D12: 首爾->慰禮城路/奧林匹克公園->廣藏市場->東大門->東廟Sparex 自從出返首爾, 先可以遲過6:30起身, 同o係hostel食7:00先開始供應o既早餐, 就搭地鐘去到夢村土城站, 去奧林匹克公園 奧林匹克公園最出名的, 就係出面哩條慰禮城路2邊o既銀杏樹 點擊圖片放大 +24 之後去左鐘路3街哩間網上有人介紹o既小店食lunch 哩度只有4款野食, 味噌鍋, 大醬湯, 豆腐鍋同泡菜鍋 成日睇泡菜劇都話大醬湯, 唔知咩味, 就試下 枱面有碗辣醬, 要黎拌飯, 都幾好食 食完就慢慢行去廣藏市場, 哩度有好多泡菜國傳統野賣, 同好多小食, 有d係出面冇得食的 點擊圖片放大 因為o係出面冇見過哩隻粉, 就叫碗黎試下, 其實都唔知係乜黎, 味道普通, 透明的粉條口感似o者哩, 唔係煙刃的 (₩4,000) 食完就慢慢行去東大門, 去哩間汗蒸幕玩下 (₩7,000) 俾左錢, o係門口除鞋, 就會每人俾一套衫褲, 2條毛巾, 同一條鎖匙 鎖匙可開倒鞋櫃同一個儲物櫃 換完衫, 男女就各自去所屬的溫泉區, 有不同溫度的池, 由2x度至4x度都有, 怕熱的我就只留在38度的池 浸夠就可以出黎哩個common area, 有電視睇, 同可以周地訓下 仲有不同溫度的窰 唔想沖完又出過汗, 所以我只入左哩個-5度的窰 仲有canteen可以食野, 網上話食野係用鎖匙記帳, 但原來係俾cash的 好多人黎汗蒸幕都會飲返杯甜米水, 就叫杯黎試下, 冇找定個韓文名, 但咁o岩有個女人飲完還返隻杯, 我就指一指隻杯, canteen個婆婆初時以為我要一隻杯, 後來我再指多次, 佢終於明 o係度訓左2hrs先走 本來今日係plan左去新村食立食韓牛, 但實在唔想再企, 所以就搵左間₩8,000任食烤肉, 都幾多選擇呀, o岩晒一個人咩都可以食下 店員服務超好的, 耐唔耐會幫我換錫紙, 同倒左d油, o係我食左3轉後, 佢可能以為我唔會再食, 所以冇幫我換, 但我出去拎完野食, 再返入黎時, 佢已經幫我換左, 最後我係食左5轉 我初時都懷疑係咪真係₩8,000咁平, 不過都唔理, 照食, 最後飲埋枝可樂先₩9,000 由於之前睇醫生俾d藥食晒, 加上前日行完山隻腳腫到豬蹄咁, 今日去完奧林匹克公園見仲好早, 就去搵醫生睇, 都唔知邊度有醫生, 見街上一個掃街o既ee, 就問佢, 佢都唔知, 但佢就幫我問附近一pair行過o既情侶, 個女仔仲用手機上網幫我搵邊度有, 仲教我點行, 最後用英文單字+body language終於成功睇左醫生+攞藥 今日在Daiso掃的戰利品, 左上的糖之前同事請過我食, 幾好食的, 所以買左2包
