D5: 拉薩->雅江->松贊干布出生地->米拉山口->尼洋河->中流砥柱->格薩彌吉堡->林芝 今日就要開始一連10日o既包車之旅, 所以趁離開拉薩之前, 去郵局買定郵票遲d去珠峰寄postcard (之前已o係旅館買左postcard, 諗住郵局會冇咁多款, 點知仲多款, 又平$0.5 , 所有postcard一律$2, 有2D同3D, 2D就印左1個$0.8o既郵票) 原來郵局有好多印仔吸, 等我仲冇帶d postcard出黎tim 唯有買多張唔同款o既要黎吸 不過d印仔好多都俾人吸到朦晒, 都唔知乜黎 第1日包車, 拉薩bye bye~ 車上風光, 開始出車, 向林芝出發~ 點擊圖片放大 +2 路經雅江, 趁咁好天又停車影下相~ 點擊圖片放大 由於今個旅程最初原意冇諗住睇秋景, 主要夾倒大家時間就去, 所以葉仲未係好黃, 遲多1,2個禮拜黎會仲黃仲靚 點擊圖片放大 +3 我地其中一個包車師傅(仁青), 其實我地早o係出發幾個月前已經搵左幾個師傅/車隊quote價, 其中一個就係佢, 但當時拉薩好亂, 好多師傅o既電話都收唔倒, 最後我地放棄搵佢(網上好多人話佢好), 比較過幾間價格&服務範圍, 諗住搵拉薩青年車隊(rmb$1350/日/車), 後來有同事話上年坐過仁青車, 話佢好, 又平, rmb$1200/日/車, 俾佢contact我(當時我唔知團友搵過佢), 團友再聯絡佢時, 竟然又打倒俾佢, 而且一樣係rmb$1200/日/車, 所以最後就搵左佢 點擊圖片放大 松贊干布(吐蕃王朝立國之君)出生地, 師傅話入面冇咩睇, 又要門票, 所以我地o係門外影張相就算 點擊圖片放大 +13 好彩黎得快, 影完又有一大群強國人殺到 點擊圖片放大 +4 咁震撼o既環境真係唔影唔得 遠處d黑雲又殺緊埋黎-,- 趕左成日車, 又係時候e肚 雖然多菜少肉, 但比上次去4川d團餐(聲稱每餐有4肉4菜, 但o個4肉唔係肉絲就係9成都係肥膏 )已經好好多, 起碼唔會感覺係一餐頹飯 , 平均每人消費$38 點擊圖片放大 +4 什菌湯, d菇好juicy, 唔錯 食完就繼續上路 哩條就係尼洋河 點擊圖片放大 d水流都好湍急 點擊圖片放大 又係哩d石堆 點擊圖片放大 +8 中流砥柱 點擊圖片放大 +12 格薩彌吉堡 點擊圖片放大 +6 夜晚我地就住哩間旅館(rmb$200/晚) 又有座廁 放低d行李, 就去左附近o既飯店食飯 (其實成個旅程食同住都係師傅介紹, 總括都ok, 價錢合理, 質素唔錯) 今餐唔係食左好多野, 所以每人都係$15 點擊圖片放大 糖醋里脊, 好味~ 沙窩雞煲
