D13: 首爾->德壽宮->昌德宮->昌慶宮->蠶室地下街->蠶室樂天超市->首爾 本來今日諗住9點一開門就黎, 但o係hostel食早餐時, 突然有個大陸6人衝入黎用普通話問有冇人識漢語, 當時只有我同另一個菲律賓人, 咁我唯有話我識, 原來佢同個外藉staff溝通唔倒, 叫我幫佢翻譯, 我唯有用我有限o既英文+普通話幫佢, 搞完一大輪, 佢好驚奇點解我識普通話, 佢唔係諗住我係泡菜人吧?! 哩度係德壽宮, o係市廳站1號出口一出就到, 原本門票係₩1,000, 但由於今次旅程會去4個宮, 所以買了通票(₩10,000), 可一個月內入晒咁多個宮 點擊圖片放大 +10 哩度係一個博物館, 由於要另外買門票, 所以就冇入去 點擊圖片放大 +2 德壽宮得個大字, 都冇咩睇, 最出名反而係出面的石牆路 點擊圖片放大 +3 行完德壽宮, 就搭地鐵去安國站, 本來想食哩度好出名o既年糕鍋, 仲特登等佢一開門就黎, 點知又話唔做1個人生意 見附近有間食石頭鍋飯就入去, 反正黎咁多日都未食過, 哩間前菜有煎蛋, 咁多次都冇食過, 幾好食 食完就行去昌德宮, 因為一早book左12:30秘苑的導賞, 所以要行快2步 秘苑要join導賞先入得, 所以要早一個月就去book定, 有韓日中英語, 但中文(普通話)就只有12:30哩一場, 不過其實邊一場都冇所謂, 我入到去都係自己行, 顧住影都唔得閒聽佢講, 而且一團幾十人, 我都要等人行晒先影倒相 秘密果然係咁多個宮入面最靚的, 一步一景~如果再遲d多d紅葉就不得了~ 點擊圖片放大 +27 行完秘苑, 先行返出面o既昌德宮 點擊圖片放大 +34 行完昌德宮, 就慢慢行去昌慶宮 點擊圖片放大 +10 之後就去左蠶室地下街, 格局有d似葵涌廣場, 比我想像中少野行, 平時睇gmarket好多靚衫, 哩度都冇o既 極速行完地下街, 就過左去蠶室樂天超市, 因為知道首爾站的樂天超市超多人, 反正都會行蠶室地下街, 就去哩個超市算 本來plan左血拼完就去附近的新沙站食醬油蟹, 但唔知腳傷食唔食得蟹, 加上對哩d要拆殼咁麻煩o既野就興趣不大, 所以最後回hostel放低d野, 就o係附近搵食, 見倒pizza店即刻衝左入去 哩度d pizza都好特別, 有薯格pizza, 但d薯格係冇得散叫的XDDD而哩個係芝士pizza, 連埋可樂才₩8,000, 好好食, 當然最後我都係食晒的 原來哩間pizza店仲係收12點的 今日在地下街行來行去, 都係買左1件衫 見有promo就買, 都唔知咩牌子好, 求其執d 買得最多都係o係樂天超市, 一見豬古力就掃 有d太大盒驚拎唔晒先冇買 左下的豬古力批同右面中間的豬古力脆米都好好食
