一張自己o既明信片 仲平過平均$5/張o係香港買o既旅遊明信片tim 點擊圖片放大
